Afiseku 1:3 - Mewar Alqawarang

³ Barke wa kha Magham shwat, chin Zhinkir ɓu̱ Zhinerem gwaanji Yesu Masiya! Magham nu̱ vu̱rki barke yerem mbu̱ kwaaɗar ɓaran nu̱ mbu̱ viɗi nu̱ ku̱nshe Masiya, tu̱ vu̱r aa nyi barke nu̱ mbu̱ Jiimba yerem tu̱k.

Afiseku 1:3 Iomraidhean Croise

Luka 2:28

Tu̱ Simiyon dlu̱ woyang, tu̱ gor dlu̱m Magham a zu̱ran za,

Yokhana 14:20

Ye fu̱ɗar nandang tun ka zu̱nki za nga mbe Zhinkir ɓanga, tun yang tun a mbya, ngaa mbe nu.

Yokhana 17:21

Ai Da, nga khuti nang ma ku̱ kha da ku. Ba wa nu̱ke ta mbya, nga mbe ro, nga khutan ku̱ khan mbeerem ku tu̱k. Kom nduki nu̱ larji ka maita ku za ta ru̱kki nga.

Yokhana 20:17

Tu̱ Yesu ze nda za, “Khuɓ na nga ɓa, ku̱me nang dlan she Zhinkirang ɓa dong. Yang ɗu̱ she nyeezaku to ɗa ze wor no za, nga gaɓti nu̱ she Zhinkir ɓanga ndu̱ Zhinkir ɓaanu, Maghamndi ɓanga ndu̱ Maghamndi ɓaanu tu̱k.”

Romeku 12:5

Wanang tu̱k, aa nu̱ke chem khan, chem a khar man var da mbe Masiya, aa nyi nduk da ɗya me bar ɓu̱ yen.

Romeku 15:6

Nu̱ ku̱nshe nang kap ɓaanu tun ka kha memu̱nanu da ndu̱ me nu da tu̱k, tun a vu̱r gorkir ye Magham nu̱ke chin ke Zhin Zhinerem gwaanji Yesu Masiya.

1 Korintiyeku 1:30

Magham saki ku̱ khanu nu̱ mbe Masiya Yesu, chin saki tu̱ Masiya kha chin ke kaɗari ɓaarem. Chem gwa dlu̱r she Magham, chem kha ma nduki ɓaran wakakandi chem lawa me khar maavi ɓu̱ sola nu̱ ku̱nshe nda.

1 Korintiyeku 12:12

Ba wa nu̱ke man var nduk kaada, yang me barku a nje khang, aa nu̱ke me barkwang khang, yang ɗya man var da. Masiya ba wanang tu̱k.

2 Korintiyeku 1:3

Ku̱ zhaaji kha Magham Zhinki, chin nu̱ke ɗya Zhin Zhinerem gwaanji Yesu Masiya, Zhinkir nu̱ka tu̱kki zhiyaye maɗyi, chin Maghamndi nu̱ka du̱ngki memu̱narem!

2 Korintiyeku 11:31

Magham nu̱ke chin ke Zhin Zhinerem gwaanji Masiya Yesu. Nu̱ke barke a ve dlu̱man koɗokhsi ɓa! Wa zu̱n nga shikya wollo ɓa.

2 Korintiyeku 5:17

Jiwa mbu̱ nduk a mbe Masiya, ɗya mewar nduku, geema ɗyiku wa peeta, leendang aa nu̱m wa kha mewaran.

2 Korintiyeku 5:21

Masiya nu̱ shi sola sar da ɓa, yang tu̱ Magham gaɓ ndu̱ chin ma sadke sola ku̱me chemi. Nang ke ɗyi nu̱ saki chem kha ma nu̱ jeembu she Magham mbe Masiya.

Galatiyeku 3:9

Wanang tu̱k aaki maitaki Magham wa shi barke yenda, su̱yen ndu̱ Yibram nu̱ maito.

Afiseku 1:10

Ku̱rti ɓaran chin ke, mbu̱ sarchi wa nyedli, chin ka taba aa nu̱m ɗyi nu̱ke a viɗi kap ndu̱ ɗyiku nu̱ vu̱ghai tu̱ khan mbu̱ bu̱n zalale ɓu̱ Masiya.

Afiseku 1:17

Nga barar ma ku̱ Maghamndi ɓu̱ Zhinerem gwaanji Yesu Masiya, Zhinkir nu̱ zhaaji, ku̱ vu̱r Jiimbi ɓaran nu̱ka vu̱rki kaɗari ndu̱ wuti su̱ tunu ye nu, ma ku̱ gwa nu shaatar mbe zu̱ndi Magham.

Afiseku 1:20

nu̱ shiki tlu̱nar mbe Masiya sarchi nu̱ Magham jiiki ndu̱ chin ɓar mbe mu̱ti, tu̱ vu̱r maa khar yenda nu̱ zhaaji ɗyin bu̱nan nu̱ zu̱ma viɗi.

Afiseku 2:6

Wa ji ndu̱ chem su̱yen ndu̱ Masiya, chem gwa maa khar mbu̱ viɗi, nu̱ ku̱nshe Masiya Yesu.

Afiseku 3:10

Ɗya shimndi ɓaran leendang, ku̱ tabar ɓu̱ nu̱ mbu Yesu wut kaɗari ɓu̱ Magham zum zum ye nu̱ kwaaɗarku ndu̱ nu̱ zalaleku nu̱ke a mu̱na viɗi.

Afiseku 6:12

Ai, dakhlar ɓaaremang chem a shiran ndu̱ nduk wa chem ɓa. Chem a shiran ndu̱ khu̱kheetiku nu̱ mu̱narku nu̱ke a mu̱na viɗi. Kom ndu̱ nu̱ kwaaɗarku, ndu̱ nu̱ zalaleku, ndu̱ wor nu̱ke kwaaɗar qaandi virkir zhumndi nang a kha wora.

Filipiyeku 2:11

Aa nyi ghin ka saida za Yesu Masiya ɗya Zhinerem gwaanji, ma vu̱r zhaaji ye Magham Zhinki.

Yibraniyeku 8:5

Yang kuruku nang ka shi tlu̱nar ɓaanda mbu̱ Kib shakhshakhndi nu̱ke chin ke shipar jiimbi nu̱ke a viɗi. Ku̱me sarchi nu̱ke Musa a ma za shekhɗekh nu̱ke Magham ka khaki mban nang, wa wu nda za, “To shi aa nu̱m tu̱ kha ba wa shipar nu̱ wutki yor ɗyin dlengang.”

Yibraniyeku 9:23

Wa ku̱s ku̱ me ghayan kha wanang ma ku̱ ɗyiku nu̱ larji nang nu̱ke a wut jiimbi ɗyin viɗi kha shakhshakh. Yang ɗyiku nu̱ viɗi nu̱ vaanda a shimkya sadke nu̱ dukki nu̱ gumang mbaari.

1 Biturus 1:3

Barke wa kha Magham, Zhin Zhinerem gwaanji Yesu Masiya! Chin tu̱kki zhiyaye ɓaarem maɗyi, tu̱ vu̱r mewar nyifi yerem ndu̱ sar memu̱nar nu̱ nyifiri nu̱ ku̱nshe jiiri ɓu̱ Yesu Masiya ɓar mbe mu̱ti.