3 Yokhana 1:5 - Mewar Alqawarang

⁵ To rapta nu̱ke nga ndolaran, ta ka shi zhire mbe ɗyi nu̱ke ta shiran ye nyeezerem kap aa nu̱ke rungginiku shoro.

3 Yokhana 1:5 Iomraidhean Croise

Matta 24:45

“Ki ke maavi nu̱ shir zhire, ndu̱ kaɗari, nu̱ke nu̱ rafti ɓaran njigki maaviku ɓaran nu̱ mbu̱ bu̱nan ku̱ ki vu̱r ɗye zu̱mndi ye wor ɗyin sarcha?

Matta 25:16

Tu̱ njif nu̱ dlu̱ki kulup mu̱zhindi qurmun ndang ɗu̱ fan ndu̱ fan tu̱ ɗa shi gomar si tu̱ gwa kulup qurmun nu̱ ɗyine mu̱zhindi nu̱ vu̱rki yendang.

Luka 12:42

Tu̱ Zhinerem gwaanji tlogha za, “Nga ɓalarang ku̱me nu̱ shir zhire, nu̱ kaɗari tu̱k nu̱ke nu̱ rafti ɓaran du̱ngki nda za ku̱ kosa rafti ɓaran yenda tu̱ ku̱s vu̱r ɗye zu̱mndi ye pudeku ɓaran aa nyi sarchi.

Tlu̱nar ɓu̱ Pudeku 1:15

Mbu̱ qaandiku naandang tu̱ Biturus ji tu̱ chin gha chele nu̱ mbu Yesu ku (nu̱ke khang ɓaanda wa khu̱l won ndu̱ ɗyirap).

Romeku 12:13

Tun ki shakh ɗyin me kha nu ndu̱ nduki ɓu̱ Magham nu̱ke a mbe song. Tun ki dlu̱ runggiku ndu̱ kashari.

Galatiyeku 6:10

Ku̱me nang, kap sarchi nyem gwaki zalale ni, chem shi mbarkir ye aaki, nu̱ shi wa ye mu̱dlerem ku nu̱ mbu Yesu ɓa.

Kolosiyeku 3:17

Mbu̱ ɗyi nu̱ke tun a shiran kap, aa mbe ɓala aa tlu̱na, tun shir nda mbu̱ dlu̱m Zhinerem gwaanji Yesu, tun a kuna Magham Zhinki nu̱ ku̱nshe nda.

Yibraniyeku 13:2

Mona nu shir mu̱nki ye runggiku ɓa, ku̱me shir wanang saki tu̱ ɓeena nduki gaɗa nu̱ ru̱ktiku ɓu̱ Magham, nu̱ zu̱n ku ɓa.

3 Yokhana 1:10

Mbu̱ nga ɓa, ngga qu̱n laalar ɓaran, ma ku̱ aaki zu̱n ɓalar nu̱ke a shiran ɗyine rem, a maatli ɓalar ɗyine rem. Ɗyi nu̱ dukki maatli chin ke, wa zhang dlu̱ nu̱ mbu Yesu ku nu̱ ɗu̱ki ku ma ku̱ khan she nda, tu̱ yang nggu̱tl nu̱ mbu Yesu ku nu̱ke a shim shaata wora, tu̱ komba wor ɓar chele tabar ɓu̱ nu̱ mbu Yesu ku.

3 Yokhana 1:3

Nga kasha maɗyi sarchi nu̱ ɓeeni nyeezerem a ɓa ki tu̱ zu̱ zhire ɓu̱ khar viti ɓaaro mbe zhire, ndu̱ mburi zhire nu̱ke ta san.