Luka 4:7 - Mewar Alqawarang

⁷ Ngga vu̱r ɓar yor kap mbu̱ke ta kurum gha to ghar ghai ya.”

Luka 4:7 Iomraidhean Croise

Matta 2:11

Nu̱ viki nu̱ mbu̱ raftang, ta gwa woyang ndu̱ man, Maryam, tu̱ kurum gha ku tu̱ ghar ghai yenda. Gaandan, tu̱ qu̱n kulup ɓaanda, tu̱ vu̱r ginarwe ndu̱ lubban ndu̱ mur nu̱ke ɗya ɗye zhi mu̱nkandi ku, nu̱ vari kom ndu̱ nu̱ pashari nu̱ me mu̱zhindi yenda.

Luka 17:16

Tu̱ ɗa ɓa tu̱ kurum gha gume Yesu, tu̱ wuɗ kunar ɓaran yenda, yang njifang ɗya khuzi Samariya.

Luka 4:6

Tu̱ Sheɗan ze nda za, “Ngga vu̱r kwaaɗar nanga yoro kap ndu̱ zhaaji ni, to shi zalale ɗyinan ku̱me wa vu̱r ya, yang ngga ɗu̱ma vu̱rtan ye aaki nang shimki.

Luka 4:8

Yang tu̱ Yesu tlogha yenda za, “A nje bu̱laran za, ‘Ghor ghai ye Maghamndi ɓaaro yang to mbu su̱quran chin ɗyenda.’ ”

Luka 8:28

Ba nu̱ naki Yesu, tu̱ shi zhaano, tu̱ nggu̱ɗ nu̱ gume Yesu za, “Ta damta nga ma nu̱ma, Yesu, Yi ɓu̱ Magham nu̱ zalale ɗyine aa nu̱m, nga khutoro vu̱r na bonye ya ɓa!”

Ɗyin mbu̱ tukari 22:8

Nga, Yokhana, nga tu̱kki, tang na ɗyiku nang. Nang woɗaki tu̱ktan ndu̱ naran, tang nggu̱ɗ nu̱ gume nu̱ ru̱kti nu̱ wutki ɗyiku nang ya, ma ghar nga ghai yenda.

Ɗyin mbu̱ tukari 4:10

tu̱ ndukkudaandiku ɗyirap qu̱m vatndi nang ka nggu̱ɗ nu̱ gume njif nu̱ke a nje kharan ɗyine zhakhɗyang. Tu̱ ka ghar ghai yenda ku, chin nu̱ke a nje ndu̱ nyifiri aakochi koɗokhsi ɓa. Tu̱ ka du̱ng ɗye zhar ku ɓaanda nu̱ vu̱ghai gume zhakhɗyang, a zu̱ran ku za,

Ɗyin mbu̱ tukari 5:8

Nu̱ dlu̱ki, tu̱ nu̱ nyifi ku vatndi nang ndu̱ ndukkudaandiku ɗyirap qu̱m vatndang qan nu̱ gume Ye gamndang. Aa nyi da chele ɓaanda wa khuɓ sumbul ndu̱ du̱ɓ ginarwe nyeedlan ndu̱ ɗye zhi mu̱nkandi chin ke barar ɓu̱ nduki ɓu̱ Magham.