Afiseku 1:1 - Mewar Alqawarang

¹ Nga Bulus pude ɓu̱ Masiya Yesu mbe shimndi ɓu̱ Magham kya bu̱la lagarkati nang, ma yir she nduki ɓu̱ Magham nu̱ke a mbu̱ ghai Afisa, nu̱ shir zhire ku mbe mbu Masiya Yesu.

Afiseku 1:1 Iomraidhean Croise

Luka 16:10

“Njif nu̱ shiki zhire mbe ɗyi koɗommandi, ka ɗu̱ma shi zhire mbe ɗyi khangndi tu̱k. Yang mbu̱ nduk nu̱ ɗu̱ma shi zhire mbe ɗyi koɗomndi ɓa, ɓu̱ ɗu̱ma shi zhire mbe ɗyi khangndi ɓa.

Tlu̱nar ɓu̱ Pudeku 16:15

Nu̱ shiki baptisme yenda ndu̱ nduki nu̱ mbu̱ rafti ɓaran, tu̱ khuɗ wor za, “Mbu̱ tun wa maita nu̱ ɗyine nga maita Zhinkir gwaanji, a ɓa ma tun zhur nu̱ kaa ɓanga.” Tu̱ padla remi chem tlogha yenda.

Tlu̱nar ɓu̱ Pudeku 18:19

Nu̱ khu̱lki ku Afisa tu̱ Bulus njig Bu̱rsikila ndu̱ Akila nu̱ nje, tu̱ yang vi nu̱ mbu̱ kib tabarang tu̱ shi keele ku ndu̱ Yakhudekwang.

Tlu̱nar ɓu̱ Pudeku 18:21

Nu̱ kya ma njig wor tu̱ zu̱ za, “Ngga ɗa gaɓ nu̱ she nu mbu̱ Magham wa tlogha yerem.” Kom tu̱ vi nu̱ mbu̱ du̱mbu̱lang tu̱ njig Afisa.

Tlu̱nar ɓu̱ Pudeku 9:13

Tu̱ yang Khananiya tlogha za, “Zhinkir gwaanji, nga tu̱k labar ɓu̱ khuski nang she nduki khang ndu̱ pooni mu̱nar nu̱ shiki ye nu̱ mburoku Urshalima.

Romeku 1:1

Lagarkati nang a vi she Bulus, maavi ɓu̱ Masiya Yesu, nu̱ qaki nda ma ku̱ kha ma pude ɓu̱ Yesu, tu̱ waka nda nu̱ gha ma ku̱ wopa Labar mbarkandi ɓu̱ Magham.

Romeku 1:7

Nga bu̱laran ye nu kap ɓaanu nu̱ke tun a Roma, tun nu̱ke Magham a ndolaran, tu̱ qa nu ma ku̱ kha nu ma khalandi ɓaran. Ku̱ mu̱nkir ndu̱ qaandi memu̱nar she Magham Zhinerem ndu̱ Zhinerem gwaanji Yesu Masiya kha gha su̱yen ndu̱ tunu.

Romeku 8:1

Ku̱me nang, ɓu̱ kuma mu̱ti ye nduki nu̱ke a mbe Masiya Yesu ɓa.

1 Korintiyeku 4:12

Chem a bonye tlu̱nar ndu̱ khaarem. Mbu̱ nduk wa mi barke ɓaarem chem sa barke ye nu̱ zhin men, mbu̱ wa vu̱r bonye yerem chem gu̱n memu̱narem.

1 Korintiyeku 4:17

Yang nga ru̱k Timoti woi nu̱ke nga ndola nda nu̱ she nu ku̱men, ɗya nu̱ shir zhire mbe Zhinerem gwaanji. Ka kor ɗyi nu̱ke nga shiran ye nu mbe mbu Masiya Yesu nu̱ke nga shiran, ba wa nang ka shogaki ɓar ye tabar ɓu̱ nu̱ mbu Yesu ku aa fu̱n.

2 Korintiyeku 1:1

Lagarkati nang, a vi she Bulus pude ɓu̱ Masiya Yesu mbu̱ barke ɓu̱ Magham, ndu̱ mu̱dlerem Timoti. Ma yir she tabar ɓu̱ nu̱ mbu Magham nu̱ke a Koranti, kom ndu̱ daatiku ɓu̱ Magham nu̱ke a mbu̱ maa Akaya kap.

