Yaqub 4:1 - Mewar Alqawarang

¹ Nu̱m ke nu̱ ɓar ndu̱ keele ndu̱ dakhlari chele ɓanwang na? A ɓa ku̱me melakhku zum zumndi nu̱ke a dakhlar mbu̱ vaanu ɓa goma?

Yaqub 4:1 Iomraidhean Croise

Matta 15:19

Ku̱me kwaari malkandiku ndu̱ tlaghar mu̱ti, ndu̱ zawar mbu̱ ɓu̱rti, ndu̱ zawar ku zum zum, ndu̱ muuri, ndu̱ saidu kotame, ndu̱ khu̱ɓti nduki ka vi mbu̱ memu̱na nduku.

Yokhana 8:44

Tun ɓu̱ zhinonu Sheɗan, yang tun a shim shir ɗyi nu̱ke a shiran tu̱k. Ɗya nu̱ tlaghar mu̱ɗi gumapaali yang nu̱ damta ndu̱ zhire ɓa, ku̱me zhire nje mbe nda ɓa. Mbu̱ wa kota wollo aakochi a shikya me ghai ɓaran, ku̱me ɗya nu̱ kotama, zhinkir ɓu̱ wollo.

Romeku 7:23

yang nga na ɗyi nggur zum mbu̱ me barku ɓanga nu̱ke a dakhla ɗyi nu̱ke memu̱nara daki ya. Ɗyi nang wa sa tang kha ma maavi ɓu̱ sola nu̱ke a nje mbya.

Romeku 7:5

Jiwa sarchi nu̱ke chem kharan mbe ɗye shir ɓu̱ nduku, Bibitang a sokh shimndi ɗyiku malkandi ɓaarem. Tu̱ shimndi ɗyiku malkandi ɓaarem nang ki tlu̱nar mbu̱ man vaarem, tu̱ tlu̱nar ɓaarem ki ɓar ndu̱ mu̱ti yerem.

Romeku 8:7

Aaki damtaki ndu̱ ɗyiku ɓu̱ manva ɗya nu̱ zhangndi ɓu̱ Magham, ku̱me ɓu̱ mbu bibiti ɓu̱ Magham ɓa, yang ɓu̱ ɗu̱ma shiran zum ɓa.

Galatiyeku 5:17

Ku̱me shimndi ɓu̱ manva nu̱ka dlu̱ yen ndu̱ Jiimba ɓa. Yang tu̱k Jiimbyang nu̱ka dlu̱ yen ndu̱ shimndi ɓu̱ manva zum ɓa. Ɗyiku rapndi nang nu̱ka dlu̱ yen shwat ɓa. Nang ke ɗyi nu̱ saki nun ka ɗu̱ma shi ɗyi nu̱ke tun a shim ku̱ shi nu ɓa.

Kolosiyeku 3:5

Ku̱me nang tlagha ma ɗye shir nu̱ka saki shimndi ɗyiku bam bam nu̱ larji nang ɓar memu̱nanu. Wor ke, zawari, ndu̱ ɗye zop, ndu̱ melakh malkandi ndu̱ shimndi ɗyiku malkandi, ndu̱ zhiri malkandi, (nang ke ghaari ghai ye mu̱lu̱mku).

2 Timoti 2:23

Shokh ɗyinoro ndu̱ keeleku nu̱ me nggu̱bu̱ng bamndi nu̱ke ɗyin su̱ ɓa. Ta zu̱n nu̱ ɗyine pooni ɗyinan wa ka ɓa ndu̱ dakhlari.

Titus 3:3

Jiwa ɗau far chem nggu̱bu̱ngan, nu̱ zhangndi tu̱kti maa ku, chem sagharan. Chem maavi ɓu̱ shimndi ɗyiku zum zum ndu̱ melakh ɗyiku zum zum, chem kharan mbe mu̱na ndu̱ zhiri, nduki a zhangnderem chem a zhang yen.

Titus 3:9

Yang shokh ɗyino ndu̱ keele bamndiku, ndu̱ shigar su̱ dlu̱m zhikankirku, ndu̱ khang keele ndu̱ dakhlari ɗyine bibitiku, ku̱me ɗya ɗyi bamndiku boota su̱ ɓa.

Yaqub 1:14

Nduk ka shim shir ɗyi malkandi ye sarchi nu̱ melakh ɓaran maatlindi lambaki nda, tu̱ zu̱m ɗyinan.

Yaqub 4:3

Yang aa tun wa shi bararang nun ka gwa ɓa ku̱me tun ku̱rkya ɗyi malkandi. Tun a shim sagha ɗyi nu̱ke tun ka gwakyang ye maa tlu̱nar bamndiku ma laɓ tu̱kti mu̱ndi ye vaanu.

1 Biturus 1:14

Ye leendang nu̱ke tun wa kha ma qusonggi mbarkandi, ku̱ njig nu ɗyi nun ka kashaki shiran ɗau fara tu̱ da khangkal ɓaanu ɓar ɓa. Sarchi nun ka shiki ɗyiku nang ɗau fara ai tun a shiranang ku̱me song zu̱ni.

1 Biturus 2:11

Raptaku nu̱ke nga ndolaran, nu̱ke tun a shikya khar runggu mbu̱ larji nang, maa kha nu fan ɓa, nga khutonu, shakh ma ɗyinonu ndu̱ ɗye shir malkandi nu̱ melakh ɓu̱ nduku, ɗye shir nang a wute ndu̱ jiimbonu.

2 Bitu̱rus 2:18

Nduki nang wa ka shi ɓalar bamndiku nu̱ gwaari ɗyin a boote nu̱ shimndi ɓu̱ man va, tu̱ ka dut nduki nu̱ke nu̱ shoɓ ndu̱ lawar chele nduki galkandi nang ɓa.

2 Bitu̱rus 3:3

Gumapaali, zu̱n ma nu̱ ɗyine, ye lauɗar su̱ qaandi virkirku nduki nu̱ ɓalar ndu̱mndi ku ka ɗa vi a ɓalar ndu̱mndi ku. A mbu ɗyiku malkandi nu̱ wor shimki.