Afiseku 4:3 - Mewar Alqawarang

³ Shi ma ɗyi nu̱ke tun ka ɗu̱maki kap ma ku̱ ɗang nu khar da nu̱ Jiimba vu̱rki ye nu, nu̱ ku̱nshe qaandi memu̱nar nu̱ gu̱nki nu nu̱ ye maa da.

Afiseku 4:3 Iomraidhean Croise

Markus 3:24

Yang mbu̱ kwaaɗar a dakhla ɗyinan tu̱ shakh rap, kwaaɗar nang ɓu̱ ching ɓa.

Yokhana 13:34

“Nga zu̱kya mewar Wopar ye nu, ba wa nang ndolaki nu, tun ndola yen tu̱k wanang.

1 Korintiyeku 1:10

Nga khutonu, nyeezaku, ku̱me Zhinerem gwaanji Yesu Masiya, tu̱ ɓalar ɓaanu kha da. Ku̱ ɗyinonu kha shakhtan ɓa, tun gonta ɗyinonu ye maa da, tu̱ ɗyi nun ku̱rki ndu̱ kwaari ɓaanu kha da.

2 Korintiyeku 13:11

Ye lauɗar san, nyeezaku, kope fu̱ɗa ngguri. Shi ma tun kha nyeedlan, tu̱k ma khuti ɓanga, kha ma ma tun da tun shi khar mu̱nkandi ndu̱ yen. Nang ka saki tu̱ Maghamndi nu̱ ndola kha gha su̱yen ndu̱ tunu.

Afiseku 4:13

Kope chem wa khu̱l kap ye khar ma tun da mbe maito, kom ndu̱ zu̱ndi Yi ɓu̱ Magham, ndu̱ gwaari, chem khu̱l ye maa chingndi nu̱ke Masiya shimki.

Afiseku 4:4

Jiwa man vara nje da, ndu̱ Jiimbi da. Wa nu̱ke Magham qaki nu nu̱ ku̱nshe sar memu̱nar da.

1 Tasalonikeku 5:13

Tun khuɓ wor ndu̱ zhaaji maɗyi ndu̱ ndolar tu̱k ku̱me tlu̱nar nu̱ke a shiran kwang. Tun shi khar mu̱nkandi ndu̱ yen.

Yibraniyeku 12:14

Shi ma ɗyi nu̱ke tun ka ɗu̱maki ma ku̱ kha nu mu̱n ndu̱ aaki, tun kha shakhshakh, ku̱me nduk a nje nu̱ke ka naki Magham waare khar shakhshakhndi ɓa.