Luka 1:1 - Mewar Alqawarang

¹ Nu̱ke nduki khang wa shi bu̱lar ɗyine ɗyiku nu̱ shiki chele ɓaarem,

Luka 1:1 Iomraidhean Croise

Markus 16:20

Tu̱ nu̱ mburindakwang ɗu̱ tu̱ ku̱s zu̱ labar mbarkandang nu̱ aa fu̱n. Magham a tlu̱nar su̱yen ndu̱ wora. A wut zhire ɓu̱ ɓalarang nu̱ ku̱nshe ɗye saidu ndu̱ ɗye lazham ku nu̱ke a shir mbu̱ waazu ɓalarang. Amin. (Ku̱ shi wanang.)

Yokhana 20:31

Yang bu̱la nu̱kunang ma ku̱ maita nu nu̱ ɗyine Yesu ke Masiya, Yi ɓu̱ Magham. Kom tu̱k, nu̱ ku̱n she maitar nda tun gwa nyifi mbu̱ dlu̱man.

Romeku 14:5

Njif nggur wa ka da fu̱ɗar nggur ndu̱ zhaaji tu̱ duk ɓeeni fu̱ɗarkwang. Yang she njif nggur fu̱ɗarkwang wayen she nda. Bu ku̱ aaki gwa zhire ɓu̱ ɗyen mbu̱ memu̱naran.

Romeku 4:21

Wa maita za Magham ka ɗu̱ma nyel alqawar ɓaran shwat.

Kolosiyeku 2:2

Yang nga shi nang ma ku̱ gwa du̱mbu̱r ku tu̱ gonta ɗyin wor mbe ndola. Gwar ɗyiku nang ka sa tu̱ gwa gu̱nar gwaanji nu̱ maito nu̱ke memu̱nar rap rap si ɓa nu̱ dar mbu̱ ɗyi tukakandi ɓu̱ Magham nang ke Masiya ndu̱ varan.

Kolosiyeku 4:12

Apafaras da chele ɓaanu, nu̱ke ɗya maavi ɓu̱ Masiya Yesu, a qaandi ye nu. A barar maɗyikandi aakochi ku̱me tunu a khuɗ Magham ma ku̱ ching nu gha shaanggu̱ɗang, tun kha nyeedlan, tun a tlu̱na shimndi ɓu̱ Magham, mbonu kaada.

1 Tasalonikeku 1:5

ku̱me Labar mbarkandi nyem a ɓa ki su̱ ye nu. Nu̱ ɗa ɓa ye nu mbe ɓala ɗyenda ɓa, aa ɓa ye nu ndu̱ zalala, ndu̱ Jiimbi shakhshakhndi ndu̱ zhire nyelkandi shwat. Tun wa zu̱n pooni khar nyem shiki chele ɓaanu ma ku̱ gwa nu boote ni.

1 Timoti 3:16

Keele su̱ ɓa, ɗyi tukakandi nu̱ mbu̱ ghaari ghai ɓaarem gor maɗyi: Wa wut varan mbu̱ man va, Jiimbyang wa wut za chin nu̱ zhire. Tu̱ nu̱ ru̱ktiku ɓu̱ Magham na nda, tu̱ wopa nda ye nduki nu̱ larji, tu̱ nduki maita nda mbu̱ larji kap, tu̱ da nda ma yir viɗi mbu̱ zhaaji.

2 Timoti 4:17

Yang Zhinkir gwaanji a nje su̱yen ndu̱ nga tu̱ pa du̱mbu̱r ya, ku̱me ɓalar ɓu̱ Magham nang ku̱ gwa wopar maɗyi ma ku̱ nduki nu̱ke ɗya Yakhudeku ɓa tu̱kki. Wa lawa nga ɓar mbu̱ me mu̱zamndi.

Yibraniyeku 10:22

Ku̱me nang a song mi nu̱ bing ndu̱ Magham ndu̱ memu̱nar zhirekandi, ndu̱ maito nu̱ke memu̱na rem rap rap ɓa. A song mi ndu̱ memu̱nar nu̱ shiɓki nu̱ gha mbe sola tu̱ kha shakhshakh, kom ndu̱ man var nu̱ shiɓki nu̱ gha ndu̱ ɗyim shakhshakhndi nggarnggar.

Yibraniyeku 6:11

Chem a shim ku̱ aaki zu̱m guma ndu̱ shiran wanang ma yir ve lauɗar san, ma ku̱ nyel nu ɗyi nun saki memu̱na nu nu̱ ɗyinanang.