Afiseku 2:3 - Mewar Alqawarang

³ Chem kap wa wora ɗau fara, chem a mbu shimndiku ɓu̱ man vaarem, chem a shikya ɗyi nu̱ man vaarem ndu̱ memu̱narem zu̱ki yerem ɗyenda. Ku̱me ɗye shir ɓaarem ɗya ɓu̱ man va, tu̱ga shokhnar ɓu̱ Magham a ɓa ɗyinerem ba wa nu̱ke a nje ɗyine wora.

Afiseku 2:3 Iomraidhean Croise

Markus 4:19

Tu̱ damtar mbu̱ Larji ndu̱ shimndi gu̱na kom ndu̱ melakh ɗyiku zum zum ta ɓa tu̱ nggu̱tl ɓalarang ndu̱ gwaari nu̱ke nu̱ shi boota ɓa.

Yokhana 1:13

Nu̱ kha ma qusonggi ɓu̱ Magham ve njiv gwar qusonggi ɓu̱ nduk ɓa, yang nu̱ ku̱nshe gontar ɓu̱ nusu ndu̱ khusku ɓa, yang shimndi ɓu̱ nduk ɓa. Ɗya shir ɓu̱ Magham.

Yokhana 8:44

Tun ɓu̱ zhinonu Sheɗan, yang tun a shim shir ɗyi nu̱ke a shiran tu̱k. Ɗya nu̱ tlaghar mu̱ɗi gumapaali yang nu̱ damta ndu̱ zhire ɓa, ku̱me zhire nje mbe nda ɓa. Mbu̱ wa kota wollo aakochi a shikya me ghai ɓaran, ku̱me ɗya nu̱ kotama, zhinkir ɓu̱ wollo.

Tlu̱nar ɓu̱ Pudeku 14:16

Zhu wa njig nduki tu̱ shi ɗyi nu̱ke a shimndan ku,

Romeku 1:24

Ku̱me nang tu̱ Magham yaɓ wor gha tu̱ ki shim ɗyi malkandi ku zum zum mbu̱ memu̱na wora, tu̱ ka shi boote ndu̱ var wor a shi ɗye kawar ku ndu̱ yen.

Romeku 11:30

Ba wa nu̱ke tun nu̱ke ɗya Yakhudeku ɓa, tun wa zhang mbu su̱qura Magham gha, yang leendang wa ɗaana nu ku̱me zhangndi mburi su̱qur ɓaanda.

Romeku 13:14

Me ɓu̱ nang tun da ɗye shir mbarkandi ɓu̱ Zhinerem gwaanji Yesu Masiya, ku̱ mbu nu su̱ ɗye shir ɓu̱ manva ma ku̱ sa nu ma mbu shimndi ɓaran ɓa.

Romeku 2:14

Nduki nu̱ke ɗya Yakhudeku ɓa, Bibit kha wor ɓa. Yang kap ndu̱ nang wa ka shi ɗyi nu̱ Bibitang zu̱ki fu̱ɗa ngguri, ba wa nu̱ memu̱na wor daki ye wora. Nang wa wut nu̱ ɗyine nduki nu̱ke Bibit kha wor ɓa wa kha ma bibiti ɓu̱ vaanda.

Romeku 5:10

Nang ɗo, mbu̱ ye sarchi nu̱ke chem a kare ndu̱ Magham, chem gwaki somtar ndu̱ chin nu̱ ku̱nshe mu̱ti ɓu̱ Yi ɓaran. Leendang nu̱ gaɓki ndu̱ chem ma raptan ɗa, ai ka ɗana rem nu̱ ku̱nshe khar viti ɓu̱ Yi ɓaranang.

Romeku 5:9

Nu̱ke chem wa kha waare sola gume Magham nu̱ ku̱nshe mbu̱ti tom ɓu̱ Masiya, leendang, ka lawa rem ɓar mbe shokhnar ɓu̱ Magham nu̱ ku̱nshe Masiya.

Romeku 6:12

Ku̱me nang njig nu ku̱ sola shi kwaaɗar mbu̱ vaanu nu̱ka mu̱tki nang, tu̱ sa nu ma tlu̱na shimndi ɓaran maatlindi nu̱ me ɓu̱ ndukwang ɓa.

Romeku 7:18

Nga zu̱ni, ye khar ɓang nduku, ɗyi mbarkandi a nje kharan mbya ɓa. Jiwa nga shim shi ɗyi mbarkandi, yang shir ɗyen wa ku̱na nga.

Romeku 9:22

Nu̱m ka shikya mbu̱ ke Magham, mbe zalale ɓaran, datkya ku̱ wut nji shokhnar ɓaran, daasa ma su̱ya nji ɗyi nyin shimki suyaran nu̱gha? Yang mbu̱ ke wa daasa ma ku̱ shi nji kanaɗyi ndu̱ ɗyiku nu̱ saki nda ma shokhnarang ɗa?

1 Korintiyeku 4:7

Ki zu̱ki yor za ta duk mu̱dlwang na? Nu̱m kya kha nu̱ke Magham vu̱rki yoro vu̱r vu̱r ɓa? Yang mbu̱ wanang nu̱m saki ta me wakhti wa no za to gwa bam ɓa?

