Yibraniyeku 13:1 - Mewar Alqawarang

¹ Zu̱m ma guma ndu̱ wuti ndolar khachinkir ye yen.

Yibraniyeku 13:1 Iomraidhean Croise

Yokhana 15:17

Ɓalar nang zu̱ki ye nu chin ke ndola ma yen.”

Tlu̱nar ɓu̱ Pudeku 2:1

Nu̱ fu̱ɗar Pentikos a ɓa ki, nu̱ mbu Yesu ku kap tabaran ye maa da.

Tlu̱nar ɓu̱ Pudeku 4:32

Kwaari ɓu̱ nu̱ mbu Yesu ku kap, ndu̱ memu̱na wor wa kha da, nduk a nje nu̱ daki ɗyin khaa nda ma ɓaran chin ɗyenda ɓa. A shakh ɗyin me khar wor ndu̱ yen.

Galatiyeku 5:13

Nyeezaku, ɓaanu qa nu ma ku̱ ɗyinonu vi. Yang shi ma laya laya ma ku̱ vi ɗyin nun gwaki nang kha ma njiv mbu shimndi ɓu̱ manva ɓa. Me ɓu̱ nang bu ku̱ sa tun shi tlu̱nar wuti ndolar ye yen.

Galatiyeku 5:22

Yang ɗye shir mbarkandi ku ɓu̱ Jiimba chin ke, ndola, ndu̱ kasha, ndu̱ qaandi memu̱na, ndu̱ kanaɗyi, ndu̱ mbarkiri, ndu̱ shir ɗyi toropndi, ndu̱ shir zhire,

Galatiyeku 5:6

Jiwa mbu̱ chem a mbe Masiya Yesu, aa chem wa dla sarem, aa nyem dla ɓa kap da. Ɗyi nu̱ damtaki si, chin ke maitar Masiya nu̱ka saki chem wut ndolar ye aaki.

Afiseku 4:3

Shi ma ɗyi nu̱ke tun ka ɗu̱maki kap ma ku̱ ɗang nu khar da nu̱ Jiimba vu̱rki ye nu, nu̱ ku̱nshe qaandi memu̱nar nu̱ gu̱nki nu nu̱ ye maa da.

Afiseku 5:2

Tun shi khar viti ɓaanu mbe ndola ba wa nu Masiya ndolaki rem, tu̱ vu̱r ɗyinan ku̱me chem, vu̱rti nu̱ke zhiran mu̱ni, yang ɗya sadke nu̱ dlaki ye Magham.

2 Tasalonikeku 1:3

Nyeezerem, wa ku̱s ku̱ kuna mi Magham ku̱me tunu aakochi. Wa kha torop ku̱ shi mi wanang, ku̱me maito ɓaanu a gwaari maɗyi, ndolar nu̱ke tun a shiran ye yen a shaatar tu̱k.

Yibraniyeku 10:24

Bu taata mi yen ma ku̱ pa mi du̱mbu̱r ye yen nu̱ ku̱nshe wuti ndolar ndu̱ tlu̱nar dambi.

1 Biturus 1:22

Leendang nu̱ke tun wa kha shiɓtan nu̱ ku̱nshe mburi su̱qur zhire tun a ndola nyeezo nu ndu̱ memu̱na nu da, ndolama yen maɗyi mbu̱ memu̱nanu.

1 Biturus 2:17

Vu̱r ma zhaaji ye aaki: Tun ndola nyeezonu nu̱ mbu Yesu, sawa ma Magham, tun vu̱r zhaaji ye kuji gwaanji.

1 Biturus 3:8

Ye lauɗar san, gonta ma ɗyinonu ye maa da tu̱ kwaari ɓaanu kha da. Tun a na zhiyaye ɓu̱ yen, tun a ndola yen wa khachinkirku, tun a shaata yen gwaari ɗyin su̱ ɓa.

1 Biturus 4:8

Guma ndu̱ aa nu̱m, ndola ma yen ndu̱ memu̱na nu da. Ku̱me ndola wa ka lu̱pa ɗyin zop khangndi.

2 Bitu̱rus 1:7

Nu̱ ɗyine sawar Magham tun shaata mbarkir ye yen. Ɗyine mbarkirang tun shaata ndola.

1 Yokhana 3:23

Nang ke ɗyi nu̱ Magham zu̱ki za shem chin ke ku̱ maita mi dlu̱m Yi ɓaran Yesu Masiya, chem ndola yen tu̱k wa nu̱ Masiya zu̱ki yerem.

1 Yokhana 4:20

Yang mbu̱ njif nggur wa zu̱ za, “Nga ndola Magham,” yang a zhang mu̱dlen, njif nang a shikya wollo. Ku̱me kap njif nu̱ke nu̱ka ndola mu̱dlen nu̱ke a naran ɓa, ɓu̱ ɗu̱ma ndola Magham nu̱ke sar da nyin na nda ɓa nda ɓa.

Ɗyin mbu̱ tukari 2:4

Yang wonji damtar ɓang ndu̱ to, ta njig wuti ndolar ɓaa nu̱ gumapaalyang.