Yibraniyeku 1:8 - Mewar Alqawarang

⁸ Yang ɗyine Yi ɓaranang, tu̱ zu̱ za, “Zhakhɗye kwaaɗar ɓaaro, ai Magham, a nje aakochi me tu̱ɓ su̱ ɓa, zaaɓir kwaaɗar ɓaaro ɗya nu̱ dambi.

Yibraniyeku 1:8 Iomraidhean Croise

Matta 1:23

“Nggu̱t ma, ye wonkha ka ɓa shi ghu̱rɓan, tu̱ kha ye khusku, ka qa dlu̱man za Imanuwel” mban za, “Magham su̱yen ndu̱ chem.”

Luka 1:75

Ku̱me khami shakhshakh ndu̱ jeembu mbu̱ khar viti ɓaarem kap.

Yokhana 10:30

Nga ndu̱ Zhinkirang chem da.”

Yokhana 10:33

Tu̱ Yakhudekwang tlogha yenda za, “Ai, chem a ma mbuktoro ku̱me tlu̱nar mbarkandi no shiki ɓa, yang chem a ma mbuktoro ku̱me ɓalar ndu̱mndi no shiki ye Magham. To nu̱ke to nduku yang ta buu ɗyinor ndu̱ Magham.”

Yokhana 20:28

Tu̱ Toma ze nda za, “Zhinkir gwaanji, ndu̱ Maghamndi ɓang tu̱k.”

Romeku 9:5

A khar nduki nu̱ke ɗya qusonggi ɓu̱ zhikankirku nu̱ nduki zu̱nki wor maɗyi. Masiya ɗya pooni ɓaanda ye khar ɓaran nduku. Chin nu̱ke ɗya Magham ɗyine aa nu̱m, bu ku̱ dlu̱ kunari koɗokhsi ɓa. Amin.

1 Korintiyeku 15:25

Ku̱me wa ku̱s ku̱ Masiya shi kwaaɗari, kope Magham wa khatl nu̱ zhangndi ɓaranku kap nu̱ mbu̱ saaran.

1 Timoti 3:16

Keele su̱ ɓa, ɗyi tukakandi nu̱ mbu̱ ghaari ghai ɓaarem gor maɗyi: Wa wut varan mbu̱ man va, Jiimbyang wa wut za chin nu̱ zhire. Tu̱ nu̱ ru̱ktiku ɓu̱ Magham na nda, tu̱ wopa nda ye nduki nu̱ larji, tu̱ nduki maita nda mbu̱ larji kap, tu̱ da nda ma yir viɗi mbu̱ zhaaji.

2 Bitu̱rus 1:11

Shir wanang ka sa tun gwa gaɗar mbarkandi ma viri nu̱ mbu̱ kwaaɗar ɓu̱ Zhinerem gwaanji nu̱ke nu̱ka shi woɗa ɓa ndu̱ nu̱ Nu̱ Ɗanar rem Yesu Masiya.

1 Yokhana 5:20

Chem wa zu̱n nu̱ ɗyine Yi ɓu̱ Magham a ɓa larji tu̱ vu̱r zu̱ndi yerem, ma zu̱n mi nda chin nu̱ke ɗya zhire. Yang tu̱k chem a mbe nda, chin nu̱ke ɗya zhire, kap nu̱ Yi ɓaran Yesu Masiya. Chin ke Maghamndi zhirekandi ndu̱ nyifi nu̱ke nu̱ka shi woɗa ɓa.