Afiseku 5:3 - Mewar Alqawarang

³ Sar da ku̱ njig nu tu̱ nduk da dlu̱monu ndu̱ ɓalar zawa ndu̱ aa nyi tlu̱nar su̱bu̱rti ndu̱ khape ɓa, ku̱me ɗyiku nang nu̱ shipa nduki ɓu̱ Magham ɓa.

Afiseku 5:3 Iomraidhean Croise

Matta 15:19

Ku̱me kwaari malkandiku ndu̱ tlaghar mu̱ti, ndu̱ zawar mbu̱ ɓu̱rti, ndu̱ zawar ku zum zum, ndu̱ muuri, ndu̱ saidu kotame, ndu̱ khu̱ɓti nduki ka vi mbu̱ memu̱na nduku.

Luka 12:15

Tu̱ zu̱m guma ndu̱ zu̱ran ye wor za, “Ku̱r ma vaanu, ka shi nu khape ɓa, aa gu̱nar ɓu̱ nduk khang wa nu̱m, chin ke nyifi ɓaran ɓa.”

Luka 16:14

Nu̱ Pariseku nu̱ shimndi mu̱zhindi maɗyi a tu̱kki ɓalar nang, tu̱ dut me wor nu̱ ɗyine Yesu.

Tlu̱nar ɓu̱ Pudeku 15:20

Buka bu̱lami lagarkati chem ze wor nyem za ku̱ zu̱m ɗye zu̱mndi nu̱ vu̱rki ye mu̱lu̱mku ɓa ndu̱ ku̱ shi zawa ku ɓa, yang ku̱ nji dlu nu̱ ghengki quran tu̱ mu̱t ndu̱ liipa ɓa, kom ndu̱ tom tu̱k.

Tlu̱nar ɓu̱ Pudeku 20:33

Nang zhiri mu̱zhindi ndu̱ lukti ɓu̱ aaki ɓa.

Romeku 1:29

A nje ku nyeedlan ndu̱ ɗyi galkandi, ndu̱ mu̱nari, ndu̱ melakh, ndu̱ ɗye shir malkandi ku. Nyeedlan ku ndu̱ zhiri malkandi, ndu̱ tlaghar mu̱ti, ndu̱ dakhlari, ndu̱ nyiglar maa, ndu̱ ɗyooti mbu. Ɗya nu̱ ndaana ku,

Romeku 16:2

Tun dlu̱ri nda mbu̱ dlu̱m Zhinerem gwaanji wa nu̱ shipaki ku̱ shi ye nduki ɓu̱ Magham. Tun vu̱r kap ɗyi nu̱ shimki ku̱ shaata nu nda si, ku̱me chin ndu̱ ɗyinan wa shaata nduki khang, yang nga da chele ɓu̱ nduki nu̱ shaatakyang.

Romeku 6:13

Ku̱ njig nu tun vu̱r me bar ɓaanu ye sola tu̱ kha ma ɗye tlu̱nar malkandi ɓa. Yang vu̱r ma vaanu ye Magham tun kha wa nduki nu̱ lawaki wor ɓar mbu̱ khar mu̱ti ma gwa nyifiri. Vu̱r ma me bar ɓaanu ye Magham tun kha ma ɗye tlu̱nar dambu.

1 Korintiyeku 10:8

Kha mi ma nu̱ zawarku wa nu̱ ɓeenan ku shiki, tu̱ nduki du̱pu ɗyirap qu̱m kunung mu̱t fu̱ɗar da ɓa.

1 Korintiyeku 5:1

Nga gwa labaran za nu̱ zawarku a nje chele ɓaanu, za njif nggur wa qan ndu̱ nokhzi zhin, yang aa chele nduki nu̱ke nu̱ zu̱n Magham ku ɓa nyem tu̱k za nduk wa shi pooni ɗye shir malkandi nang ɓa.

1 Korintiyeku 6:13

Yang ɓeenan ka zu̱ tu̱k za, “Shi ɗye zu̱mi ku̱me maa mbu, shi maa mbu tu̱k ku̱me ɗye zu̱mi,” yang ɗo, Magham ka ɓa su̱ya wor nu̱gha kap. Nu̱ shi manva ma zawa ɓa, shir nda ku̱me Zhinerem gwaanji, man varang ɗya ɓu̱ Zhinerem gwaanji.

1 Korintiyeku 6:18

Ɗa ma tlu̱nar zop! Solar nu̱ke nduk ka shiki kap ɓu̱ su̱ɓa man varan ɓa, yang njif nu̱ shiki zop wa su̱bu̱r man varan nu̱gha.

