Yaqub 4:4 - Mewar Alqawarang

⁴ Tun nu̱ song shir zhire! Alapa nun zu̱n nu̱ ɗyine bar raptikir ndu̱ larji ɗya kare ndu̱ Magham ɓa goma? Ku̱me aaki ndolaki larji, a gaɓkya ndu̱ ɗyinan ma nu̱ kare ndu̱ Magham.

Yaqub 4:4 Iomraidhean Croise

Matta 12:39

Tu̱ yang tlogha ye wor za, “Nduki nu̱ qaandi virkir meeni mu̱naranku nu̱ka sawa Magham ɓa. A shim na shipar ku, yang ɓu̱ wuɗ shipar nggur ye wor ɓa kope shipar ɓu̱ annabi Yunana.

Matta 16:4

Nduki nu̱ qaandi virkir meeni mu̱naranku, nu̱ka sawa Magham ku ɓa. A shim ɗye lazham nggur nu̱ke wor ka naki nu̱ si, yang ɓu̱ wuɗ aa nu̱m ye wor ma ku̱ nanda nu̱ si ɓa, kope ɗye lazham ɓu̱ Yunana.” Tu̱ yang njig wor tu̱ ɗu̱ varan.

Matta 6:24

“Sarda nduk ɓu̱ kha ma maavi ɓu̱ nu̱ rafti rap guma da ɓa, wa ku̱s ku̱ njig da to ku̱s da. Ka shi tlu̱nar zhirekandi ye dandang, tu̱ ndu̱m dandang. Sarda tom ɓu̱ ghar ghai ye Magham su̱yen ndu̱ shimndi mu̱zhin guma da ɓa.

Luka 19:27

Gaanje nang tu̱k, a ɓa ma ndu̱ nu̱ kareku ɓang nu̱ zhangki za ku̱ kha nga ma kuji ɓaanda ɓa ndu̱ nang ya fan, tun tlagha wor nu̱gha gumera nga naran.’ ”

Yokhana 15:19

Mbu̱ tun ɓu̱ larji tu̱ga larji wa shim ɗyi ɓaran, yang ku̱me tun ɓu̱ larji ɓa. Nga daato nu mbu̱ larji, nang ke ɗyi nu̱ saki tu̱ larji ki zhangndo nu.

Yokhana 17:14

Nga zu̱ ɓalar ɓaa ye wora. Yang larji wa wut zhangndi ye wor nu̱ke ɗya ɓu̱ larji ku ɓa, ba wa nu̱ke nga ɓu̱ larji ɓa.

Yokhana 7:7

Ɓaanu larji ɓu̱ zhangndo nu ɓa, a zhangkya ba nga, ku̱me ɗye shir ɓaanda malkandi nang ka zu̱ki ye worang.

Romeku 5:10

Nang ɗo, mbu̱ ye sarchi nu̱ke chem a kare ndu̱ Magham, chem gwaki somtar ndu̱ chin nu̱ ku̱nshe mu̱ti ɓu̱ Yi ɓaran. Leendang nu̱ gaɓki ndu̱ chem ma raptan ɗa, ai ka ɗana rem nu̱ ku̱nshe khar viti ɓu̱ Yi ɓaranang.

Romeku 8:7

Aaki damtaki ndu̱ ɗyiku ɓu̱ manva ɗya nu̱ zhangndi ɓu̱ Magham, ku̱me ɓu̱ mbu bibiti ɓu̱ Magham ɓa, yang ɓu̱ ɗu̱ma shiran zum ɓa.

1 Korintiyeku 1:20

Yang ɗo, a fu̱n nu̱ kaɗarikwang na? A fu̱n nu̱ shogar Bibiti ɓu̱ Musa ɓara na? A fu̱n nduki nu̱ tamanki ku za wor wa zu̱n aa nu̱m ndu̱ aanu̱mang na? Ai Magham wa wut za ghu̱rti ɓu̱ nu̱ shaandiku nu̱ mbu̱ larji nang ɗya me nggu̱bu̱ng.

1 Korintiyeku 1:21

Jiwa Magham mbe kaɗari ɓaran wa sa tu̱ nduki nu̱ larji ku̱na zu̱ndi nda nu̱ ku̱nshe kaɗari ɓaanda. Me ɓu̱ nang, tu̱ dat ku̱ ɗana nji nduki nu̱ maitaki nda nu̱ ku̱nshe Labar mbarkandi nyem wopaki nu̱ke a naran ku wa ɗya me nggu̱bu̱ngang.

Galatiyeku 1:10

Yang ɓalar nang ka sa tu̱ nduki da za nga shimkya ku̱ nduki maita nga mu? Auwo. Nga shimkya ku̱ Magham tlogha su̱ ɗyi nu̱ke nga shiran mu yang nga shimkya ku̱ mu̱n nga memu̱na nduki mu? Auwo. Mbu̱ nga shim mu̱n memu̱na nduki tu̱ga nang kha ma maavi ɓu̱ Masiya ɓa.

Yaqub 1:27

Ghaari ghai nu̱ke wakaran nu̱ zhire she Magham Zhinki, chin ke, ku̱ nduk nggu̱t ku̱du̱wku ndu̱ maryirku mbu̱ bonye nu̱ke a zaran ku, kom ku̱ nduk waka varan ɓar mbe pooni khar viti malkandi nu̱ larji nang.