Yibraniyeku 1:3 - Mewar Alqawarang

³ Chin ke yarang ɓu̱ zhaaji ɓu̱ Magham ndu̱ shipar ɓu̱ Magham shiku̱tku̱t. A khar da ndu̱ Magham. Chin khubki aa nu̱m nu̱ ku̱nshe ɓalar ɓaran nu̱ke zalale a si. Qu̱rse nu̱ shiɓki solarku nu̱ gha, tu̱ khan mbu̱ viɗi ɗyin bu̱n zu̱ma ɓu̱ Nu̱ Zhaaji kap.

Yibraniyeku 1:3 Iomraidhean Croise

Matta 22:24

“Maalu̱m, Musa wa zu̱ za, mbu̱ nduk wa mu̱ɗ woi kha nda ɓa, ku̱ khachinang ɓu̱r nokhzan ma ku̱ kha woi ye mu̱tang.

Markus 16:19

Qu̱rse Yesu wa woɗa ɓalarang ye wora, tu̱ daa nda tu̱ ɗu̱ ndu̱ chin viɗi. Tu̱ kha gha yin bu̱n zu̱ma ɓu̱ Magham.

Yokhana 1:14

Tu̱ Ɓalarang kha ma nduku tu̱ khan chele ɓaarem. Yang chem na zhaaji ɓaran wa zhaaji ɓu̱ Woi khakandi ɗyenda (nu̱ nggaki yen ndu̱ aa nyi pooni kha) na viki she Zhinkirang, nyeedlan ndu̱ mu̱nkir ndu̱ zhire.

Yokhana 1:29

Vi dumaaran, tu̱ Yokhana na Yesu a ɓar she nda. Tu̱ Yokhana zu̱ za, “Nggu̱t ma! Wonji Ye gamndi ɓu̱ Magham nu̱ kya da solar ɓu̱ larji ɓara.

Yokhana 1:4

Chin ke nu̱ vu̱r nyifiri, yang nyifirang ke yarang ɓu̱ nduki.

Tlu̱nar ɓu̱ Pudeku 2:33

Wa vu̱r zhaaji yenda a bu̱n zu̱ma ɓu̱ Magham, tu̱ ɗa dlu̱ Jiimbi shakhshakhndi nu̱ Zhin shiki alqawaranang ta zu̱n ɗyinerem, nang ke ɗyi nu̱ke tun a naran ndu̱ tu̱ktan.

Tlu̱nar ɓu̱ Pudeku 7:56

Tu̱ Istafanus zu̱ za, “Nggu̱t ka, nga na maa viɗi qu̱ndan, ndu̱ Yi ɓu̱ Nduk chingndan ve bu̱n zu̱ma ɓu̱ Magham.”

Romeku 1:16

Labar Mbarkandang ɗya ɗye kawa sha ɓa, ku̱me chin ke zalale ɓu̱ Magham nu̱ka vu̱rki ɗanar ye anyi nduk nu̱ maitaki, Yakhudeku ke nu̱ gumapaali, kom ndu̱ nduki nu̱ke ɗya Yakhudeku ɓa.

Romeku 8:34

Ki khu̱lki ma ku̱ kuma mu̱ti ye wora? Masiya Yesu nu̱ mu̱tki, dukti nang, tu̱ ji mbe mu̱ti, yang a nje kharan ɗyin bu̱n zu̱ma ɓu̱ Magham, chin kya khuɗ Magham yerem.

2 Korintiyeku 4:4

Nu̱ maita ku ɓa, ku̱me Sheɗan nu̱ kwaaɗar larji nang wa sa memu̱na wor tu̱ kha zhum. Wa nggu̱tl wor ku̱ na yarang nu̱ke a wuti ye wor nang, yarang nu̱ke a viri she Labar mbarkandi nu̱ zhaaji ɓu̱ Masiya, nu̱ke chin ke shipar ɓu̱ Magham.

Kolosiyeku 3:1

Nu̱ke Magham wa ji ndu̱ tun ɓar mbe mu̱ti su̱yen ndu̱ Masiya, sa ma memu̱nanu nu̱ ɗyine ɗyiku nu̱ke a mbu̱ viɗi, ye maa nu̱ke Masiya a si, a nje kharan ɗyin bu̱n zu̱me ɓu̱ Magham.

Titus 2:14

Yesu vu̱rki ɗyinan ma ku̱ dli ɗyinerem chem kha ma nduki zumndi nu̱ke a kashar shir ɗyi mbarkandi ku.

Yibraniyeku 1:13

Magham zu̱kya ye nyi nu̱ ru̱ktiku ɓaran za, “Khon ve ɗyin bu̱na nu̱ zu̱ma kope nga sa nu̱ kare ku ndu̱ to tu̱ kha ma ɗye khatli mbu̱ saaro ra?”

Yibraniyeku 10:12

Yang Masiya vu̱rkya sadke kaada guma da ku̱me solarku, tu̱ khan ɗyin bu̱n zu̱ma ɓu̱ Magham.

Yibraniyeku 12:2

Ghar mi yiterem nu̱ she Yesu nu̱ke chin ke dlu̱dlarsi maito ɓaarem, chin ka saki tu̱ maito ɓaarem kha nyeedlan. Chin nu̱ke ku̱me ɓong memu̱nar nu̱ saki nu̱ gume nda, tu̱ gu̱n memu̱naran ndu̱ kaatli nu̱ katlki nda gha ɗyine qu̱far kaatlang nu̱ da nang ma ɗye kawa ɓa. Yang leendang a nje kharan ɗyin bu̱n zu̱ma ɓu̱ zhakhɗye kwaaɗar ɓu̱ Magham.

