Yibraniyeku 12:1 - Mewar Alqawarang

¹ Ku̱me nang, nu̱ke tabar ɓu̱ nu̱ saiduku khang maɗyi a nje kararan ndu̱ chem, bu ku̱ mbuk mi kap ɗyi nu̱ke ka nggu̱tlki rem ɗar gha, ndu̱ aa nyi solar nu̱ takhshaki rem nu̱ gha. Chem shi ɗar nu̱ke a gume rem nang ndu̱ shokhku̱rokh me bu̱n.

Yibraniyeku 12:1 Iomraidhean Croise

Matta 10:22

Nduki kap ka zhangndonu ku̱me nga, yang njif nu̱ kanaɗaki ma khu̱dli ye lauɗar san ka ɗana.

Matta 24:13

Yang kap njif nu̱ kanaɗaki ma yir ve lauɗarsan ka ɗana.

Markus 10:50

Tu̱ pugumang mbuk ɗye lu̱par ɓaranang gha tu̱ ji burut tu̱ ɗu̱ she Yesu.

Luka 12:15

Tu̱ zu̱m guma ndu̱ zu̱ran ye wor za, “Ku̱r ma vaanu, ka shi nu khape ɓa, aa gu̱nar ɓu̱ nduk khang wa nu̱m, chin ke nyifi ɓaran ɓa.”

Luka 16:28

Ku̱me khachinkirku ɓang khuzukwang nje wor qurmun, ku̱ wu wor ya, ku̱me ku̱ ɗa ɓa ku ye maa bonye nu̱ke nga mban nang ɓa.’

Luka 21:34

“Tun ku̱s va nu ye yen, ku̱me ku̱ khang kwaari ndu̱ zu̱mndi ndu̱ zari ndu̱ me kuya ndu̱ damtarku nu̱ mbu̱ larji nang nyigla nu ɓa. Ma ku̱ fu̱ɗar nang ɓa ruuma nu ruuma wa shaanggir ɓa,

Yokhana 3:32

A saida kya ɗyi nyin naki chin tu̱ki, yang kap ndu̱ nang nduk a nje nu̱ dlu̱ki saidu ɓaranang ɓa.

Yokhana 4:39

Tu̱ nduki Samariya khang nu̱ke a mbu̱ ghayang maita Yesu ku̱me ɓalar nu̱ nokhzi nang zu̱ki za, “Wa zu̱ kap ɗyi nang shiki zhu ya.”

Yokhana 4:44

(Ku̱me Yesu ndu̱ ɗyinan wa shi ɓalar sarchi nggur za, “Annabi nu̱ka gwa zhaaji mbu̱ ghai ɓaran ɓa.”)

Romeku 12:12

Tun shi zhakhzhakh mbe sar memu̱nar nu̱ke tun a san, tun kha ndu̱ kanaɗyi mbe bonye, ki ma barar aakochi.

Romeku 2:7

Nduki a nje nu̱ke a kaala gorkir ndu̱ zhaaji nu̱ke nu̱ka shi woɗa ɓa. Nang ke nduki nu̱ shiki mbarkir mbe kanaɗyi, wor ke nduki nu̱ke Magham a ma vu̱r ɗye ɓi nu̱ nyifiri nu̱ke ɓu̱ shi woɗa ɓa ye wora.

2 Korintiyeku 7:1

Nu̱ke wa shi alqawar ɗyiku nang yerem kap, nyeezaku, ku̱ shakh mi ɗyinerem ndu̱ ɗyiku nu̱ke ka saki tu̱ man vaarem ndu̱ memu̱na rem kha zopan. Bu ku̱ khar viti ɓaarem kha shakhshakh nyeedlan nu̱ sawar Magham.

Galatiyeku 2:2

Nga ɗu̱ ku̱me Magham wa wut ya za ɗu̱ nga, nang khu̱lki tang qa dlegumeku ɓu̱ nu̱ mbu Yesu kwang nu̱ konggol tang zu̱ su̱ Labar mbarkandi nang wopaki ye nduki nu̱ke ɗya Yakhude ku ɓa ndang ye wora. Nga shi wanang ku̱me nang shim ku̱ tlu̱nar nang shiki ndu̱ nu̱ke nga shiran kha bam ɓa.

Galatiyeku 5:7

Tun a ɗar mbarkandi gumapaali. Yang ki zhaki nu̱ gume nu mbe mburi zhiryang na?

Afiseku 4:25

Ku̱me nang tun shakh ɗyinonu ndu̱ kotama! Tu̱ aaki ki zu̱ zhire ye nu̱ bing ɓaran, ku̱me chem me bar ɓu̱ yen ɗo.

Filipiyeku 1:30

Tun a za pooni bonye nun naki nga zaranang, yang tun wa tu̱k za aa leendang nga za poonan tu̱k.

