Yibraniyeku 1:1 - Mewar Alqawarang

¹ Zhu tang Magham wa shi ɓalar ye zhikaneremku ve njivku zum zum ye sarchiku khang nu̱ ku̱nshe annabiku.

Yibraniyeku 1:1 Iomraidhean Croise

Luka 1:55

wa nu̱ zu̱ki ye zhineremku, ma yir she Yibram ndu̱ pooniku ɓaran tu̱k woɗasi ɓa.”

Luka 1:72

Ka na zhiyaye ɓu̱ zhikanerem, ka kor ndu̱ alqawar ɓaran shakhshakhndi ku̱me ku̱mndar shakhshakhndi ɓaran.

Luka 24:27

Tu̱ mbakh mbu̱ ɗyi nu̱ lagarkatikwang zu̱ki nu̱ ɗyine nda, nggaasan ɗyin Musa nu̱ annabiku kap.

Luka 24:44

Tu̱ ze wor za, “Nang ke ɓalar nang zu̱ki ye nu sarchi nu̱ke nga su̱yen ndu̱ tunwang, nga za ɗyi nu̱ Taurete ɓu̱ Musa ndu̱ Lagarkati ɓu̱ annabiku ndu̱ Zaburya zu̱ki ɗyina kap ka nyedli.”

Yokhana 16:13

Yang sarchi nu̱ Jiimbi nu̱ zhire a ɓa ki, ka mbu ndu̱ tun mbe aa nyi zhire, ku̱me ɓu̱ shi ɓala ku̱me ɗyinan ɓa, yang ka zu̱kya ɗyi nyin tu̱kki ɗyenda, ka zu̱ ɗyi nu̱ke a ma ɗatli ye nu.

Yokhana 7:22

Musa wa ze nu za dla nu sonu (aa nu̱ke chin nggaki san ɓa, ɗya zhikannu nu zhu tang). Yang kap ndu̱ nang tun wa ka dla su̱ woi Fu̱ɗar Maasi.

Yokhana 9:29

Chem wa zu̱n Magham wa shi ɓalar ndu̱ Musa, yang khuski nang nyem zu̱n ye maa nu̱ ɗa viki su̱ ɓa.”

Tlu̱nar ɓu̱ Pudeku 13:32

“Chem a ɓa ndu̱ Labar Mbarkandi ye nu tu̱k, nu̱ ɗyine alqawar nu̱ Magham shiki ye zhikaneremang,

Tlu̱nar ɓu̱ Pudeku 2:30

Yang ɗya annabi nu̱ zu̱nki za Magham wa shi alqawar yenda ndu̱ ku̱mndar nu̱ ɗyine chin ka vu̱r kujiri ye da mbu̱ pooni ɓaran, ba wa nyin vu̱rki kujiri yenda.

Tlu̱nar ɓu̱ Pudeku 28:23

Nu̱ saki sarchi nu̱ke wor ka gamaki tu̱ ɗa ɓa ku ye maa nu̱ zhurki nu̱ nje, yang ɗu̱ ku wor khang maɗyi tu̱ duk nu̱ gumang. Ji dumaari, ma yir mugdi tu̱ ki ɓalar ye wor a saida kwaaɗar ɓu̱ Magham, a wuta dut wor nu̱ she Yesu nu̱ ku̱nshe njiv Taurete ɓu̱ Musa ndu̱ lagarkati ɓu̱ annabikwang.

Tlu̱nar ɓu̱ Pudeku 3:21

Wa ku̱s ku̱ Yesu khan mbu̱ viɗi, ma yir sarchi nu̱ke ka gaɓki ndu̱ aa nu̱m tu̱ kha mewa, ba wa nu̱ Magham zu̱ki zhu tang nu̱ ku̱nshe annabiku ɓaran shakhshakhndi.

Yibraniyeku 11:18

Aa nu̱ke Magham wa ze nda za, “Yishaku ke njif nu̱ke ka zu̱mki guma ndu̱ qar dlu̱moro nu̱ ku̱nshe nda.”

Yibraniyeku 11:2

Maito saki tu̱ nduki zhu gwa dlu̱r she Magham.

Yibraniyeku 12:25

Ku̱r ma vaanu ɗo zhang nu njif nu̱ke a ɓalarang gha ɓa. Zu̱n man gha nu̱ ɗyine, mbu̱ nduki nu̱ zhangki nduki nu̱ wuki wor mbu̱ larji nang nu̱ lawa ku ɓa, chem ɗa! Chem ka lawa mbu̱ khar njif nu̱ke a wurerem mbu̱ viɗi kikimndana?

Yibraniyeku 2:2

Yang mbu̱ke zoɓar ɓalar nu̱ zu̱ki yerem nu̱ ku̱nshe nu̱ ru̱ktiku ɓu̱ Magham, wa ku̱s ma ku̱ nduk mbu, yang aa nyi njif nu̱ zhangki tu̱ktan gha, ndu̱ nu̱ zhangki mburan gha, wa gwa kumar nu̱ shipaki.

Yibraniyeku 2:3

Chem ka lawa kikimndana mbu̱ chem wa zhang ɗanar gwaanji nang gha? Ɗanar gwaanji nang Zhinkir gwaanji ndu̱ ɗyinan nggaki su̱ zu̱ran. Nduki nu̱ tu̱kki ɓalar ɓaranang wa wut yerem za shwat ɗya zhire.

Yibraniyeku 3:5

Musa wa shi zhire mbe tlu̱nar ɓaran ye khar ɓaran maava chele nduki ɓu̱ Magham, wa shi ɓalar ɗyine ɗyi nu̱ke Magham a ma zu̱ran gana fan.

Yibraniyeku 4:8

Mbu̱ tu̱ga Joshuwa wa vu̱r maasi ye nduki ɓu̱ Magham, tu̱ga Magham nu̱ shi ɓalar Fu̱ɗar maasi nggur zum tu̱k ɓa.

Yibraniyeku 5:5

Wanang tu̱k Masiya nu̱ da varan ma ku̱ kha nji ma gorkir ɓu̱ kuruku ɓa. Me ɓu̱ nang, Magham wa ze nda za, “To Yi ɓanga, nga kha ma Zhu meeni.”

Yibraniyeku 9:19

Qu̱rse Musa wa zu̱ ɗyi nu̱ke a mbu̱ bibitang ye ndukyang kap, tu̱ da tom ɓu̱ ye dleeku ndu̱ gunoku, tu̱ longga ndu̱ ɗyimi. Kom tu̱ da ndoɗyir khisop su̱yen ndu̱ wulu vyangndi tu̱ batl tomang nu̱ ɗyin lagarkati Bibitang ndu̱ ɗyine ndukyang kap.