Yibraniyeku 1:4 - Mewar Alqawarang

⁴ Ku̱me nang Yesu wa duk Nu̱ ru̱ktiku ɓu̱ Magham, ba wa nu̱ke dlu̱m nu̱ Magham vu̱rki yenda wa duk ɓaanda gwaari.

Yibraniyeku 1:4 Iomraidhean Croise

Afiseku 1:21

Maa khar nu̱ke Masiya khaki nu̱ nje nang a viɗ ɗyine aa nyi pooni kwaaɗa. Kom ndu̱ me pooni kwaaɗa, ndu̱ zalaleku, ndu̱ me du̱mbu̱rku ndu̱ aa nyi kwaaɗar nu̱ke nduk ka zu̱mki. Aa mbu̱ qaandi virkir ku nang aa fu̱ɗar wuri.

Kolosiyeku 1:18

Chin kya khar ɗyin man varan, man varang ke tabar ɓu̱ nu̱ mbu Yesu. Chin ke nggarsi, chin ke nu̱ gumapaali nu̱ jiiki mbe mu̱ti tu̱k, ma ku̱ kha ma nu̱ gumapaali mbe aa nu̱m ndu̱ aa nu̱m.

Kolosiyeku 2:10

Wanang tu̱k tun wa kha nyeedlan mbe nda, chin nu̱ke chin kya viɗi ɗyine aa nyi nu̱ kwaaɗa ndu̱ nu̱ zalala.

2 Tasalonikeku 1:7

yang tun nu̱ke a vu̱r bonye ye nu kwang, ka maasonu, ndu̱ chem kap. Ɗyi nang ka shi ye fu̱ɗar nu̱ Zhinerem gwaanji Yesu ka ɗa ɓa ki mbu̱ viɗi su̱yen ndu̱ zhizhonggir ɓai du̱mbu̱rkandi, ndu̱ nu̱ ru̱ktiku ɓu̱ Magham rututundi ku.

Yibraniyeku 1:9

Ta shimkya tlu̱nar dambi, ta zhang yen ndu̱ mu̱na maɗyi! Nang ke ɗyi nu̱ saki tu̱ Magham, Maghamndi ɓaaro, waka nu̱gha, tu̱ vu̱r zhaaji yoro guma ndu̱ nyeezoku, tu̱ pu mor ɓong memu̱nar yoro.”

Yibraniyeku 12:17

Yang tun wa zu̱n nu̱ ɗyine qu̱rse nang wa shim ku̱ gwa nji barkyang, tu̱ yang zhang gha yenda. Nu̱ gwa zalale ku̱ nggoɗ nji nu̱ gha ɓa, aa nu̱ke wa laɓ barke nang ndu̱ ɗyim ghoori.

Yibraniyeku 2:9

Chem nakya Yesu nu̱ saki tu̱ kata nu̱ ru̱ktiku ɓu̱ Magham me sarchi koɗomma. Yang leendang wa vu̱r zhaaji ndu̱ gorkir yenda ku̱me wa shi bonye nu̱ ku̱nshe mu̱nkir ɓu̱ Magham ka dar mu̱ɗi me ɓu̱ nduk kap.

1 Biturus 3:22

Masiya wa ɗu̱ viɗi. A nje ɗyin bu̱n zu̱ma ɓu̱ Magham, ye maa nu̱ saki nu̱ ru̱ktiku ɓu̱ Magham, ndu̱ nu̱ kwaaɗarku, ndu̱ nu̱ zalaleku nu̱ mbu̱ bu̱nan.