Yibraniyeku 1:2 - Mewar Alqawarang

² Yang ye lauɗarsi qaandi virkirku nang shi ɓalarang nu̱ ku̱nshe Yi ɓaran. Magham du̱ng aa nu̱m ndu̱ aa nu̱m nu̱ ku̱nshe Yi ɓaranang. Datkya chin tu̱k ma ku̱ aa nu̱m kha ma ɓaran.

Yibraniyeku 1:2 Iomraidhean Croise

Matta 13:39

Nu̱ zhangndi nu̱ kaɓki gululang ɗya sheɗan. Sarchi ku̱mndang ɗya lauɗarsi larji nu̱ ku̱mndikwang ɗya nu̱ ru̱kti ku ɓu̱ Magham.

Matta 17:5

A mbu̱ ɓalarang, tu̱ ku̱zapti nu̱ke a wuti, a ɓa tu̱ za wor nu̱gha, tu̱ tu̱k su̱qur mbu̱ ku̱zaptang a zu̱ran za, “Nang ɗya Yi ɓanga, nu̱ke nga ndolaran, ngaa tu̱k mu̱ndi ɓaran maɗyi. Gwa ma dlu̱mndonu yenda.”

Matta 21:38

“Yang ba ni nu̱ ghutikwang naki woyang tu̱ ze yenku za, ‘Sui, wonji njif nu̱ke damang ka ɓa khaki ma ɓaran. Tlagha mi nda nu̱ gha, ma ku̱ damang ɓa kha ma ɓaarem.’

Matta 26:63

Yang tu̱ Yesu kha varan gha yit. Tu̱ gorkir ɓu̱ kurukwang ze nda za, “Ku̱me Magham nu̱ nyifiri, zu̱ yerem mbu̱ to ke Masiya, Yi ɓu̱ Magham.”

Matta 28:18

Tu̱ Yesu a song bing tu̱ zu̱ za, “Wa vu̱r zalale maa viɗi ndu̱ maa vu̱ghai ya kap.

Matta 3:17

Tu̱ ɓalar a vi viɗi a zu̱ran za, “Nang ke woi ɓanga ndolakandi, memu̱nara mu̱n ndu̱ chin maɗyi.”

Markus 1:1

Nang ke nggarsi Labar Mbarkandi ɓu̱ Yesu Masiya Yi ɓu̱ Magham,

Markus 12:6

Tu̱ yang njig kya woi ɓaran da ketenggu̱leng, yang a ndola woi na maɗyi. Tu̱ nu̱ damang ru̱k woi nang gaandan, a zu̱ran za, Ai, ka na zhaaji ɓu̱ woi ɓang ku.

Markus 12:7

“Yang nu̱ na zhaaji ɓu̱ woyang ku ɓa tu̱ nu̱ ghutiku nang shi ɓalar chele ɓaanda za, ‘Nang ke njif nu̱ke damang ka ɓa khaki ma ɓaran, nu̱ke wanang, tlagha mi nda nu̱ gha ma ku̱ damang kha ma ɓaarem.’

Yokhana 1:10

Tu̱ kha mbu̱ larji, aa nu̱ke shi larjyang nu̱ ku̱nshe nda, yang kap ndu̱ nang, larji nu̱ zu̱n nda ɓa.

Yokhana 1:14

Tu̱ Ɓalarang kha ma nduku tu̱ khan chele ɓaarem. Yang chem na zhaaji ɓaran wa zhaaji ɓu̱ Woi khakandi ɗyenda (nu̱ nggaki yen ndu̱ aa nyi pooni kha) na viki she Zhinkirang, nyeedlan ndu̱ mu̱nkir ndu̱ zhire.

Yokhana 1:3

Shi aa nu̱m nu̱ ku̱nshe nda, tun a nje nu̱ du̱ngki mbu̱ ɗyiku nu̱ shiki kunang waare chin ɓa.

Yokhana 13:3

Yang Yesu wa zu̱n Magham wa sa aa nu̱m nu̱ mbu̱ kharan. Wa zu̱n chin a vi she Magham, yang chin a gaɓti nu̱ she Magham.

Yokhana 13:32

“Mbu̱ ke Magham wa gwa zhaaji ku̱n she nda, Magham ndu̱ varan ka vu̱r ye Woyang ku̱nshe ɗyinan, yang ka gwa zhaajyang fan ndu̱ fan.

Yokhana 15:15

Ngam ɓu̱ qaanu ye rafa tu̱k ɓa, ku̱me ye rafa nu̱ zu̱n ɗyi nu̱ke nu̱ rafti ɓaran a shiran ɓa. Yang nga qa nu raptaku, ku̱me nga zu̱ ɗyi nang tu̱kki she Zhinkir ɓang kap ye nu.