Galatiyeku 1:1

Lagarkati nang a vi sha, nga Bulus pude ɓu̱ Yesu. Khar ɓang ma pude nang ɗya nduk datki nga ɓa yang shir ɓu̱ nduk zum ɓa. Daatang a vi she Yesu Masiya ndu̱ Magham Zhinki nu̱ jiiki ndu̱ Yesu ɓar mbe mu̱ti.

Galatiyeku 3:26

Tun kha ma qusonggi ɓu̱ Magham kap ɓaanu nu̱ ku̱nshe maitar Masiya Yesu.

Galatiyeku 3:28

Ku̱me nang, nduk ɓu̱ shakh chele ɓu̱ Yakhudeku ndu̱ Khelene ku ɓa, woi ndu̱ maava ɓa, yang nusu ndu̱ khusku tu̱k zum ɓa. Kap ɓaarem chem ɗyi dandi mbu̱ khar ɓaarem mbe Masiya Yesu.

Galatiyeku 3:9

Wanang tu̱k aaki maitaki Magham wa shi barke yenda, su̱yen ndu̱ Yibram nu̱ maito.

Afiseku 1:15

Ba ye sarchi nang tu̱kki maito ɓaanu mbe Zhinerem gwaanji Yesu, ndu̱ ndolar nu̱ke tun a san ye nduki ɓu̱ Magham kap,

Afiseku 2:10

Ai, chem ndu̱ ɗyinerem chem tlu̱nar ɓu̱ Magham, du̱ngnderem mbe Masiya Yesu, ma ku̱ shi mi tlu̱narku mbarkandi nu̱ Magham woɗaki daasaran yerem ma ku̱ shi mi gumapaali.

Afiseku 2:13

Yang leendang tun a mbe Masiya Yesu, tun nu̱ke a ɓakh mbu̱r fara, a ɓa ndu̱ tun bing nu̱ ku̱nshe tom ɓu̱ Masiya.

Afiseku 2:6

Wa ji ndu̱ chem su̱yen ndu̱ Masiya, chem gwa maa khar mbu̱ viɗi, nu̱ ku̱nshe Masiya Yesu.

Afiseku 6:21

Tikikus, mu̱dlerem nu̱ke chem a ndolaran, nu̱ shir zhire mbu̱ tlu̱nar ɓu̱ Zhinkir gwaanji, ka zu̱ aa nu̱m ye nu ma ku̱ zu̱n nu ɗyi nu̱ke nga mban ndu̱ ɗyi nu̱ke nga san.

Kolosiyeku 1:2

Ma yir she nduki ɓu̱ Magham shakhshakhndi nu̱ shir zhire ku mbe Yesu Masiya nu̱ke a nje kharan mbu̱ ghai Kolosi. Ku̱ mu̱nkir ndu̱ qaandi memu̱nar ɓu̱ Magham Zhinerem kha gha su̱yen ndu̱ tunu.

Ɗyin mbu̱ tukari 17:14

Ka shi dakhlar ndu̱ Ye gamndang ku. Yang Ye gamndang ka zu̱m loobo ɗyine wora. Ku̱me chin ke zhinkir gwaanji ɓu̱ zhinkirku ndu̱ kuji ɓu̱ kujiku, yang su̱yen nu̱ chin ka kha ɗya nduki nu̱ qaki, nduki datkandi ndu̱ nu̱ mbu nda ku nu̱ zhire.”

Ɗyin mbu̱ tukari 2:10

Tu̱k na sawar bonye nu̱ke to ka ɓa zaki ɓa. Jiwa, nga zu̱ran yoro Nu̱ Mu̱nar nang ka mbuk ɓeeni nduki chele ɓaanu nu̱ mbu̱ zhaaru̱m ma buuro nu, yang to ka za bonye nang me qaandi gwang. Yang ku̱ fet na memu̱na ɓar mbe maito ɓaa ɓa aa to ka khu̱l ye mu̱ti, ku̱me ngga vu̱r ɗye zhar nu̱ nyifiri yoro.

Ɗyin mbu̱ tukari 2:13

Nga zu̱n to kharan ye maa nu̱ke Sheɗan a kwaaɗar ɓaran. Yang kap ndu̱ nang ta ching gha ɗyin dlu̱ma nu̱ zhire, sar da no gaɓ nu̱ gana mbe maitar nga ɓa. Aa mbu̱ qaandi virkir ɓu̱ Antipas, nu̱ saidaki nga nu̱ zhire. Chin nu̱ tlaghaki nda ku mbu̱ ghai ɓaanu maa khar ɓu̱ Sheɗan.