Yaqub 1:1 - Mewar Alqawarang

¹ Lagarkati nang ji she Yaqub maavi ɓu̱ Magham ndu̱ Zhinerem gwaanji Yesu Masiya, ma yir she me ghaiku gwaanggu̱m rapndi ɓu̱ Israila nu̱ lakhtaki nu̱ aa fu̱n mbu̱ larji. Nga qaandi ye nu maɗyi.

Yaqub 1:1 Iomraidhean Croise

Matta 10:3

Kom ndu̱ Filibus, ndu̱ Bartilomi, ndu̱ Toma, ndu̱ Matta nu̱ dlu̱r zhaanggali, ndu̱ Yaqub yi ɓu̱ Alfawus, ndu̱ Tadiyus,

Matta 13:55

“Chin ke woi ɓu̱ kafinte nang de? Maryam ke dlu̱m man ɓa goma, Yaqub ndu̱ Yusufu ndu̱ Siman ndu̱ Yakhuda ke khachinkirku ɓaran de?

Matta 19:28

Tu̱ Yesu ze wor za, “Zhire nga zu̱ran ye nu, mbu̱ qaandi virkir nu̱ke a ɓari, sarchi nu̱ Yi ɓu̱ Nduk khaki nu̱ ɗyine zhakhɗye ɓaran nu̱ zhaaji. Tun nun mbuki nga tun ka khan ɗyine zhakhɗye gwaanggu̱m rap tun kuma me ghai gwaanggu̱m rapndi ɓu̱ Israila.

Markus 3:18

Kom ndu̱ Andu̱rawus ndu̱ Filibus, ndu̱ Bartilomi, ndu̱ Matta, ndu̱ Toma, ndu̱ Yaqub yi ɓu̱ Alfawus ndu̱ Tadiyus, ndu̱ Siman ye Kanana,

Luka 22:30

Ku̱me nang, tun ka zu̱m tun za su̱yen ndu̱ nga mbu̱ kwaaɗar ɓanga. Tun ka khan ɗyine zhakhɗyeku, tun a kuma me ghai gwaanggu̱m rapndi ɓu̱ Israila.”

Luka 6:15

Ndu̱ Matta, ndu̱ Toma, ndu̱ Yaqub woi ɓu̱ Alfawus, ndu̱ Siman nu̱ka qaki nda za, “Nu̱ zhiri ghai ɓaran.”

Yokhana 12:26

Kap njif nu̱ke a ghar ghai ya, wa ku̱s ku̱ mburi nga. Ye maa nu̱ke nga si kap maavi ɓang ka kha su̱yen ndu̱ nga. Zhinkir ɓang ka vu̱r zhaaji ye nduki nu̱ke a ghar ghai ya kap.”

Yokhana 7:35

Tu̱ Yakhudekwang shi ɓalar chele ɓaanda a zu̱ran ku za, “Ka ɗu̱kya fu̱n nu̱ke chem ɓu̱ gwa nda ɓa nda na? A ma yir kya she Yakhudeku nu̱ lakhtaki tu̱ khan chele Khelenekwang ma shogar ye wor mu?

Tlu̱nar ɓu̱ Pudeku 1:13

Nu̱ khu̱lki ku mbu̱ ghayang, tu̱ dlan ye maa khar ɓaanda mbu̱ dangkalyang. Nduki nu̱ke a ye maaranang ɗya Biturus ndu̱ Yokhana, ndu̱ Yaqub, ndu̱ Andu̱rawus, ndu̱ Filibus, ndu̱ Toma, ndu̱ Bartilomi, ndu̱ Matta, ndu̱ Yaqub yi ɓu̱ Alfawus. Kom ndu̱ Siman nu̱ka qaki nda za nu̱ zhiri ghai ɓaran, ndu̱ Yakhuda yi ɓu̱ Yaqub.

