Luka 5:2 - Mewar Alqawarang

² Tu̱ Yesu na du̱mbu̱lku rap du̱ngdan gha me ɗyim chitndang, yang nu̱ ku̱si yurvikwang wa vi ɓarku mban, a shiɓ lemku ɓaanda nu̱ gha.

Luka 5:2 Iomraidhean Croise

Matta 4:18

Yesu a yir ve me gu̱mndi gaawu Galili, tu̱ na khachinkirku wor rap, Siman nu̱ka qaki nda za Biturus, ndu̱ khachin dlu̱man za Andu̱rawus, a zu̱ lem nu̱ mbu̱ gaawang ku̱me ɗya nu̱ dumndiku.

Matta 4:21

Nu̱ songki nu̱ guma, tu̱ na khachinkirku nggur wor rap tu̱k, Yaqub yi ɓu̱ Zabadi ndu̱ khachin dlu̱man za Yokhana. A mbu̱ du̱mbu̱l ɗyim ku su̱yen ndu̱ ku̱maandi ɓaanda a kwaɗa lem ɓaanda. Tu̱ Yesu qa wora.

Markus 1:16

Yesu a peetar me ɗyim chitndi nu̱ Galili, tu̱ na Siman ndu̱ khachin dlu̱man za Andu̱rawus a ku̱s yurviku ndu̱ lemi ku̱me ɗya nu̱ dumndiku.

Markus 1:19

Nu̱ songki nu̱ guma koɗom, tu̱ na Yaqub Yi ɓu̱ Zabadi ndu̱ khachin nu̱ka qaki nda za Yokhana mbu̱ du̱mbu̱li a kwaɗa lem ɓaanda.

Luka 5:1

Sarchi ngguri Yesu chingndan gha me ɗyim chitndi nu̱ Janisarat. Tu̱ ndukiku ku̱s ba songndi nu̱ she nda ma tu̱k ɓalar ɓu̱ Magham.

Luka 5:3

Tu̱ Yesu vi nu̱ mbu̱ du̱mbu̱l da chele ni, nu̱ke ɗya ɓu̱ Siman. Tu̱ Yesu khuti nda za ku̱ tu̱pa du̱mbu̱lang ɓar me gu̱mndang ku̱ song si nu̱ mbu̱ ɗyimang koɗom. Nu̱ khaki gha mbu̱ du̱mbu̱lang tu̱ anya shogar ye ndukiku.

Yokhana 1:40

Yang Andu̱rawus khachin Siman Biturus ke da chele nduki rapndi nu̱ mbuki gaanje Yesu qu̱rse tu̱kti ɓalar nu̱ Yokhana zu̱ki ɗyine ndang.