Afiseku 3:1 - Mewar Alqawarang

¹ Ku̱me nang, nga Bulus, nu̱ khiiki nga gha zhaaru̱m ku̱me Masiya Yesu ma ku̱ kha ndu̱ boota ye nu tun nu̱ke tun Yakhudeku ɓa.

Afiseku 3:1 Iomraidhean Croise

Luka 21:12

“Yang me ku̱ ɗyiku nang shi kap, ka ku̱sonu tu̱ vu̱r bonye ye nu, ka ɗu̱ ndu̱ zhaano ɓaanu gume maa tabarku, tu̱ khiiro nu gha mbu̱ zhaaru̱m. Tu̱ ɗu̱ ndu̱ tun gume kujiku ndu̱ nu kwaaɗarku, yang ka shi ɗyiku nang ye nu kap ku̱me nga.

Tlu̱nar ɓu̱ Pudeku 21:33

Tu̱ gorkir sojang a ɓa tu̱ ku̱s Bulus, tu̱ sa ku̱ gu̱n nda gha ndu̱ yakhli rap. Kom tu̱ zham za ɗa, ɗya kiya ndu̱ ɗyi nu̱ shiki.

Tlu̱nar ɓu̱ Pudeku 23:18

Tu̱ soje gwaanjang ɗu̱ nu̱ nyakhtlirang she gorkirang. Tu̱ soje gwaanjang ze gorkirang za, “Ye zhaaru̱m nu̱ka qaki nda za Bulusang qaki nga, tu̱ khuti nga za a ɓa nga ndu̱ nyakhtlir nang shoro ku̱me a ma zu̱ ɗyi nggur yoro.”

Tlu̱nar ɓu̱ Pudeku 26:29

Tu̱ Bulus zu̱ yenda za, “Aa mbu̱ sarchi koɗomma aa ka da sarchi, nga khuɗ ku̱ Magham sa to ɗyenda ɓa, yang kap ndu̱ nduki nu̱ke a gwa dlu̱mndi wor ya meeni nang, ku̱ kha wa nga waare yakhliku nang.”

Tlu̱nar ɓu̱ Pudeku 9:15

Tu̱ Zhinerem gwaanji ze nda za, “Ɗu! Nga dat khuski nang ku̱ shi tlu̱nar ya tu̱ wut dlu̱ma ye nduki nu̱ke ɗya Yakhudeku ɓa, ndu̱ kujiku ndu̱ nduki nu̱ Israila kap.

2 Korintiyeku 1:6

Aa nu̱ke chem a za bonye, ai, chem a zaran ma ku̱ kha ma ɗye du̱ngdi memu̱na ye nu tu̱ pa du̱mbu̱r ye nu mbe khar viti ɓaanu mbu̱ jiimba. Mbu̱ chem wa gwa du̱ngdi memu̱nari, tun wa gwa tu̱k ma ku̱ gwa nu̱ du̱mbu̱r gu̱ndi memu̱na nu̱ ɗyine bonye nu̱ke chem nu̱ ɗyinerem chem a zaran.

2 Korintiyeku 10:1

Nga Bulus ndu̱ ɗyina, nga kya khutonu, nga nu̱ ka qaki nga “Nu̱ ɓu̱tokh ɗyin” mbu̱ nga su̱yen ndu̱ tunu, yang tang ka kha “Njif shanggu̱ɗangndi” ye nu mbu̱ nga nje su̱yen ndu̱ tun ɓa. Ku̱me katar ɗyin ndu̱ khar nduk tu̱tu̱kndi ɓu̱ Masiya,

2 Korintiyeku 11:23

Mbu̱ wor nu̱ tlu̱narku ɓu̱ Masiya, nga duk wor mbe nang! (Nga ɓalar nang wa nga yirtan!) Ai, nga duk wor tlu̱nar maɗyi, nga gwa gu̱ndi sar khang, wa dlabti nga ku sar khang, sar khang nga me mu̱ti.

Galatiyeku 5:11

Nyeezaku, mbu̱ nga shikya waazu dlarsi ma ɓar meeni, nu̱m saki tu̱ nduki ki vu̱r bonye ya? Mbu̱ nga jiikya su̱ ku̱ aaki dla san nu̱gha, tu̱ga ɓalar mu̱ti ɓu̱ Masiya ɗyin qu̱far kaatli nu̱ke nga shiran nang ɓu̱ kha ma ɗye damta ɓa.

Galatiyeku 5:2

Gwa ma dlu̱mdonu ya mbari! Nga Bulus kya ɓalar nang ye nu, mbu̱ tun wa dla vaanu nu̱ ve dlarsi ma gwa dlu̱r she Magham, Masiya nu̱ kha ndu̱ boota ye nu shwat ɓa.

Galatiyeku 5:24

Nduki ɓu̱ Masiya Yesu wa katl ɗye shirku ɓu̱ me manva gha su̱yen ndu̱ ɗyi malkandiku zum zum nu̱ke manva a shimndan.