Filipiyeku 2:16

Kha ma ma yarang nu̱ke a wuti, tun khuɓ ɓalar nu̱ka vu̱rki nyifiri nang maɗyi, ngga shi wakhti ye Fu̱ɗar nu̱ke Masiya ka ɗa gaɓki ku̱me nang shi wute tang za bonye bam ɓa.

2 Timoti 2:4

Ai, soje zhirekandi a nje nu̱ke ka saki ɗyinan nu̱ mbu̱ ɗyi ɓu̱ nduki nu̱ke ɗya soja ɓa ɓa, ku̱me a shim ku̱ dle gume ɓaran tu̱k mu̱ndi ɓaran.

2 Timoti 4:7

Nga shi wute mbarkandi, nga woɗa ra wute, nga khuɓ du̱ngdi maito nu̱ vu̱rki du̱ngdan ya nu̱gha mbari.

Yibraniyeku 6:15

Qu̱rse Yibram wa gu̱n memu̱naran ndu̱ kaɗanyi maɗyi, wa dlu̱ ɗyi nu̱ shiki alqawaran yendang.

Yaqub 1:3

ku̱me tun wa zu̱n nu̱ ɗyine bonye nang a shim nakya du̱mbu̱r maito ɓaanu, ma ku̱ sa kaɗanyi ɓaanu ku̱ shaata.

1 Biturus 2:1

Ku̱me nang shakh ma ɗyinonu ndu̱ aa nyi maatli khali, ndu̱ wollo, ndu̱ mu̱na ndu̱ zhiri, ndu̱ aa nyi pu̱ziku bam bam.

1 Biturus 4:2

Ku̱me nang khar ɓaran mbu̱ man va, ɗyi nu̱ke ka shiki zalale ndu̱ chin, ɗya shimndi ɓu̱ Magham, ɓu̱ mbu shimndi ɓu̱ manva ɓa.

1 Biturus 5:1

Ma yir she ku̱mandiku nu̱ chele ɓaanu, nga khutonu ma nu̱ke nga ku̱maandi nduk wa tunu nga nang naki bonye nu̱ Masiya zaki ndu̱ yita, yang tu̱k nga gwa zhaaji nu̱ke ka ɓa ɗatlki ye dalangi.

1 Biturus 5:12

Nga bu̱la lagarkati koɗommandi nang ye nu ndu̱ shaatar ɓu̱ Sila, nu̱ke nga da nda ɗya khachinkir maitokandi yang nga na wa khu̱l ku̱ qa nga nda nu̱ shir zhire. Nga pa du̱mbu̱r ye nu, wut nga yenu nang ke mu̱nkir ɓu̱ Magham zhirekandi. Ku̱me nang ching man mbe mu̱nkir ɓu̱ Magham nang ndu̱ du̱mbu̱r.

2 Bitu̱rus 1:6

Ɗyine zu̱ndi ɗyiku ɓu̱ Magham tun shaata ku̱si ɗyini. Tun shaata gu̱ndi memu̱nar nu̱ ɗyine ku̱si ɗyinang. Tun shaata sawar Magham nu̱ ɗyine gu̱ndi memu̱narang.

Ɗyin mbu̱ tukari 1:9

Nga, Yokhana, khatonu ndu̱ mu̱dlonu mbe bonye ndu̱ kwaaɗari ndu̱ kaɗanyi mbe sar memu̱nar nu̱ke ɗya ɓaarem mbe Yesu. Nga ɗyin chenjesi Patu̱mos ku̱me ɓalar ɓu̱ Magham nu̱ saidar Yesu.

Ɗyin mbu̱ tukari 13:10

Njif nu̱ shimki nda ndu̱ tlu̱nar maava, ka ɗu̱kya ndu̱ chin ma tlu̱nar maava. Njif nu̱ shimki ku̱ tlagha nda nu̱ gha ndu̱ kaskari, ka tlagha nda ndu̱ kaskari. Ɗyinang a shimkya daati ɓu̱ Magham ku̱ kha nu̱ kanaɗyi ndu̱ gu̱ndi memu̱nar du̱mbu̱rkandi ndu̱ maito ɓu̱ nu̱ mburi Magham.

Ɗyin mbu̱ tukari 22:16

“Nga, Yesu, nga ru̱kki nu̱ ru̱kti ɓanga ma ku̱ zu̱ ɗyiku nang yoro ma yir she tabar ɓu̱ nu̱ mbu Yesu ku. Nga ke dlu̱dlarsi Dauda, nga tom ɓaran tu̱k. Nga ke pazar ɗatli maa, nu̱ ka shiki wuti.”

Ɗyin mbu̱ tukari 3:10

Nu̱ke ta khutlo ɓalar ɓanga mbe gu̱ndi memu̱nar mbe kanaɗyi no shiki, ngga kangga mbe sarchi bonye nu̱ke a ɓari ɗyine larji ma buu nduki nu̱ke a mban.