2 Korintiyeku 12:21

Nga sawa Magham sarchi na nga gaɓki ka sa tang tu̱k kawa gume nu. Nga kawa ghoori nu̱ke ngga shiki ku̱me nduki khang nu̱ shiki zop zhu, yang nu̱ nggoɗ ku tu̱ njig tlu̱nar zop, ndu̱ zawar ndu̱ ɗyiku nu̱ shipaki nang ɓa.

Afiseku 5:12

Jiwa ɗya ɗye kawa ku̱ nduk zu̱ su̱ pooni ɗyiku nu̱ke nu̱ song sawar Magham ku ka shiki ku mbu̱ tuka.

Afiseku 5:5

Tun wa zu̱n nu̱ ɗyine shwat, nu̱ zawa, ndu̱ nu̱ tlu̱nar zop, ndu̱ me khape (nu̱ke chin ndu̱ nu̱ ghaari ghai ye mu̱lu̱m da ku), ɓu̱ gwa maa mbu̱ kwaaɗar ɓu̱ Masiya ndu̱ ɓu̱ Magham, sar da ɓa.

Filipiyeku 1:27

Aa shi kikimndan shi ma khar nu̱ shipaki Labar mbarkandi ɓu̱ Masiya. Aa nga ɓa ma na nu, aa na nga ɓa ɓa, gwa nga labaran za tun chingndan shanggu̱ɗang, kwaari ɓaanu da mbu̱ Jiimbi da, tun a wute su̱yen ma gwa pooni maito nu̱ke a mbu̱ Labar Mbarkandang.

Kolosiyeku 3:5

Ku̱me nang tlagha ma ɗye shir nu̱ka saki shimndi ɗyiku bam bam nu̱ larji nang ɓar memu̱nanu. Wor ke, zawari, ndu̱ ɗye zop, ndu̱ melakh malkandi ndu̱ shimndi ɗyiku malkandi, ndu̱ zhiri malkandi, (nang ke ghaari ghai ye mu̱lu̱mku).

1 Tasalonikeku 4:3

Nang ke shimndi ɓu̱ Magham, tun kha shibtan, tun shakh ɗyinonu ndu̱ ɗye su̱bu̱rti vaanu.

1 Tasalonikeku 4:7

Nu̱ Magham qa rem ma ku̱ kha mi ma nu̱ zopku ɓa, qa rem ma ku̱ kha mi shakhshakh.

1 Timoti 2:10

Me ɓu̱ nang, ku̱ tlu̱nakya ɗyi mbarkandi ku ba wa nu̱ shipaki nusuku nu̱ sawar Magham.

1 Timoti 3:3

Ku̱ kha ma njif nu̱ke nu̱ka za ɗyema ɓa, yang nu̱ lu̱kshi ɓa nu̱ ɗu̱bar memu̱na, njif nu̱ke varan buran nu̱ka shim keele ɓa, yang nu̱ vu̱r varan ye ndolar mu̱zhin ɓa.

1 Timoti 6:10

Jiwa shimndi mu̱zhin ke dlu̱dlarsi aa nyi pooni mu̱na. Ku̱me shimndi mu̱zhin ɓeeni nduki wa gal gha mbe maito nang tu̱ ɗa dut chiti mbi ye var wor maɗyikandi.

2 Timoti 3:2

Ku̱me nduki ka kha ma nu̱ shimndi ɗyin vaanda, nu̱ ndolar mu̱zhindi ku, nu̱ wakhti ku, nu̱ gwaari ɗyin ku, nu̱ pu̱ziku bam bam. Nu̱ song tu̱kti man nda ndu̱ zhin nda, nu̱ song wuti kuna, nu̱ shimndi khar mbu̱ zop ku,

Titus 1:11

Wa ku̱s ku̱ wu wor ku̱ kha yit ku, ma nu̱ke a lakhta raftiku khang nu̱ gha mbe shogar ɗyi nu̱ke nu̱ shipa ɓa ɓara ma ku̱ gwa nda gu̱na ve njiv batal.

Titus 1:7

Ma nu̱ke dle gume ɓu̱ tabar nu̱ mbu Yesu ɗya nu̱ tlu̱nar ɓu̱ Magham, wa ku̱s ku̱ kha waare zop gume aaki. Ku̱ kha ma njif kaku̱ɗakhndi ɓa yang nu̱ wakho shokhna ɓa, ku̱ kha ma nu̱ zar ɗyema ɓa, yang nu̱ gangndi dakhla ɓa, ku̱ kha ma nu̱ bu̱rtar gu̱na ve njiv batal ɓa.

