Luka 5:1 - Mewar Alqawarang

¹ Sarchi ngguri Yesu chingndan gha me ɗyim chitndi nu̱ Janisarat. Tu̱ ndukiku ku̱s ba songndi nu̱ she nda ma tu̱k ɓalar ɓu̱ Magham.

Luka 5:1 Iomraidhean Croise

Matta 11:12

Ji ye sarchi nu̱ Yokhana nu̱ Baptismya ɓa ki ma ɓar ye leendang, kwaaɗar ɓu̱ Magham a za bonye, yang nu̱ vu̱rti bonye kwang a shim dlu̱ kwaaɗarang ndu̱ du̱mbu̱r.

Matta 14:34

Nu̱ dlaki ɗyim chitndang nu̱ dam, tu̱ zhur ku nu̱ mbu̱ dlar ghai Janisarat.

Markus 3:9

Tu̱ Yesu ze nu̱ mburi nda kwa za ku̱ ɗa ɓa ku ndu̱ du̱mbu̱l koɗommandi yenda chin vi nu̱ mban ma ku̱ tabar ndukyang kha ku̱ku̱sh ndu̱ chin ɓa.

Markus 4:1

Fu̱ɗar ngguri, Yesu wa nggaasi shogar me ɗyim chitndi nu̱ Galili. Tu̱ tabar nduki khang maɗyi a ɓa she nda. Ku̱me nang tu̱ vi nu̱ mbu̱ du̱mbu̱l tu̱ kha gha, tu̱ tabar ndukikwang ching nu̱ me ɗyimang ve me gu̱mndang.

Markus 5:24

Tu̱ Yesu ɗu̱ su̱yen ndu̱ chin, tu̱ yang nduki khang mbu gaanje nda ku̱ku̱sh ndu̱ chin a khi vaanda nu̱ ve nda.

Markus 6:53

Nu̱ Yesu ndu̱ nu̱ mburi nda kwa dlaki ɗyim chitndang nu̱ dam tu̱ zhur ku̱n mbu̱ ghai Janisarat tu̱ gu̱n du̱mbu̱lang nu̱ me ɗyim chitndang.

Luka 12:1

Sarchi nu̱ke nduki tabaki du̱mmbu̱su̱m, tu̱ ku̱s khatl yen ku, tu̱ Yesu nggaasi ɓalar ye nduki nu̱ mburi nda kwa za, “Ku̱r ma vaanu ndu̱ yis ɓu̱ Parisekwang, nga ve pitli gwaari ɗyin ɓaandang.

Luka 5:2

Tu̱ Yesu na du̱mbu̱lku rap du̱ngdan gha me ɗyim chitndang, yang nu̱ ku̱si yurvikwang wa vi ɓarku mban, a shiɓ lemku ɓaanda nu̱ gha.

Luka 8:22

Sarchi ngguri tu̱ Yesu ze pudeku ɓaran za, “Dlami nu̱ dam fara ve ku̱bdi ɗyim chitndang.” Tu̱ vi nu̱ mbu̱ du̱mbu̱lang ku wa nu̱ zu̱kyang.

Luka 8:23

Nu̱ kya mbu̱ yir ku, tu̱ qan gha ma maasi, yang tu̱ ɗyenir daa nda, nu̱ ɗyenir daki nda tu̱ maari gu̱ri su̱yen ndu̱ khu̱kheeti du̱mbu̱rkandi. Tu̱ khu̱kheetang ku̱s ba tu̱pa du̱mbu̱lang tu̱ ɗyim nggaasi viiri nu̱ mban tu̱ vi nu̱ mbu̱ damtar maɗyikandi ku.

Luka 8:33

Tu̱ khu̱kheeti kwang vi ɓar mbe njifang, tu̱ vi nu̱ mbe aledekwang, tu̱ aledekwang kap zhan zu̱ma, tu̱ mu̱ɗ ku.

Luka 8:45

Yang tu̱ Yesu shi zhamndi za, “Woɗye shwat, ki su̱ɓa ki nga kwa?” Tu̱ aaki keela za chin ɓa, kom tu̱ Biturus tlogha za, “Zhinerem gwaanji, mbu̱ zhire du̱ng ma zi, aaki fan wa su̱ɓa ro.”

Yokhana 1:40

Yang Andu̱rawus khachin Siman Biturus ke da chele nduki rapndi nu̱ mbuki gaanje Yesu qu̱rse tu̱kti ɓalar nu̱ Yokhana zu̱ki ɗyine ndang.

Yokhana 6:1

Gaanje nu̱ shoɓki koɗom tu̱ Yesu dla ɗyim chitndi nu̱ Galili, nang ke ɗyim chitndi nu̱ Tiberiya.

Yibraniyeku 13:7

Kor ma dlegumeku ɓaanu nu̱ zu̱ki ɓalar ɓu̱ Magham ye nu. Nggu̱t ma pooni khar viti nu̱ shiki ku, ndu̱ lauɗar su̱ khar viti ɓaanda, tun da ɗyin saari maito ɓaanda.