Yibraniyeku 4:14

Yang ɗo, nu̱ke gorkir kuru gwaanji a nje khaarem, chin ke Yesu Yi ɓu̱ Magham chin nu̱ ɗu̱ki mbu̱ viɗi gume Magham, khuɓ mi maito ɓaarem nu̱ gha ɓang ɓang.

Yibraniyeku 7:27

Nu̱ kha wa gorkir kuruku naandangang ɓa. Nu̱ ka vu̱r dlu sadke aa nyi ɗatli ma da da ɓa, ku̱me nu̱ka vu̱r sadkyang ku̱me solar ɓaran kom tu̱ vu̱r ku̱me solar ɓu̱ nduki ɓa. Vu̱r sadke ɓaran sar kaada ye kharki, sarchi nu̱ vu̱rki ɗyinan.

Yibraniyeku 8:1

Kap ɗyi nu̱ke chem a zu̱ran nang chin ke gorkir kuru a nje khaarem nu̱ke a nje kharan bu̱n zu̱ma ɓu̱ zhakhɗye kwaaɗar ɓu̱ Nu̱ Gorkirang far viɗi.

Yibraniyeku 9:16

Mbu̱ njif nggur wa shi alqawar nggur ɗyine shakhti ɗye mbu̱ ge ɓaran me ku̱ mu̱ɗi, wa ku̱s ku̱ nduk zu̱n za shwat njif nu̱ shiki alqawar nang wa mu̱t dong kom tu̱ shi boote ndu̱ ɗyi nu̱ alqawarang zu̱ki.

Yibraniyeku 9:26

Mbu̱ tu̱ga ka shi wanang, ai, tu̱ga Yesu ka ki za bonye aakochi, ma nu̱ du̱ngki larji. Yang wonji a ɓa ba sar kaada mbu̱ lauɗar su̱ qaandiku nang ma ku̱ da nji solarku ɓara nu̱ vu̱rki ɗyinan ku̱men.

1 Biturus 1:21

Tun wa maita Magham nu̱ ku̱nshe nda chin nu̱ jiiki ndu̱ chin ɓar mbe mu̱ti tu̱ vu̱r zhaaji yenda. Ku̱me nang maito ɓaanu ndu̱ sar memu̱nar ɓaanu a mbe Magham.

1 Biturus 3:22

Masiya wa ɗu̱ viɗi. A nje ɗyin bu̱n zu̱ma ɓu̱ Magham, ye maa nu̱ saki nu̱ ru̱ktiku ɓu̱ Magham, ndu̱ nu̱ kwaaɗarku, ndu̱ nu̱ zalaleku nu̱ mbu̱ bu̱nan.

2 Bitu̱rus 1:16

Ai, sarchi nyem zu̱ki labar wuti zalale ndu̱ ɓar ɓu̱ Zhinerem gwaanji Yesu Masiya ye nu chem a zu̱kya shinjiku ye nu nu̱ nduki dlaki mbu̱ ghu̱rti ɓaanda ɓa. Chem wa na zhaaji ɓaran ndu̱ yiterem.

2 Bitu̱rus 1:17

Jiwa wa dlu̱ gorkir ndu̱ zhaaji she Magham Zhinki sarchi nu̱ Magham Nu̱ Zhaaji Nu̱ Dukki aa nu̱m gwaari zu̱ki yenda za, “Nang Yi ɓanga nga ndola nda; Memu̱nara mu̱n ndu̱ chin maɗyi.”

1 Yokhana 1:7

Yang mbu chem a yir ɓaarem mbu̱ yarang ba wa nu̱ke Magham a mbu̱ yarang, chem a khar ndu̱ yen ɗo. Tom ɓu̱ Yesu Yi ɓaran a shibterem nu̱gha mbe aa nyi sola.

1 Yokhana 3:5

Tun wa zu̱n nu̱ ɗyine Yesu a ɓa ma ku̱ da nji solarku ɓaarem ɓara, yang sola nje mbe nda ɓa.

Yakhuda 1:25

Ma yir she Magham ɗyenda nu̱ ɗana rem, ku̱ gorkiri ndu̱ zhaaji ndu̱ kwaaɗar ndu̱ zalale kha nda me nggar su̱ sarchi, ndu̱ leendang, ndu̱ aakochi koɗokhsi ɓa! Nu̱ ku̱nshe Yesu Masiya Zhinerem gwaanji, Amin.

Ɗyin mbu̱ tukari 3:21

Kap njif nu̱ raki wute, ngga sa nda tu̱ kha gha su̱yen ndu̱ nga wudle zhakhɗye kwaaɗar ɓanga, ba wa nang raki wute tang kha gha su̱yen ndu̱ Zhinkir ɓang wudle zhakhɗye kwaaɗar ɓaran.

Ɗyin mbu̱ tukari 4:11

“Zhinkir gwaanji ndu̱ Maghamndi ɓaarem, ta khu̱dli, ku̱ dlu̱ na zhaaji, ndu̱ gorkiri, ndu̱ zalale. Jiwa to du̱ngki aa nu̱m ndu̱ aa nu̱m, yang nu̱ ku̱nshe shimndi ɓaaro du̱ngki wora tu̱ kha ma nu̱ nyifiri ku.”