Luka 7:2 - Mewar Alqawarang

² Gorkir soje ɓu̱ Rome nggur a nje mbu̱ ghayang nu̱ke maavi nu̱ke a shimndan maɗyi a me mu̱ti ku̱me varan mu̱n ɓa.

Luka 7:2 Iomraidhean Croise

Matta 27:54

Sarchi nu̱ gorkir soje ɓu̱ Roma ndu̱ ɓeena nduki nu̱ke a bu wudle Yesu naki yakhtar maa vu̱ghayang nu̱ ɗyi nu̱ shikyang kap, tu̱ tu̱k sawar ku maɗyi, tu̱ zu̱ ku za, “Zhire njif nang ɗya Yi ɓu̱ Magham!”

Luka 23:47

Nu̱ gorkir ɓu̱ sojeku nu̱ke a nje, naki ɗyi nu̱ ɗatlkyang, tu̱ gor dlu̱m Magham, a zu̱ran za, “Njif nang ɗya nu̱ jeembu shwat.”

Luka 7:1

Nu̱ Yesu woɗaki zu̱ ɓalarku nang ye ndukyang, tu̱ gaɓ varan nu̱ mbu̱ ghai Kaparnakhum.

Luka 7:3

Nu̱ gorkir soja tu̱kki labar ɓu̱ Yesu tu̱ ru̱k nduk kudaandi ɓu̱ Yakhudeku ma ku̱ khuɗ Yesu ku̱ ɗa ɓa ma shaana maavi ɓaranang.

Luka 8:42

Zu̱ wanang ku̱me woi ɓaran ye nusu nu̱ khu̱lki sonyi gwaanggu̱m rap a me mu̱ti, yang chin ɗyenda kya kha nda. Nu̱ Yesu ku̱ski njif ma yir kaa ɓu̱ Jairus, tu̱ tabar nduki khang kaara nda ku̱ku̱sh ndu̱ chin a khi vaanda nu̱ ve nda.

Tlu̱nar ɓu̱ Pudeku 10:1

Khuski nggur a nje Kaisariya dlu̱man za Korneliyus. Ɗya gorkir soje Rome nu̱ke a mbu̱ sange ɓu̱ sojeku nu̱ka qaki za Italiya.

Tlu̱nar ɓu̱ Pudeku 10:7

Ni nu̱ ru̱kti ɓu̱ Magham nu̱ shiki ɓalar nang yenda ɗu̱ki varan, tu̱ Korneliyus qa maaviku ɓaran rap ndu̱ soje nggur nu̱ sawar Magham chele sojeku nu̱ke a tlu̱nar yenda.

Tlu̱nar ɓu̱ Pudeku 22:26

Nu̱ soje gwaanji nu̱ Romang tu̱kki wanang, tu̱ ɗu̱ she gorkir ɓu̱ sojekwang tu̱ ze nda za, “Ta ma shikya nu̱ma? Khuski nang zalale khar ye Roma a nje kha nda.”

Tlu̱nar ɓu̱ Pudeku 23:17

Tu̱ Bulus qa soje gwaanji ɓu̱ Rome ngguri tu̱ ze nda za, “Ɗu ndu̱ nyakhtlir nang she gorkir ɓaanu, ɓalar a nje nu̱ke a shim zu̱ran yenda.”

Tlu̱nar ɓu̱ Pudeku 27:1

Nu̱ daasaki za chem a ma yir Italiya mbu̱ du̱mbu̱l ɗyim tu̱ sa Bulus ndu̱ nduki nggur nu̱ke khiiran zhaaru̱m nu̱ mbu̱ khar soje gwaanji nu̱ Roma ngguri, dlu̱man za Juliyos, a da chele tabar sojeku ɓu̱ Kaisar.

Tlu̱nar ɓu̱ Pudeku 27:3

Ɗaatlu̱maaran chem khu̱l nu̱ Sidon. Tu̱ Juliyos shi mu̱nkir ye Bulus tu̱ njigti nda ku̱ ɗa na raptan ku nu̱ shimki na nda ku.

Tlu̱nar ɓu̱ Pudeku 27:43

Yang nu̱ke soje gwaanji ɓu̱ Roma wa shim ɗana Bulus tu̱ nggu̱tl wora. Tu̱ zu̱ za ku̱ nduki nu̱ maghaki geeri nggu̱ɗ nu̱ mbu̱ ɗyimang ku̱ ge ku ma yir me gu̱mndang.

Kolosiyeku 3:22

Tun maaviku, mbu ma zu̱r ɓu̱ zhinonu nu̱ rafa mbe aa nyi tunu. Ku̱ shi nu tlu̱nar nar yiti wa nduki nu̱ke a shim ku̱ nduki makhta wor ɓa, me ɓu̱ nang, tun shi tlu̱nar ɓaanu chele ɓaanu ndu̱ Magham, wa nu̱ke nu̱ sawar Magham ku ka shiki.