Yaqub 2:1 - Mewar Alqawarang

¹ Nyeezaku, ndola nu njif nggur tu̱ duk njif nggur chele ɓaanu ɓa, nu̱ke tun wa maita Zhinerem gwaanji Yesu Masiya, nu̱ke chin ke nu̱ zhaaji.

Yaqub 2:1 Iomraidhean Croise

Matta 22:16

Ta ru̱k nu̱ mbu wor kwang ndu̱ nduki ɓu̱ Khiridus tu̱ ze nda ku za, “Maalu̱m, chem wa zu̱n za to nu̱ zhire, ta shoga kya zhire ɓu̱ ɓalar ɓu̱ Magham ɓara. Aaki wayen shoro, no da njif nggur ndu̱ zhaaji tu̱ duk njif nggur ɓa.

Tlu̱nar ɓu̱ Pudeku 10:34

Tu̱ Biturus nggaasi ɓalar za, “Shwat nga da mban nu̱ ɗyine Magham wa da aaki wayen.

Tlu̱nar ɓu̱ Pudeku 20:21

Nga wu Yakhudeku ndu̱ Gu̱rik ku ku̱ nggoɗ ku mbe solar ɓaanda, ta gaɓ nu̱ she Magham, tu̱ maita Zhinerem gwaanji Yesu.

Tlu̱nar ɓu̱ Pudeku 24:24

Nu̱ qanki koɗom, tu̱ Feliks ndu̱ nokhzan, dlu̱man za Durusila nu̱ke ɗya Yakhuda a ɓa ku. Nu̱ ɗa ɓa ki ndu̱ Bulus yenda, tu̱ gwa dlu̱mndan ye Bulus ɗyine ɓalar maitar Masiya Yesu.

Tlu̱nar ɓu̱ Pudeku 7:2

Tu̱ tlogha za, “Nyeezaku ndu̱ zhinkirku ɓanga, gwa ma dlu̱mndonu ya! Magham nu̱ zhaaji wa wut ɗyinang ye zhikanerem Yibram sarchi nu̱ke a mbu̱ dlar ghai Mesopotamiya me ku̱ khan mbu̱ ghai Khaaran.

Romeku 1:11

Jiwa nga shim na nu maɗyi, ma ku̱ vu̱r nga mu̱nkir nggur nu̱ mbe jiimba nu̱ke ka paki du̱mbu̱r ye nu.

1 Korintiyeku 2:8

Nduk a nje chele ɓu̱ nu̱ kwaaɗarku nu̱ larji kap nu̱ daki mbu̱ kaɗari nang ɓa, mbu̱ wa gwa mban ku, tu̱ga nu̱ katl Zhinkir gwaanji nu̱ zhaaji nu̱gha ɓa.

Kolosiyeku 1:4

Jiwa chem wa tu̱k labar maitar Masiya Yesu nun shiki, ndu̱ pooni ndolar nu̱ke tun a wutan ye nduki ɓu̱ Magham kap.

1 Timoti 1:19

to khuɓ maito ɓaaro ndu̱ konyi mbarkandi. Ɓeeni nduki wa nggu̱ɗ ku mbe maito ɓaanda ku̱me wa zhang ɗyi nu̱ konyi ɓaanda zu̱ki ye wora.

1 Timoti 5:21

Nga ɓalar nang yoro gume Magham ndu̱ Masiya Yesu ndu̱ nu̱ ru̱ktiku ɓu̱ Magham nu̱ datki, yang to mbu ɗyiku nang ndolar ɗyin su̱ ɓa, yang wut na ta shim njif nggur tu̱ duk njif nggur ɓa.

Titus 1:1

Lagarkati nang a vi she Bulus maavi ɓu̱ Magham ndu̱ pude ɓu̱ Yesu Masiya. Daati nga tu̱ ru̱kti nga ma ku̱ pa nga du̱mbu̱r ye maito ɓu̱ nduki nu̱ Magham datki ma shaata nga wor tu̱ zu̱n zhire nu̱ khaki torop ndu̱ nu̱ mbu Magham ku.