Titus 2:3

Wanang tu̱k tun shoga ye geema nusuki ku̱ shi khar viti ku nu̱ shipaki ɓu̱ nusuki nu̱ mbu Yesu. Ku̱ kha ma nu̱ kotama ku ɓa, ku̱ zar ɗyema kha ma ɗye shir ɓaanda ɓa. Ku̱ shogakya ɗyi nu̱ke mbarkandi ɓara,

Yibraniyeku 12:16

Ku̱r ma vaanu mbari ma ku̱ aaki kha ma nu̱ zawa ɓa, yang ku̱ kha nu ndu̱ song sawar Magham wa Yisuwa nu̱ masaki ɗye mbu̱ ge gomir ɓaran ɓara ma ɗye zu̱mndi piti da ɓa.

1 Biturus 5:2

Khutlo ma shapir ɓu̱ Magham nu̱ vu̱rki nggu̱tan ye nu tun a tlu̱nar wa dlegumeku. Na nu wa a shikya ranna nu ɓa, ku̱ memu̱na nu da ye nu tun shi ba wa nu̱ke Magham a shimndan. Shi nu tlu̱nar nang ku̱me mu̱zhin ɓa, shi ma ku̱me memu̱na nu wa da ye nu ku̱ shi nu tlu̱narang.

2 Bitu̱rus 2:10

Ɗya kumar gu̱rgu̱rndi ɗyine nduki nu̱ke a mbu shimndi malkandi ku nu̱ man va, kom ndu̱ nduki nu̱ke a ndu̱m nu̱ kwaaɗarku. Maalu̱mku nu̱ lambar nang, kawa ve wor ɓa! Ɗya nu̱ gwaari ɗyin ku. Nu̱ka tu̱k sawar ku̱ pu̱z nda jiimbiku nu̱ zhaaji nu̱ke a mbu̱ viɗi she Magham ɓa.

2 Bitu̱rus 2:14

Aakochi a korkya laɓti nusu, nu̱ka nggum ku ndu̱ shir sola ɓa. A lamba nduki nu̱ke du̱mbu̱ran ku mbu̱ maito ɓaanda ɓa. Wa kha ku wang mbe melakh ɓaanda. Magham ka kuma pooni nduki nang shwat.

2 Bitu̱rus 2:3

Ku̱me melakh ɓaanda, maalu̱mku nang ka shim ku̱ gwa tun ku ɗyinonu nu̱ ku̱nshe ɓalar wollo nu̱ gu̱nki ku. Yang dlar kumar mu̱ti nu̱ shiki ye wor mbu̱r fara ba a nja bu wora, yang su̱yar wor nu̱ gha nu̱ laada ɓa.

Ɗyin mbu̱ tukari 2:14

Yang kap ndu̱ nang ɗyiku a nje koɗom nu̱ke ngga zu̱ki nu̱ ɗyinoro: Nduki a nje chele ɓaanu nu̱ke a mbu shogar ɓu̱ Balaam. Chin nu̱ shogaki ye Balak ku̱ zala qusa Israila ku̱ shi solarku nu̱ ku̱nshe zu̱mndi ɗye zu̱mndi nu̱ shiki sadke ni ye mu̱lu̱mku, kom nu̱ shir zawar ku tu̱k.

Ɗyin mbu̱ tukari 2:21

Nga vu̱r sarchi yenda ma ku̱ nggoɗi ku̱ njig me mu̱nggu̱l nu̱ke a shiran yang a shimndan ɓa.

Ɗyin mbu̱ tukari 21:8

Yang nu̱ sawarku, ndu̱ nu̱ song shir zhireku, ndu̱ nu̱ tlu̱nar ɗye zhaane ku, ndu̱ nu̱ tlaghar mu̱tiku, ndu̱ nu̱ zawarku, ndu̱ nu̱ ɓu̱tli ghaiku, ndu̱ nu̱ ghaari ghai ye mu̱lu̱mku, ndu̱ kap nu̱ wolloku. Ka gwa ɗye ɓi ɓaanda mbu̱ giɗim ɓai gu̱rgu̱rndi nu̱ ɓai solfa, nang ke mu̱ti nu̱ rap.”

Ɗyin mbu̱ tukari 22:15

Yang nduki nu̱ke a dam ɗya nduki nu̱ke zopan, ndu̱ nu̱ ɓu̱tli ghai ku, ndu̱ nu̱ zawar ku, ndu̱ nu̱ tlaghar mu̱ti ku, ndu̱ nu̱ ghaari ghai ye mu̱lu̱m ku, ndu̱ nu̱ shimndi wollo ndu̱ shir wollo.

Ɗyin mbu̱ tukari 9:21

Nu̱ nggoɗ memu̱na wor tu̱ njig tlaghar mu̱ti nu̱ke a shiran ku, ndu̱ ghwaati ghai, ndu̱ ɗye shir nu̱ zawarku bam bamndi ɓa, ndu̱ muuriku nu̱ke a shiran ku.