Yokhana 16:15

Ɗyi nu̱ke a kha Zhinkirang kap ɗya ɓanga. Nang ke ɗyi nu̱ saki tang zu̱ nga za Jiimbyang ka da ɗyi nang zu̱ki tu̱ zu̱ ye nu.

Yokhana 17:2

Jiwa ta vu̱r zalale ye Woyang ɗyine aaki, ma ku̱ vu̱r nyifi nu̱ke nu̱ka shi woɗa ɓa ye nduki nu̱ke to vu̱rki yenda.

Yokhana 3:16

“Ji Magham wa ndola larji maɗyi, tu̱ vu̱r woi ɓaran khakandi chin ɗyenda, ku̱me aaki nu̱ maitaki nda, ɓu̱ sagha bam ɓa, yang ka gwa nyifi nu̱ke ɓu̱ shi woɗa ɓa.

Yokhana 3:25

Tu̱ keele ji chele ɓu̱ nu̱ mbu Yokhana kwang ndu̱ Yakhude nggur ɗyine me ghai shiɓti ku nu̱ke Yakhudeku ka shiki ma khar shakhshakh.

Yokhana 5:26

Jiwa ba wa nu̱ke Zhinkirang nu̱ ɗyinan ke dlu̱dlarsi nyifi, wanang tu̱k wa sa Woi ɓaranang ku̱ kha ma dlu̱dlarsi nyifi.

Yokhana 5:27

Wa vu̱r zalale kumar yenda tu̱k ku̱me ɗya Yi ɓu̱ nduku.”

Yokhana 9:29

Chem wa zu̱n Magham wa shi ɓalar ndu̱ Musa, yang khuski nang nyem zu̱n ye maa nu̱ ɗa viki su̱ ɓa.”

Tlu̱nar ɓu̱ Pudeku 10:36

Tun wa zu̱n labar nu̱ Magham ru̱kki ye nduki nu̱ Israila, nu̱ zu̱ki Labar Mbarkandi nu̱ qaandi memu̱nar nu̱ ku̱nshe Yesu Masiya chin ke Zhinkir ɓu̱ aaki.

Tlu̱nar ɓu̱ Pudeku 2:17

‘Magham wa zu̱ za, Ngga ɗa zu̱ Jiimbi ɓang ye nduki kap mbu̱ lauɗar qaandi virkiri. Qusonggi ɓaanu nusu ndu̱ khusku ka kha ma nu̱ wopar zu̱r ɓu̱ Magham. Yiti nyakhtlirku ɓaanu ka na ɗyi tukakandi ku, geema khuzuku ka shi zhineku.

Romeku 1:4

Yang ye khar ɓaran Jiimbi nu̱ khar shakhshakh nu̱ me Maghamndi ɓaran wa wut Yesu Masiya ndu̱ zalale maɗyikandi za shwat ɗya Yi ɓu̱ Magham nu̱ ku̱nshe jiiri ɓaran mbe mu̱ti.

Romeku 8:17

Yang nu̱ke chem qusonggi ɓaran, chem wa kha ma nu̱ gwar shakhti ɗye mbu̱ ge. Nang wa wut nu̱ ɗyine, chem ka gwa ɗye mbu̱ ge barkeku ɓu̱ Magham, chem a khar mu̱dlenki ndu̱ Masiya mbe shakhti ɗye mbu̱ gerang. Yang mbu̱ chem ka gwa zhaaji su̱yen ndu̱ Masiya wa ku̱s ku̱ zami bonye su̱yen ndu̱ chin.

1 Korintiyeku 2:7

Nga zu̱kya kaɗari ɓu̱ Magham tukakandi, ɗyen tukaran zhu ɗau, nang ke kaɗari ɓu̱ Magham nu̱ daasaki ma vu̱r zhaaji yerem me ku̱ du̱ng larji.

1 Korintiyeku 8:6

yang kap ndu̱ nang, ɓaarem she rem, Magham kaada. Chin ke Zhinkir nu̱ke aa nu̱m a ɓa she nda, chem kha ndu̱ nyifiri ku̱me chin, Zhinerem gwaanji kaada tu̱k, chin Yesu Masiya, chin nu̱ke aa nu̱m a vi nu̱ ku̱nshe nda, chem a shikya khar ɓaran.

Galatiyeku 4:4

Yang nu̱ sarchi a khu̱lki tu̱m, tu̱ ɗa ru̱k Yi ɓaran. Yang kha nda nu̱ ku̱nshe nusu ɗyenda. Kha nda nu̱ mbu̱ bu̱n Bibitang,

Afiseku 1:10

Ku̱rti ɓaran chin ke, mbu̱ sarchi wa nyedli, chin ka taba aa nu̱m ɗyi nu̱ke a viɗi kap ndu̱ ɗyiku nu̱ vu̱ghai tu̱ khan mbu̱ bu̱n zalale ɓu̱ Masiya.

