Yaqub 3:1 - Mewar Alqawarang

¹ Nyeezaku, ku̱ nduki khang chele ɓaanu shim khar ma maalu̱mku ɓa, ku̱me tun wa zu̱n nu̱ ɗyine chem nyem ka shogaki ɓalar ɓu̱ Magham ɓara, ka kuma rem gu̱rgu̱r tu̱ duk ɓu̱ ɓeeni nduki.

Yaqub 3:1 Iomraidhean Croise

Matta 10:24

“Nu̱ dlu̱r shoga nu̱ka duk Maalu̱m ɓaran ɓa, yang maava tu̱k nu̱ka duk nu̱ rafti ɓaran ɓa.

Matta 23:13

“Yang tun ɗye zhiyaye, tun Maalu̱m Taurete ku ndu̱ Pariseku, nu̱ lambarku! Tun wa za me vi viri nu̱ mbu̱ kwaaɗar viɗi.

Matta 23:14

Tun nu̱ ɗyinonu nun vi ɓa, yang tun a nggu̱tl zalale viri ye nu̱ viri ku ku̱ vi. Tun ɗye zhiyaye, Maalu̱m Taurete ku ndu̱ Pariseku, nu̱ mu̱narku! Tun wa ka zu̱m gu̱nar ɓu̱ nusuku nu̱ zhime wor mu̱tki, tun shi barar kirkandi ma ku̱ nduki na nu. Tun ka gwa kumar maɗyikandi ku̱me nang.

Matta 9:11

Nu̱ Parisekwang naki wanangang, tu̱ ze nu̱ mburi nda kwang za, “Nu̱m saki tu̱ Maalu̱m ɓaanu ki zu̱m ɗye zu̱mndi ndu̱ nu̱ dlu̱r zhaanggalku ndu̱ nu̱ solarkwang na?”

Luka 16:2

Tu̱ qa nu̱ tlu̱narang tu̱ ze nda za, ‘Nga tu̱k kya nyi pooni labar ɗyino shoɗa? A ɓo ndu̱ lagarkati shigar si ɗyi no shiki mbu̱ tlu̱nar ɓa ya kap, ku̱me tom kha ma nu̱ nggu̱ti gu̱narang ya tu̱k ɓa.’ ”

Luka 6:37

“Kuma nu aaki ɓa, yang nduk ɓu̱ kuma nu zum ɓa. Vu̱r nu zop ye aaki ɓa, yang nduk ɓu̱ vu̱r zop ye nu zum ɓa. Ndu̱m ma zop ɓu̱ aaki ye wora, wor tu̱k ka ndu̱m ye nu.

Yokhana 3:10

Tu̱ Yesu tlogha za, “To maalu̱man Israila, yang no da mbu̱ ɗyiku nang ɓa?

Tlu̱nar ɓu̱ Pudeku 13:1

Chele tabar ɓu̱ nu̱ mbu Yesu ku nu̱ke a Antakiya, annabiku ndu̱ maalu̱mku a nje. Nang ke Barnaba, ndu̱ Simiyon nu̱ka qaki nda za Chit, ndu̱ Lushiyos khuzi Sariyan, ndu̱ Manayen nu̱ gorki su̱yen ndu̱ kuji Khiridus, ndu̱ Shawulu.

1 Korintiyeku 12:28

Mbu̱ tabar ɓu̱ nu̱ mbu Yesu, gumapaali Magham wa vu̱r pudeku, nu̱ rapan annabiku, nu̱ kunungan tu̱ vu̱r maalu̱mku. Tu̱ vu̱r nu̱ shir ɗye lazham ku, ndu̱ nu̱ shaanar khaatiku, ndu̱ shaatar nduki, ndu̱ nu̱ kwaaɗarku, ndu̱ nu̱ ɓalar ndu̱ me ghiindiku zum zum.

2 Korintiyeku 5:10

Jiwa wa ku̱s ku̱ ching mi nu̱ gume du̱ku̱l kumar ɓu̱ Masiya kap ɓaarem, ma ku̱ kuma rem. Aaki ka dlu̱ ɗye ɓi ɓaran ba wa nu̱ tlu̱naki sarchi nu̱ke a mbu̱ man var nu̱ larji nang, aa mbarkandi aa malkandi.

Afiseku 4:11

Chin shiki vu̱rti ye nduki. Wa shi vu̱rti nu̱ khar ma pude ɓu̱ Yesu ye ɓeeni nduki, ɓeenan ɗya annabiku, ɓeenan ɗya wopar Labar Mbarkandang, ɓeenan ɗya nu̱ khutlo nduki yang ɓeenan ɗya nu̱ shogar ku ɓara.

1 Timoti 1:7

A shim ku̱ kha nda ma maalu̱m shogar bibitiku ɓu̱ Magham ɓara, yang nu̱ zu̱n ɗyi nu̱ke a zu̱ran ku ɓa, aa nu̱ke wa gang nu̱ ɗyinan ku.

1 Timoti 2:7

Nang ke ɗyi nu̱ saki tu̱ daati nga tang kha ma pude ndu̱ nu̱ wopar ɓalarang. Nga ke maalu̱m nu̱ shogar ye kap nduki nu̱ke ɗya Yakhudeku ɓa mbu̱ maito zhirekandi. Ɗyi nu̱ke nga zu̱ran nang ke zhire ni, kotama nje mban ɓa.

2 Timoti 1:11

Magham wa sa tang kha ma nu̱ waazu, ndu̱ pude ɓu̱ Yesu, ndu̱ maalu̱m ku̱me Labar mbarkandi dandi nang.

Yibraniyeku 13:17

Tun mbu su̱qur dlegumeku ɓaanu, tun shi ɗyi nu̱ zu̱ki ye nu ku tu̱k, ku̱me wor kya nggu̱t khar viti ɓaanu wa nduki nu̱ke a ma shiga su̱ ɗyi nu̱ wor tlu̱naki. Tun mbu wor tu̱ tlu̱nar ɓaanda kha ndu̱ kasha, waare taɗar memu̱na, ku̱me taɗar memu̱narang ɓu̱ ɗa ɓa ndu̱ boote nggur ye nu ɓa.

Yaqub 1:16

Nyeezaku, ndolarku ɓanga, ku̱ njig nu tu̱ njif nggur lamba nu ɓa.

Yaqub 1:19

Nyeezaku, ndolarku ɓanga, zu̱n ma nu̱ ɗyine wa shipa ku̱ aaki kha ma nu̱ tu̱kki ɓala ɗau, yang ku̱ kha ma nu̱ lau me ɓa, yang nu̱ wakho shokhna ɓa.

Yaqub 3:10

Chem ka shi khamndang ndu̱ me rem dandi nang, chem gaɓ chem shi pu̱zi su̱ tu̱k. Wush, nyeezaku! Ai, nu̱ shipa ku̱ ɗyen kha wanang ɓa.

1 Biturus 5:3

Ku̱ kha nu ma nduki nu̱ke a shim wut zalale ɗyine nduki nu̱ke Magham vu̱rki ye nu ɓa, tun kha ma nduki nu̱ke shapirang ka shimki shoga tun khanu.