Yibraniyeku 11:3 - Mewar Alqawarang

³ Chem wa zu̱n nu̱ ɗyine Magham du̱ng larji ndu̱ ɓalar mbu̱ men nu̱ ku̱nshe maito, ɗyi nu̱ke chem a naran nang a vi mbe ɗyi nu̱ke ɓu̱ shi na ɓa.

Yibraniyeku 11:3 Iomraidhean Croise

Yokhana 1:3

Shi aa nu̱m nu̱ ku̱nshe nda, tun a nje nu̱ du̱ngki mbu̱ ɗyiku nu̱ shiki kunang waare chin ɓa.

Tlu̱nar ɓu̱ Pudeku 14:15

“Nu̱m saki tun ka shi ki wanangang na? Ai, chem nduk wa tunu, chem a ɓa kya ndu̱ Labar Mbarkandi ye nu, ku̱me njig nu ɗyi bamndiku nang tun a gaɓ nu̱ she Magham nu̱ nyifiri. Chin nu̱ du̱ngki maa viɗi ndu̱ maa vu̱ghai ndu̱ ɗyim chitndi ndu̱ ɗyi nu̱ke a mban kap.

Tlu̱nar ɓu̱ Pudeku 17:24

“Chin Maghamndi nu̱ du̱ngki larji ndu̱ ɗyi nu̱ke a mban kap, chin nu̱ke chin ke Zhinkir gwaanji ɓu̱ maa viɗi ndu̱ maa vu̱ghai nu̱ka khan mbu̱ kib nu̱ nduk du̱nki ɓa.

Romeku 4:17

Ba wa nu̱ke a nje bu̱laran za, “Ngga sa to kha ma zhinkir ɓu̱ me ghaiku khang.” Shi alqawar nang ye Yibram, ku̱me wa maita Magham, chin nu̱ka jiiki ndu̱ mu̱ti tu̱ kha ndu̱ nyifiri, tu̱ qa ɗyi nu̱ke a nje ɓa ku̱ kha wa a nje, tu̱ yang shi.

1 Korintiyeku 2:7

Nga zu̱kya kaɗari ɓu̱ Magham tukakandi, ɗyen tukaran zhu ɗau, nang ke kaɗari ɓu̱ Magham nu̱ daasaki ma vu̱r zhaaji yerem me ku̱ du̱ng larji.

1 Timoti 4:5

ku̱me wa kha shakhshakh nu̱ ku̱nshe ɓalar ɓu̱ Magham ndu̱ barari.

Yibraniyeku 1:2

Yang ye lauɗarsi qaandi virkirku nang shi ɓalarang nu̱ ku̱nshe Yi ɓaran. Magham du̱ng aa nu̱m ndu̱ aa nu̱m nu̱ ku̱nshe Yi ɓaranang. Datkya chin tu̱k ma ku̱ aa nu̱m kha ma ɓaran.

Yibraniyeku 6:5

Kom ndu̱ nduki nu̱ darki mu̱ndi ɓu̱ ɓalar ɓu̱ Magham ndu̱ zalale nu̱ke a ɓar fu̱ɗar wuri.

2 Bitu̱rus 3:5

Nu̱ ɓalarku nang yang, a shiran ku kharki wa zhang nggu̱t maa viɗi ndu̱ maa vu̱ghai nu̱ke a nje, yang Magham shiki zhu tang nu̱ ku̱nshe ɓalar ɓaran. Shi maa vu̱ghayang ndu̱ ɗyim, nu̱ ku̱nshe ɗyim.

Ɗyin mbu̱ tukari 4:11

“Zhinkir gwaanji ndu̱ Maghamndi ɓaarem, ta khu̱dli, ku̱ dlu̱ na zhaaji, ndu̱ gorkiri, ndu̱ zalale. Jiwa to du̱ngki aa nu̱m ndu̱ aa nu̱m, yang nu̱ ku̱nshe shimndi ɓaaro du̱ngki wora tu̱ kha ma nu̱ nyifiri ku.”