Afiseku 3:9

Magham, nu̱ du̱ngki aa nu̱m, wa shim ku̱ shaata nga aaki tu̱ zu̱n ɗyi tukakandi nyin daasaki nu̱ shoɓki a nje tukaran mbu̱ memu̱naran.

Yibraniyeku 1:5

Jiwa sar da nu̱ Magham ze nu̱ ru̱kti ɓaran nggur za, “To Yi ɓanga, nga kha ma Zhu meeni” ɓa. Yang a nje da chele ɓaanda nu̱ zu̱ki yenda za, “Nga kha ma Zhu, ta kha ma Yi ɓanga” ɓa.

Yibraniyeku 1:8

Yang ɗyine Yi ɓaranang, tu̱ zu̱ za, “Zhakhɗye kwaaɗar ɓaaro, ai Magham, a nje aakochi me tu̱ɓ su̱ ɓa, zaaɓir kwaaɗar ɓaaro ɗya nu̱ dambi.

Yibraniyeku 11:3

Chem wa zu̱n nu̱ ɗyine Magham du̱ng larji ndu̱ ɓalar mbu̱ men nu̱ ku̱nshe maito, ɗyi nu̱ke chem a naran nang a vi mbe ɗyi nu̱ke ɓu̱ shi na ɓa.

Yibraniyeku 2:3

Chem ka lawa kikimndana mbu̱ chem wa zhang ɗanar gwaanji nang gha? Ɗanar gwaanji nang Zhinkir gwaanji ndu̱ ɗyinan nggaki su̱ zu̱ran. Nduki nu̱ tu̱kki ɓalar ɓaranang wa wut yerem za shwat ɗya zhire.

Yibraniyeku 3:6

Yang Masiya ɗya nu̱ zhire mbe khar ɓaran Yi ɓu̱ Magham ɗyine nduki ɓu̱ Magham. Chem ke nduki ɓaran mbu̱ chem wa zu̱m guma ndu̱ shokhku̱rokh memu̱na, chem a sa memu̱narem su̱yen ndu̱ wakhti ɗyine ɗyiku nu̱ke chem a bu ɓar ɓaanda.

Yibraniyeku 4:14

Yang ɗo, nu̱ke gorkir kuru gwaanji a nje khaarem, chin ke Yesu Yi ɓu̱ Magham chin nu̱ ɗu̱ki mbu̱ viɗi gume Magham, khuɓ mi maito ɓaarem nu̱ gha ɓang ɓang.

Yibraniyeku 5:8

Aa nu̱ke Yesu ɗya Yi ɓu̱ Magham, wa shoga mburi su̱qur mbe bonye nu̱ zaki.

Yibraniyeku 7:28

Jiwa bibitang ka datkya gorkir kuruku chele ɓu̱ nduki nu̱ka tu̱ɓki. Yang ku̱mndar na ɓa ki qu̱rse Bibitang, datki Yi ɓaran nu̱ khaki nyeedlan koɗokhsi ɓa.

Yibraniyeku 7:3

Yang Melkizedek zhinki kha nda ɓa manki kha nda ɓa, yang nu̱ nduk zu̱n dlu̱dlarsan zum ɓa. Fu̱ɗar nu̱ khaki nda nje ɓa yang fu̱ɗar mu̱ti ɓaran a nje ɓa. Wa nu̱ke Yi ɓu̱ Magham ɗya kuru nu̱ke koɗokh venda ɓa, wanang tu̱k Melkizedek ɗya kuru nu̱ke koɗokh venda zum ɓa.

Yibraniyeku 9:26

Mbu̱ tu̱ga ka shi wanang, ai, tu̱ga Yesu ka ki za bonye aakochi, ma nu̱ du̱ngki larji. Yang wonji a ɓa ba sar kaada mbu̱ lauɗar su̱ qaandiku nang ma ku̱ da nji solarku ɓara nu̱ vu̱rki ɗyinan ku̱men.

1 Biturus 1:20

Magham datkya chin me ku̱ du̱ng larji, yang wuti nda ye dalangi ye lauɗar su̱ qaandi virkirku nang ku̱me tunu.

2 Bitu̱rus 3:3

Gumapaali, zu̱n ma nu̱ ɗyine, ye lauɗar su̱ qaandi virkirku nduki nu̱ ɓalar ndu̱mndi ku ka ɗa vi a ɓalar ndu̱mndi ku. A mbu ɗyiku malkandi nu̱ wor shimki.

Yakhuda 1:18

Wa zu̱ ye nu ku za, “Ye lauɗar su̱ qaandi virkirku ndukiku nggur ka ɗa ɓa nu̱ ɓalar ndu̱mndi ku, ka mbu shimndi ɓu̱ ɗyin vaanda.