3 Yokhana 1:6 - Mewar Alqawarang

⁶ Nduki nang a zu̱ran ku ye tabar ɓu̱ nu̱ mbu Yesu ku nu̱ke a fan ɗyine pooni ndolar nu̱ke to wutki ye wora. Zu̱m guma ndu̱ shaatar pooni nduki nang mbu̱ yir nu̱ke a shiran ku, ba wa nu̱ shipaki tlu̱nar ɓu̱ Magham.

3 Yokhana 1:6 Iomraidhean Croise

Tlu̱nar ɓu̱ Pudeku 15:29

Tun shakh ɗyinonu ndu̱ ɗyiku nu̱ vu̱rki ye mu̱lu̱mku, ndu̱ tom, ndu̱ nji dlu nu̱ ghengki quran ghengi, ndu̱ zawari. Mbu̱ tun wa shakh ɗyinonu ndu̱ ɗyikunang, tun wa shi ɗyi mbarkandi. Mas mi laya.

Tlu̱nar ɓu̱ Pudeku 15:3

Nu̱ tabar ɓu̱ nu̱ mbu Yesu kwang ru̱kki wor tu̱ ɗu̱ ku ta mbu mbu̱ dlar ghai Fonishiya ndu̱ Samariya a zu̱ labar ɓu̱ nduki nu̱ke ɗya Yakhudeku ɓa yang wa maita Yesu ku. Tu̱ labar nang sa tabar ɓu̱ nu̱ mbu Yesu ku kap kasha maɗyi.

Tlu̱nar ɓu̱ Pudeku 21:5

Yang nu̱ sarchi yir ɓaarem shiki chem ji chem zu̱m guma ndu̱ yir ɓaarem. Tu̱ nu̱ mbu Yesu ku du̱ngnderem ma yir qu̱rse ghayang su̱yen ndu̱ nusuku ɓaanda ndu̱ qusonggi ɓaanda. Kom chem kurum gha me ɗyimang chem shi barari.

Romeku 15:24

nga daasa ngga gal gha ma na nu mbu̱ nga ma peetar ma yir Su̱pen. Nga sa memu̱nara ngga gal gha tang na nu, ngga shim tun shaata nga mbu̱ yirang gaanje nga kha gha su̱yen ndu̱ tunu me sarchi koɗomma.

2 Korintiyeku 1:16

Nga daasa ma yir she nu ve njiv ɓang ma yir Makidoniya, ngga ɓa ɗa dla nu̱ ɗyinonu tu̱k mbu̱ nga gaɓti, ma ku̱ gwa nga shaata she nu ma yir dlar ghai Yakhudiya.

Filipiyeku 4:14

Yang kap ndu̱ nang tun wa shi torop nun shaataki nga mbu̱ bonye ɓanga.

Kolosiyeku 1:10

Tun ka ɗu̱ma tun shi khar viti ɓaanu wa nu̱ke Zhinerem gwaanji a shimndan, tun a zu̱m guma ndu̱ shir ɗyiku nu̱ke a shimndan ve aa nyi njiva. Khar viti ɓaanu ka wut ɗye shir mbarkandiku, tun a shaata zu̱ndi Magham.

1 Tasalonikeku 2:12

Chem wa dut dlu̱mdonu, chem pa du̱mbu̱r ye nu, chem khutonu ku̱ shi nu khar nu̱ shipaki nu̱ke Magham a shimndan, chin nu̱ qaki nun mbu̱ kwaaɗar ɓaran ndu̱ zhaaji ɓaran.

Titus 3:13

Shu ɗyi nu̱ke to ka ɗu̱maki tu̱k to shaata Zenas chin lauye nang, ndu̱ Apolos mbe yir ɓaandang. To shi ɗyi nu̱ke to ka shiki ma ku̱ mbu̱ɗ ɗyi nggur ku ma yir nang ɓa.

1 Biturus 2:20

Mbu̱ yang wa shi kurpi ye nu ku̱me zop nun shiki, a tun wa gu̱n memu̱na nu tun ɓu̱ gwa ɗyi nggur ku̱men ɓa. Yang mbu̱ tun wa shi tlu̱nar mbarkandi, tun za bonye ku̱men, yang tun gu̱n memu̱na nu tu̱k, ɗyi nun shikyang ka kha dlu̱ran she Magham.

3 Yokhana 1:12

Aaki wa zu̱ saidu mbarkandi ɗyine Dimitiriyus, zhire ndu̱ ɗyinan wa saida nda. Aa chem ma chem wa saida nda, yang ta zu̱n nu̱ ɗyine saidu ɓaaremang ɗya zhire.