Luka 10:2 - Mewar Alqawarang

² Tu̱ yang ze wor za, “Tlu̱nar ku̱mndang khang ka, yang nu̱ tlu̱narkwang wa kata. Ku̱me nang, khuɗ ma nu̱ damang, ku̱ ɗa ru̱k nu̱ tlu̱nar ku ma ku̱mndang.

Luka 10:2 Iomraidhean Croise

Matta 20:1

“Kwaaɗar mbu̱ viɗi wa shipa nu̱ rafti nggur nu̱ viki nu̱ dumaari ɗau ma qa nduki nu̱ke a ma tlu̱nar mu̱zhindi yenda mbu̱ dam qu̱far anap ɓaran.

Markus 13:34

Ɗyen wa shipa khuski nu̱ njigki rafti ɓaran tu̱ ɗu̱ mbu̱ ghai nggur ɓakh, tu̱ yang njig zalale aa nu̱m kap nu̱ mbu̱ khar maaviku ɓaran. Tu̱ vu̱r tlu̱nar ɓu̱ aaki yenda, tu̱ ze nu̱ bu me raftang za ku̱ nggu̱t raftang yenda nu̱ gha mbari.

Markus 16:15

Tu̱ ze wor tu̱k za, ɗu̱ ma aa fu̱n mbu̱ larji, tun zu̱ labar mbarkandi nang ye nduki kap.

Markus 16:20

Tu̱ nu̱ mburindakwang ɗu̱ tu̱ ku̱s zu̱ labar mbarkandang nu̱ aa fu̱n. Magham a tlu̱nar su̱yen ndu̱ wora. A wut zhire ɓu̱ ɓalarang nu̱ ku̱nshe ɗye saidu ndu̱ ɗye lazham ku nu̱ke a shir mbu̱ waazu ɓalarang. Amin. (Ku̱ shi wanang.)

Luka 9:1

Sarchi ngguri, tu̱ Yesu qa pudeku ɓaran gwanggu̱m rapndang tu̱ vu̱r zalale ndu̱ du̱mbu̱r feti khu̱kheetiku ɓar ndu̱ shaanar aa nyi khaati ye wora.

Tlu̱nar ɓu̱ Pudeku 11:19

Yang tu̱ nu̱ mbu Yesu ku nu̱ lakhtaki ku̱me bonye na viki ku̱me tlaghar Istafanusang ɗu̱ mbu̱ dlar ghai Fonishiya, ndu̱ Saipurus ndu̱ ghai Antakiya tu̱ ki waazu ɓalar ɓu̱ Magham ye Yakhudeku ɗyenda.

Tlu̱nar ɓu̱ Pudeku 13:2

Sarchi nu̱ke a ghar ghai ye Magham a zhumti ku, tu̱ Jiimbi shakhshakhndi zu̱ za, “Wa ka ma Barnaba ndu̱ Shawulu ya nu̱ konggol ku̱me tlu̱nar nu̱ke nga shim ku̱ shi ya ku.”

Tlu̱nar ɓu̱ Pudeku 13:4

Nu̱ Jiimbi shakhshakhndi ru̱kki Barnaba ndu̱ Shawulu, tu̱ ɗu̱ ku Salukiya, ta vi du̱mbu̱l ɗyim ku ma yir Saipurus dlar ghai nu̱ gaawu gwaanji karakyang.

Tlu̱nar ɓu̱ Pudeku 20:28

Tun ɗang vaanu, ndu̱ shapir Jiimbi shakhshakhndi saki nu̱ mbu̱ bu̱nonu ma nggu̱t nu, tun zu̱m guma ndu̱ khutlo tabar ɓu̱ nu̱ mbu Yesu ku nu̱ Magham masaki ndu̱ tom ɓu̱ Yi ɓaran.

Tlu̱nar ɓu̱ Pudeku 22:21

“Tu̱ Zhinerem gwaanji zu̱ ya za, ‘Ju to ɗi, ngga ru̱ktor nu̱ ɓakh fara, ye maa nu̱ke ɗya Yakhudeku ɓa.’ ”

Tlu̱nar ɓu̱ Pudeku 8:4

Tu̱ nduki nu̱ lakhtaki ku nang ki baara maari ku a wopa Labar Mbarkandang nu̱ a fu̱n.

1 Korintiyeku 12:28

Mbu̱ tabar ɓu̱ nu̱ mbu Yesu, gumapaali Magham wa vu̱r pudeku, nu̱ rapan annabiku, nu̱ kunungan tu̱ vu̱r maalu̱mku. Tu̱ vu̱r nu̱ shir ɗye lazham ku, ndu̱ nu̱ shaanar khaatiku, ndu̱ shaatar nduki, ndu̱ nu̱ kwaaɗarku, ndu̱ nu̱ ɓalar ndu̱ me ghiindiku zum zum.

1 Korintiyeku 15:10

Yang mu̱nkir ɓu̱ Magham saki tang kha wa nu̱ke nga si leendang, mu̱nkir ɓaran nu̱ kha bam ɓa. Nga shi tlu̱nar nu̱ dukki ɓu̱ pudeku nang kap, aa nu̱ke ɗya nga shiki ɓa, ɗya mu̱nkir ɓu̱ Magham nu̱ke a su̱yen ndu̱ nga.