Titus 2:13

Chem shi khar ɓaarem wanang sarchi nu̱ke chem a khar buri ndu̱ sar memu̱nar ye barke nu̱ke a ɓari, nang ke ɓar ɓu̱ zhaaji ɓu̱ Maghamndi ɓaarem gwaanji nu̱ Ɗanar ɓaarem Yesu Masiya.

Yibraniyeku 1:3

Chin ke yarang ɓu̱ zhaaji ɓu̱ Magham ndu̱ shipar ɓu̱ Magham shiku̱tku̱t. A khar da ndu̱ Magham. Chin khubki aa nu̱m nu̱ ku̱nshe ɓalar ɓaran nu̱ke zalale a si. Qu̱rse nu̱ shiɓki solarku nu̱ gha, tu̱ khan mbu̱ viɗi ɗyin bu̱n zu̱ma ɓu̱ Nu̱ Zhaaji kap.

Yibraniyeku 12:2

Ghar mi yiterem nu̱ she Yesu nu̱ke chin ke dlu̱dlarsi maito ɓaarem, chin ka saki tu̱ maito ɓaarem kha nyeedlan. Chin nu̱ke ku̱me ɓong memu̱nar nu̱ saki nu̱ gume nda, tu̱ gu̱n memu̱naran ndu̱ kaatli nu̱ katlki nda gha ɗyine qu̱far kaatlang nu̱ da nang ma ɗye kawa ɓa. Yang leendang a nje kharan ɗyin bu̱n zu̱ma ɓu̱ zhakhɗye kwaaɗar ɓu̱ Magham.

Yaqub 1:16

Nyeezaku, ndolarku ɓanga, ku̱ njig nu tu̱ njif nggur lamba nu ɓa.

Yaqub 1:19

Nyeezaku, ndolarku ɓanga, zu̱n ma nu̱ ɗyine wa shipa ku̱ aaki kha ma nu̱ tu̱kki ɓala ɗau, yang ku̱ kha ma nu̱ lau me ɓa, yang nu̱ wakho shokhna ɓa.

Yaqub 2:3

Tun ka duk vu̱r zhaaji ye nu̱ gu̱nar nang nu̱ke ɗye sar mbarkandi a venda. Tun ze nda nun za, “Wonji ɗye khar mbarkandi to kha gha.” Tun yang ze nu̱ nungndi nang nun za, “Ching nu̱ fara,” ndu̱ “Kho gha ya ghai.”

Yaqub 2:9

Yang mbu̱ tun a ndola njif nggur tu̱ duk njif nggur chele ɓaanu, nang ɗya sola. Bibiti ɓu̱ Musa wa wut za tun wa shi zop mbe bibitang.

Yaqub 3:17

Yang pooni kaɗari nu̱ke Magham ka vu̱rkyang, ɗya kaɗari nu̱ke shakhshakh gumapaali. Ka ɗa ɓa ndu̱ qaandi memu̱na, ndu̱ khar tu̱tu̱k, ndu̱ ɓu̱tokh ɗyini, ndu̱ khang nar zhiyaye, ndu̱ khang mu̱nkir tu̱k. Wa da aaki wayen, wa ka tlu̱na ɗyi mbarkandi.

2 Bitu̱rus 1:1

A vi she Siman Biturus, maavi ndu̱ pude ɓu̱ Yesu Masiya, ma yir she nduki nu̱ gwaki maito nu̱ zhaaji ba wa nyem gwaki, nu̱ ku̱nshe dambi ɓu̱ Maghamndi ɓaarem ndu̱ Nu̱ Ɗanar rem Yesu Masiya.

Yakhuda 1:16

Nduki nang ɗya nu̱ ruru ku, a na zop ɓu̱ nduki aakochi. Shimndi ɗyi malkandi ke kwaari ɓaanda. Nyeedlan ku ndu̱ ɓalar bamndi nu̱ makhtar ɗyin vaanda. A lamba nduki nu̱ maghar ɓalari ma ku̱ gwa nda ɗyiku ye var wora.

Ɗyin mbu̱ tukari 14:12

Nang a shimkya kanaɗyi mbe gu̱ndi memu̱nar du̱mbu̱rkandi ɓu̱ nduki ɓu̱ Magham, nu̱ke a mbu bibiti ɓaran, a khar zhire mbe maitar Yesu nu̱ shiki ku.