Afiseku 3:11

Ba wa nu̱ Magham daasaki ku̱ shi gumapaali, ma ku̱ tlu̱na nda mbe Masiya Yesu Zhinerem gwaanji.

Afiseku 3:13

Ku̱me nang nga khutonu, ku̱ me bu̱nonu datl ku̱me bonye nu̱ke nga zaran ku̱me tun ɓa. Ai, bonye nu̱ke nga zaran nang ka kha ndu̱ zhaaji ye nu.

Afiseku 3:8

Aa nu̱ke nga aa nu̱m mbe nduki ɓu̱ Magham ɓa, tu̱ yang vu̱rkya mu̱nkir nang ya, ma ku̱ ɗu̱ nga ndu̱ gu̱nar Labar mbarkandi ɓu̱ Masiya nu̱ zhaaji nu̱ka ku̱naki shigar nang ye nduki nu̱ke ɗya Yakhudeku ɓa.

Afiseku 4:1

Ku̱me nang, nga nu̱ke nga nje khiiran zhaaru̱m ku̱me mburi Zhinerem gwaanji, nga khutonu ku̱ shi nu pooni khar nu̱ shipaki zhaaji ɓu̱ qar nu̱ qaki nu.

Afiseku 6:20

Tlu̱nar nang wa sa tang kha ma yiti Magham, yang kap ndu̱ nang nga nje gu̱ndan! Shi ma barar ya ku̱me sarchi nu̱ke nga waazu tang shi sawa su̱ ɓa ba wa nu̱ shipaki shi nga.

Filipiyeku 1:7

Wa shi torop ku̱ kor nga nu aakochi, tun kap ɓaanu, nu̱ke nga sa nun ve memu̱nara. Ku̱me a nga khiiran zhaaru̱m, aa nga kanggakya Labar mbarkandang chem wa shakh mu̱nkir ɓu̱ Magham su̱yen.

Kolosiyeku 1:24

Nga kashar bonye nang zaki ku̱me tun leendang. Ku̱me nu̱ ku̱nshe bonye nang zaki mbu̱ man var nang, nga shikya shaataran ma nyel me bonye nu̱ Masiya njigki waare lauɗa. Me ɓu̱ man varan chin ke tabar ɓu̱ nu̱ mbu Yesu.

Kolosiyeku 4:18

Nga Bulus nga kya bu̱la qaandi nang ye nu ndu̱ khara. Ku̱ mona nu nu̱ ɗyine nga nje khiiran zhaaru̱m ɓa. Ku̱ mu̱nkir ɓu̱ Magham kha gha su̱yen ndu̱ tunu.

Kolosiyeku 4:3

Shi ma barar yerem tu̱k, ma ku̱ Magham qu̱n njiv nu̱ke chem ka wopaki ɓalar ɓaran, chem wut ɗyi tukakandi ɓu̱ Magham nang ye nduki, chin ke, labar ɓu̱ Masiya. Ɗyi tukakandi nang saki nga nje khiiran zhaaru̱m.

2 Timoti 1:16

Ku̱ Magham na zhiyaye ɓu̱ rafti ɓu̱ Onesiforus, ku̱me wa ka pa du̱mbu̱r ya, nu̱ ka tu̱k kawa ku̱me wa khiiri nga gha zhaaru̱m ɓa.

2 Timoti 1:8

Ku̱me nang, tu̱k na kawar saida Zhinerem gwaanji ɓa, yang tu̱k na kawar ɓang ku̱me wa khiiri nga gha ku̱me chin ɓa. Gonta ma ɗyinonu ndu̱ nga mbe bonye nu̱ke chem a zaran ku̱me Labar mbarkandi nu̱ zalale ɓu̱ Magham nang.

Filimon 1:1

Lagarkati nang a vi she rem, nga Bulus nu̱ke a nje khiiran zhaaru̱m ku̱me tlu̱nar ɓu̱ Masiya Yesu ndu̱ mu̱dlerem Timoti. Ma yir she Rapterem Filimon nu̱ke chem a shim nda maɗyi, yang ɗya mu̱dlerem mbu̱ tlu̱nar nu̱ke chem a shiran.

Filimon 1:23

Apafaras nu̱ke a zhaaru̱m su̱yen ndu̱ nga ku̱me Masiya Yesu a zoɓa qaandi ye nu.

Filimon 1:9

Yang ku̱me ndola, nga khutoro, nga Bulus, nu̱ke nga geema yang leendang nga khiiran zhaaru̱m ku̱me Masiya Yesu.

Ɗyin mbu̱ tukari 2:10

Tu̱k na sawar bonye nu̱ke to ka ɓa zaki ɓa. Jiwa, nga zu̱ran yoro Nu̱ Mu̱nar nang ka mbuk ɓeeni nduki chele ɓaanu nu̱ mbu̱ zhaaru̱m ma buuro nu, yang to ka za bonye nang me qaandi gwang. Yang ku̱ fet na memu̱na ɓar mbe maito ɓaa ɓa aa to ka khu̱l ye mu̱ti, ku̱me ngga vu̱r ɗye zhar nu̱ nyifiri yoro.