Yaqub 3:2 - Mewar Alqawarang

² Ku̱me kap ɓaarem chem wa ka shi zop ve njivku zum zum. Mbu̱ yang nduk nu̱ ka shi zop mbe ɓalar ɓaran ɓa, njif nang ɗya njif nu̱ke nyeedlan, wa ka ɗu̱ma ku̱s varan guma da.

Yaqub 3:2 Iomraidhean Croise

Matta 12:34

Tun su̱ti ghu̱ɓtiku, tun ka zu̱ ɗyi mbarkandi kikimnda nu̱ke tun mu̱naranang? Ai ɗyi nu̱ke a memu̱na nduk nang ke ɗyi nu̱ka viki mbu̱ men.

Matta 12:37

Ka kuma viɗ ɗyine ɓalar no zu̱ki, bai to kha ndu̱ zop bai to kha waare zop.”

Romeku 3:10

Ba wa nu̱ke a nje bu̱laran za, “Nu̱ dambu nje ɓa, a nje aa da shwat ɓa.

Romeku 7:21

Ɗyi nang wa kha ya ma me ɓanga, nu̱ke mbu̱ nga shim shi ɗyi mbarkandi, tang gwa nga shikya ɗyi malkandi.

1 Korintiyeku 9:27

Nga ru̱k vara, tang gaɓ ndu̱ chin ma maava, ku̱me ku̱ ɓa mbukti nga gha qu̱rse nga wopa Labar Mbarkandang ye nduki ɓa.

Galatiyeku 3:22

Yang bu̱lar Ɓalar ɓu̱ Maghamang zu̱ za larji kap a khar maavi ɓu̱ sola. Shi wanang ku̱me ku̱ vu̱r alqawar nu̱ shiki nu̱ ku̱nshe maitar Yesu Masiya ye nduki nu̱ maitaki.

Galatiyeku 5:17

Ku̱me shimndi ɓu̱ manva nu̱ka dlu̱ yen ndu̱ Jiimba ɓa. Yang tu̱k Jiimbyang nu̱ka dlu̱ yen ndu̱ shimndi ɓu̱ manva zum ɓa. Ɗyiku rapndi nang nu̱ka dlu̱ yen shwat ɓa. Nang ke ɗyi nu̱ saki nun ka ɗu̱ma shi ɗyi nu̱ke tun a shim ku̱ shi nu ɓa.

Kolosiyeku 1:28

Nang ke ɗyi nu̱ saki chem ki wopa Masiya Yesu ye aaki, chem a dut dlu̱mdi aaki, chem a shoga ɗyiku nang ɓar ndu̱ kaɗari nu̱ke a khaarem kap ma ku̱ vu̱r mi aaki nyeedlan mbe Masiya.

Kolosiyeku 4:12

Apafaras da chele ɓaanu, nu̱ke ɗya maavi ɓu̱ Masiya Yesu, a qaandi ye nu. A barar maɗyikandi aakochi ku̱me tunu a khuɗ Magham ma ku̱ ching nu gha shaanggu̱ɗang, tun kha nyeedlan, tun a tlu̱na shimndi ɓu̱ Magham, mbonu kaada.

Yibraniyeku 13:21

daasa nun gha ndu̱ aa nyi tun nu̱ke mbari ma ku̱ shi nu shimndi ɓaran. A tlu̱na ɗyi nu̱ ghaɗye ɓaran daki yenda mbe nu, nu̱ ku̱nshe Yesu Masiya; zhaaji wa kha ɓaran koɗokhsi ɓa. Amin.

Yaqub 1:26

Mbu̱ nduka tamandan za chin nu̱ ghaari ghai maɗyi, yang nu̱ka ku̱s men ɓa, a lambakya ɗyinan, ghaari ghai ɓaran wa kha bam.

Yaqub 1:4

Yang njig ma ku̱ kanaɗyi ɓaanu shi tlu̱nar ɓaran, tu̱ sa nu tun kha ɗyinonu ku̱san tun kha nyeedlan tu̱k nun mbu̱ɗ aa nu̱m ɓa.

Yaqub 2:10

Ku̱me njif nu̱ mbuki bibitikwang kap tu̱ yang zhang mbu da chele ni gha, wa kha wa nu̱ mbu bibitikwang ɓa guma da.

1 Biturus 3:10

A nje bu̱laran za, “Njif nu̱ke a shim ku̱ tu̱k nji mu̱ndi khar viti ɓaran ndu̱ na nji qaandi virkirku mbarkandi, ku̱ ku̱s ghiindan nu̱gha ma ku̱ shi mu̱na ɓa, tu̱ ku̱s men ndu̱ zu̱r wollo.

1 Biturus 5:10

Qu̱rse tun wa za bonye nang me sarchi koɗomma, Magham nu̱ mu̱nkir kap, chin nu̱ qaki nu ma gwa nu zhaaji su̱yen ndu̱ chin koɗokhsi ɓa mbe Masiya. Ka gaɓ ndu̱ tun tun kha nyeedlan, ka pa du̱mbu̱r ye nu tun ching gha shanggu̱ɗang.