2 Korintiyeku 6:1

Mbe tlu̱nar nu̱ke chem a shiran ndu̱ Magham, chem a khutonu, ku̱ njig nu mu̱nkir ɓaran tu̱ kha bam ɓa.

Filipiyeku 2:21

Aaki damtakya nu̱ ɗyi ɓaran ɗyenda, nu̱ damta nu̱ ɗyi ɓu̱ Yesu Masiya ɓa.

Filipiyeku 2:25

Nga na wa shipa a ru̱k nga Apafaroditus. Ɗya khata ndu̱ mu̱dla mbu̱ tlu̱nar nu̱ke nga shiran, yang ɗya mu̱dla mbu̱ wute ɓang tu̱k, ɗya ye ru̱kti ɓaanu nu̱ke tun a ru̱kki nda ma ku̱ shi tlu̱nar ya.

Filipiyeku 2:30

ku̱me wa shi bing mu̱ti ku̱me tlu̱nar ɓu̱ Masiya ɗo, wa vu̱r nyifi ɓaran ma shaatar nu̱ke nun ɗu̱ma shiran ya ɓa.

Kolosiyeku 1:29

Ma ku̱ ɗu̱ma nga tang shi ɗyinang, nga shi bonye tang shi wute, nga tlu̱nar nu̱ du̱mbu̱r maɗyikandi nu̱ Masiya vu̱r ki ya yang a tlu̱nar mbya.

Kolosiyeku 4:12

Apafaras da chele ɓaanu, nu̱ke ɗya maavi ɓu̱ Masiya Yesu, a qaandi ye nu. A barar maɗyikandi aakochi ku̱me tunu a khuɗ Magham ma ku̱ ching nu gha shaanggu̱ɗang, tun kha nyeedlan, tun a tlu̱na shimndi ɓu̱ Magham, mbonu kaada.

1 Tasalonikeku 2:9

Nyeezaku, tun wa kor tlu̱nar ndu̱ bonye nyem zaki! Chem wa shi tlu̱nar virkir ndu̱ fu̱ɗari ma ku̱ taɗar ɓaarem khan ɗyine aaki sarchi nyem wopaki Labar mbarkandi na viki she Magham ye nu ɓa.

1 Tasalonikeku 5:12

Yang tu̱k nyeezaku, chem a khutonu tun vu̱r zhaaji ye nduki nu̱ke a bonye tlu̱nar chele ɓaanu, ndu̱ dlegumeku ɓaanu mbe Zhinerem gwaanji. Kom ndu̱ nduki nu̱ke a ɗu̱rtonu mbu̱ khar viti ɓaanu mbe njiv ɓu̱ Magham.

2 Tasalonikeku 3:1

Ye lauɗar san, nyeezaku, shi ma barar yerem ma ku̱ ɓalar ɓu̱ Zhinerem gwaanji dlu̱ maari ɗau ɗau, tu̱ gwa zhaaji ba wa nu̱ gwaki chele ɓaanu.

1 Timoti 4:10

(Chem a bonye ndu̱ wute), ku̱me chem a sa memu̱narem ye Magham nu̱ nyifiri chin nu̱ke ɗya nu̱ ɗanar aaki, yang nu̱ shi wa nduki nu̱ maitaki ɓa.

2 Timoti 4:5

Yang to, ku̱s vaaro mbe aa nyi tunu, to gu̱n memu̱na ro mbe bonye, to shi tlu̱nar ɓu̱ nu̱ wopar Labar mbarkandi, to nyel tlu̱nar ɓaaro ye khar ɓa ma maavi ɓu̱ Magham.

Filimon 1:1

Lagarkati nang a vi she rem, nga Bulus nu̱ke a nje khiiran zhaaru̱m ku̱me tlu̱nar ɓu̱ Masiya Yesu ndu̱ mu̱dlerem Timoti. Ma yir she Rapterem Filimon nu̱ke chem a shim nda maɗyi, yang ɗya mu̱dlerem mbu̱ tlu̱nar nu̱ke chem a shiran.

Yibraniyeku 3:6

Yang Masiya ɗya nu̱ zhire mbe khar ɓaran Yi ɓu̱ Magham ɗyine nduki ɓu̱ Magham. Chem ke nduki ɓaran mbu̱ chem wa zu̱m guma ndu̱ shokhku̱rokh memu̱na, chem a sa memu̱narem su̱yen ndu̱ wakhti ɗyine ɗyiku nu̱ke chem a bu ɓar ɓaanda.

Ɗyin mbu̱ tukari 2:1

“Bu̱lo ye nu̱ ru̱kti ɓu̱ tabar nu̱ mbu Yesu ku nu̱ke a Afisa. No za, Wonji ɓalarku nu̱ ɗa viki she njif nu̱ khubki anjinjeku mutndi nu̱ mbu̱ kharan nu̱ zu̱mang, tu̱ ki yir chele ɓu̱ tokhol ɓai wor mutndang.