2 Korintiyeku 7:1

Nu̱ke wa shi alqawar ɗyiku nang yerem kap, nyeezaku, ku̱ shakh mi ɗyinerem ndu̱ ɗyiku nu̱ke ka saki tu̱ man vaarem ndu̱ memu̱na rem kha zopan. Bu ku̱ khar viti ɓaarem kha shakhshakh nyeedlan nu̱ sawar Magham.

Galatiyeku 3:22

Yang bu̱lar Ɓalar ɓu̱ Maghamang zu̱ za larji kap a khar maavi ɓu̱ sola. Shi wanang ku̱me ku̱ vu̱r alqawar nu̱ shiki nu̱ ku̱nshe maitar Yesu Masiya ye nduki nu̱ maitaki.

Afiseku 2:2

Nang ke sarchi nu̱ke tun mbu ki njiv malkandiku nu̱ larji nang, tun a mbu kuji ɓu̱ nu̱ zalaleku nu̱ mu̱na viɗi, nang ke khu̱kheetiku malkandi nu̱ka sokhki nduki ku̱ zhang mbu zu̱r ɓu̱ Magham gha.

Afiseku 4:22

Ai, ɗyi nu̱ shogaki viɗ ɗyine khar viti ɓaanu nu̱ zhu chin ke, ku̱ shakh nu ndu̱ ɗye shir malkandi nu̱ke tun shiki gana fara. Pooni ɗye shir nu̱ khaki su̱bu̱rtan ku̱me ɗye lambarku nu̱ke a shimndan;

Kolosiyeku 1:21

Zhu tang tun ɓakh ndu̱ Magham, tun a kare ndu̱ chin mbu̱ memu̱na nu ku̱me ɗye shir malkandi nu̱ke tun a san ndu̱ kwariku ɓaanu.

1 Tasalonikeku 4:13

Yang nyeezaku, nang shim ku̱ kha nu waare zu̱ndi ɗyine nduki nu̱ zhiki ɗyenir ɓa, ku̱ memu̱na nu su̱bu̱r ku̱me wa mu̱t ku ɓa wa nduki nu̱ke ɗye sar memu̱na nje kha wor ɓa nda ɓa.

1 Tasalonikeku 5:6

Ku̱me nang shi mi ɗyenir wa nu̱ke ɓeenanku a san ɓa, yang ku̱ shi mi khar ɓaarem daasaran mbe khar ku̱si ɗyin.

1 Timoti 6:9

Nduki nu̱ke a shim ku̱ kha nda ma nu̱ gu̱na wa ka nggu̱ɗ nu̱ mbu̱ buuriku. Tu̱ zhan mbu̱ shaanggir shimndi ɗyi malkandiku zum zum, ndu̱ shimndi ɗyiku bam bam nu̱ke nu̱ shipa ɓa nu̱ka saki nduki tu̱ su̱bu̱ri tu̱ khu̱l ye mu̱ti.

Titus 3:3

Jiwa ɗau far chem nggu̱bu̱ngan, nu̱ zhangndi tu̱kti maa ku, chem sagharan. Chem maavi ɓu̱ shimndi ɗyiku zum zum ndu̱ melakh ɗyiku zum zum, chem kharan mbe mu̱na ndu̱ zhiri, nduki a zhangnderem chem a zhang yen.

1 Biturus 1:14

Ye leendang nu̱ke tun wa kha ma qusonggi mbarkandi, ku̱ njig nu ɗyi nun ka kashaki shiran ɗau fara tu̱ da khangkal ɓaanu ɓar ɓa. Sarchi nun ka shiki ɗyiku nang ɗau fara ai tun a shiranang ku̱me song zu̱ni.

2 Bitu̱rus 2:14

Aakochi a korkya laɓti nusu, nu̱ka nggum ku ndu̱ shir sola ɓa. A lamba nduki nu̱ke du̱mbu̱ran ku mbu̱ maito ɓaanda ɓa. Wa kha ku wang mbe melakh ɓaanda. Magham ka kuma pooni nduki nang shwat.

2 Bitu̱rus 2:18

Nduki nang wa ka shi ɓalar bamndiku nu̱ gwaari ɗyin a boote nu̱ shimndi ɓu̱ man va, tu̱ ka dut nduki nu̱ke nu̱ shoɓ ndu̱ lawar chele nduki galkandi nang ɓa.

1 Yokhana 2:16

Jiwa kap ɗyiku nu̱ke a larji, shir ɗyi nu̱ke man vaarem a shimndan, ndu̱ ɗyi nu̱ke yiterem naki tu̱ melakh ɗyen, ndu̱ wakhti ndu̱ ɗyi nyem gwaki. Ɗyiku nang nu̱ ɗa vi she Magham ɓa, a vi she larji.

1 Yokhana 2:8

Yang kap ndu̱ nang nga bu̱lakyang bibiti mewakandi ye nu. Nduk ka na zhire nang nu̱ mbe nda ndu̱ tunu, ku̱me zhum maari a peetari, yarang zhirekandi wa nggaasi wuti.