Tlu̱nar ɓu̱ Pudeku 12:17

Tu̱ yang Biturus bu ye wor nu̱ kharan za ku̱ kha yit ku, kom tu̱ ndaa su̱ ɗyi nu̱ Magham shiki ta fet nda ɓar mbu̱ zhaaru̱mang. Tu̱ ze wor tu̱k za, “Zu̱ ma ɗyi nang ye Yaqub ndu̱ ɓeeni nyeezerem.” Kom tu̱ ji tu̱ ɗu̱ ye maa ngguri.

Tlu̱nar ɓu̱ Pudeku 15:13

Qu̱rse wa du̱ng me ɓalarang ku, tu̱ Yaqub dlu̱ men za, “Nyeeza, gwa ma dlu̱mndonu ya.

Tlu̱nar ɓu̱ Pudeku 15:21

Jiwa zhu tang ma ɓar meeni wa ka shi waazu ndu̱ wopar ɓu̱ Musa mbu̱ aa nyi ghai, tu̱ka qa ye chitang mbu̱ kib tabar ɓu̱ Yakhudekwang aa nyi Fu̱ɗar Maasi.”

Tlu̱nar ɓu̱ Pudeku 15:23

Tu̱ vu̱r lagarkati ye wora. Bu̱laran za, Ji she nyeezonu, Pudeku ndu̱ dlegumeku ɓu̱ tabar ɓu̱ nu̱ mbu Yesu ku. Ma yir she nu̱ mbu Yesu ku nduki nu̱ke ɗya Yakhudeku ɓa nu̱ke a mbu̱ dlar ghai Antakiya ndu̱ Siriya ndu̱ Kilikiya. Chem a zoɓa qaandi ye nu.

Tlu̱nar ɓu̱ Pudeku 2:5

Yang nduki nu̱ ghaari ghai ɓu̱ Yakhudeku a nje khang kharan Urshalima ye sarchi nang. A ɓa ku mbu̱ ghaiku zum zum mu̱na larji.

Tlu̱nar ɓu̱ Pudeku 21:18

Vi dumaaran tu̱ Bulus ɗu̱ su̱yen ndu̱ chem she Yaqub, yang dlegumeku ɓu̱ tabar ɓu̱ nu̱ mbu Yesu ku a nje ye maaran kap.

Tlu̱nar ɓu̱ Pudeku 23:26

A za, lagarkati nang a vi she Ku̱laudiyus Lisiyas. Ma yir she Nu̱ Du̱mbu̱rang, Nggomna Feliks. “Nga qaandi yor maɗyi.

Tlu̱nar ɓu̱ Pudeku 26:7

Nang ke alqawar nu̱ me ghaiku gwaanggu̱m rapndang saki memu̱na wor na nda nyedli ɓaran, tu̱ ku̱s tlu̱nar ɓu̱ Magham ku fu̱ɗar ndu̱ virkiri. Gunndi, sar memu̱nar nang shiki nu̱ ve nyedli alqawar nang saki tu̱ Yakhudeku ki na zop ɓanga!

Tlu̱nar ɓu̱ Pudeku 8:1

Yang Shawulu a nje ye maarang a gu̱n su̱ tlaghar Istafanus nu̱ shikikwang. Ye sarchi nang, tu̱ nu̱ mbu Yesu ku nu̱ke a Urshalima za bonye maɗyikandi. Tu̱ lakhta wor nu̱ mbu̱ dlar ghai Yakhudiya ndu̱ Samariya tu̱ njigkya ba Pudekwang ɗyenda mbu̱ Urshalima.

Romeku 1:1

Lagarkati nang a vi she Bulus, maavi ɓu̱ Masiya Yesu, nu̱ qaki nda ma ku̱ kha ma pude ɓu̱ Yesu, tu̱ waka nda nu̱ gha ma ku̱ wopa Labar mbarkandi ɓu̱ Magham.

Galatiyeku 1:19

Ye sarchi ni, nang na aa da chele ɓeeni Pudekwang ɓa, kope Yaqub khachin Zhinerem gwaanji.

