Yibraniyeku 1:6 - Mewar Alqawarang

⁶ Yang tu̱k sarchi nu̱ke Magham a ru̱k Ye Gomir ɓaran nu̱ mbu̱ larji, tu̱ zu̱ za, “Bu ku̱ nu̱ ru̱ktiku ɓu̱ Magham kap ghar ghai yenda.”

Yibraniyeku 1:6 Iomraidhean Croise

Matta 24:14

Ka wopa labar mu̱nkandi nu̱ kwaaɗar mbu̱ viɗi ye nduki nu̱ larji kap ma ku̱ kha ma saidu ye wora, kom tu̱ lauɗarsan a ɓa.

Yokhana 1:14

Tu̱ Ɓalarang kha ma nduku tu̱ khan chele ɓaarem. Yang chem na zhaaji ɓaran wa zhaaji ɓu̱ Woi khakandi ɗyenda (nu̱ nggaki yen ndu̱ aa nyi pooni kha) na viki she Zhinkirang, nyeedlan ndu̱ mu̱nkir ndu̱ zhire.

Yokhana 1:18

Sar da nduk a nje nu̱ naki Magham ɓa, kope Yi ɓaran khakandi ɗyenda ndang, nu̱ke chin ke ba Maghamang. Chin wuɗki Magham yerem ku̱me chin kya su̱yen ndu̱ Zhinkirang.

Yokhana 3:16

“Ji Magham wa ndola larji maɗyi, tu̱ vu̱r woi ɓaran khakandi chin ɗyenda, ku̱me aaki nu̱ maitaki nda, ɓu̱ sagha bam ɓa, yang ka gwa nyifi nu̱ke ɓu̱ shi woɗa ɓa.

Romeku 8:29

Jiwa Magham wa zu̱n nduki nyin datki nu̱ ɗawi, wor ke nduki nu̱ Magham bu̱laki nu̱ ve wor ku̱ da shipar ɓu̱ Yi ɓaran, ma ku̱ Yi ɓaranang kha ma nu̱ gumapaali chele nyeezanku khangndi.

Kolosiyeku 1:15

Magham nu̱ke nduk nu̱ka na nda ɓa ndang, Masiya ke shipar ɓaran. Masiya ke gomi, chin kya viɗi ɗyine aa nu̱m kap,

Kolosiyeku 1:18

Chin kya khar ɗyin man varan, man varang ke tabar ɓu̱ nu̱ mbu Yesu. Chin ke nggarsi, chin ke nu̱ gumapaali nu̱ jiiki mbe mu̱ti tu̱k, ma ku̱ kha ma nu̱ gumapaali mbe aa nu̱m ndu̱ aa nu̱m.

Yibraniyeku 1:5

Jiwa sar da nu̱ Magham ze nu̱ ru̱kti ɓaran nggur za, “To Yi ɓanga, nga kha ma Zhu meeni” ɓa. Yang a nje da chele ɓaanda nu̱ zu̱ki yenda za, “Nga kha ma Zhu, ta kha ma Yi ɓanga” ɓa.

Yibraniyeku 10:5

Ku̱me nang nu̱ Masiya viki nu̱ mbu̱ larji tu̱ zu̱ za, “No shim sadkeku ndu̱ vu̱rtiku ɓa, to daasakya manva ya.

1 Biturus 3:22

Masiya wa ɗu̱ viɗi. A nje ɗyin bu̱n zu̱ma ɓu̱ Magham, ye maa nu̱ saki nu̱ ru̱ktiku ɓu̱ Magham, ndu̱ nu̱ kwaaɗarku, ndu̱ nu̱ zalaleku nu̱ mbu̱ bu̱nan.

1 Yokhana 4:9

Magham wut ndolar ɓaran yerem ve nang, wa ru̱k Yi ɓaran ɗyendandi tu̱ ɗa ɓa mbu̱ larji ma ku̱ gwa mi nyifiri nu̱ ku̱nshe nda.

Ɗyin mbu̱ tukari 1:5

ndu̱ she Yesu Masiya, chin nu̱ke ɗya nu̱ saidu zhire. Chin nu̱ke ɗya Ye gomir nu̱ gumapaali nu̱ jiiki ɓar mbe mu̱ti, a kwaaɗar ɗyine kujiku nu̱ larji tu̱k. Chin nu̱ ndolaki rem, tu̱ lawa rem mbe solarku ɓaarem nu̱ ku̱nshe mbu̱ti tom ɓaran.