Galatiyeku 2:12

Gumapaali, wa ka zu̱m ɗye zu̱mndi ndu̱ nu̱ mbu Yesu ku nu̱ke ɗya Yakhudeku ɓa. Yang nu̱ Yaqub ru̱kki ɓeeni nduki ma yir Antiyok, tu̱ Biturus dut varan ɓar she nduki nu̱ke ɗya Yakhudeku ɓa ndang tu̱ kha nu̱ konggol. Shi wanang ku̱me a sawa nduki nu̱ke a shim ku̱ dla su̱ nduki nu̱ke ɗya Yakhudeku ɓa nu̱gha.

Galatiyeku 2:9

Nar mu̱nkir nu̱ Magham shiki ya saki tu̱ Yaqub ndu̱ Biturus ndu̱ Yokhana tlogha san. Wor dlu̱ki nga ndu̱ Barnaba memu̱na wor da wor ke du̱mbu̱r ɓu̱ dlegumeku ɓu̱ tabar nu̱ mbu̱ Yesu ku. Chem wa zu̱ chele ɓaarem nu̱ ɗyine chem ka ɗu̱ she nduki nu̱ke ɗya Yakhudeku ɓa, yang ɓaanda wor ka ɗu̱ she Yakhudeku.

Filipiyeku 1:1

Zoɓar qaandi nang a vi she Bulus ndu̱ Timoti maaviku ɓu̱ Masiya Yesu, ma yir she kap nu̱ mbu Masiya Yesu nu̱ke a mbu̱ ghai Filipi. Kom ndu̱ dlegumeku ɓu̱ tabar ɓu̱ nu̱ mbu Yesu ku ndu̱ nu̱ shaatar ɓu̱ dlegumeku.

2 Timoti 4:21

Shu to ɗa ɓa ɗau me ku̱ nomandi shi. Yubulus ndu̱ Pudens, ndu̱ Linus, ndu̱ Ku̱laudiya ndu̱ kap nyeezerem ku a zoɓa qaandi ɓaanda ye nu.

Titus 1:1

Lagarkati nang a vi she Bulus maavi ɓu̱ Magham ndu̱ pude ɓu̱ Yesu Masiya. Daati nga tu̱ ru̱kti nga ma ku̱ pa nga du̱mbu̱r ye maito ɓu̱ nduki nu̱ Magham datki ma shaata nga wor tu̱ zu̱n zhire nu̱ khaki torop ndu̱ nu̱ mbu Magham ku.

1 Biturus 1:1

A vi she Biturus, pude ɓu̱ Yesu Masiya. Ma yir she nduki ɓu̱ Magham nu̱ datki, nu̱ke a khar runggiku mbu̱ larji, lakhtakandi ku mbu̱ ghai Pontus, ndu̱ Galatiya, ndu̱ Kapadokiya, ndu̱ Asiya, ndu̱ Bitiniya.

2 Bitu̱rus 1:1

A vi she Siman Biturus, maavi ndu̱ pude ɓu̱ Yesu Masiya, ma yir she nduki nu̱ gwaki maito nu̱ zhaaji ba wa nyem gwaki, nu̱ ku̱nshe dambi ɓu̱ Maghamndi ɓaarem ndu̱ Nu̱ Ɗanar rem Yesu Masiya.

Yakhuda 1:1

Yakhuda maavi ɓu̱ Yesu Masiya, khachin Yaqub, bu̱la lagarkati nang ma yir she nduki, tun nu̱ Magham qaki, nu̱ke Magham Zhinki a ndolaran, nu̱ke Yesu Masiya a khutloran.

Ɗyin mbu̱ tukari 7:4

Yang tang tu̱k khang ɓu̱ nduki nu̱ saki yitu̱m ye wor mbu̱ me ghaiku gwaanggu̱m rapndi ɓu̱ Israila, wor du̱pu won ndu̱ ɗyin vat qu̱m vat (144,000).