2 Yokhana 1:1 - Mewar Alqawarang

¹ Lagarkati nang a vi she ku̱maandang ma yir she nokhzi nu̱ Magham datki ndu̱ qusonggi ɓaran, nu̱ke nga ndolaran mbe zhire. Yang nga kya ndola wor ɗyenda ɓa, kap nduki nu̱ zu̱nki zhire ɓu̱ Magham a ndola wora.

2 Yokhana 1:1 Iomraidhean Croise

Luka 1:3

Wa shi mbari nga ndu̱ vara njel nga su̱ ɗyiku nang yor kap ku̱me ngaa laɓ mban nu̱gha mbari vu̱ nggarsan, su̱ ghayi, Tiyofilus.

Yokhana 8:32

Kom tun ka zu̱n zhire, zhiryang ka dli ɗyinonu.”

Tlu̱nar ɓu̱ Pudeku 11:30

Tu̱ yang shi wanang ku, tu̱ ru̱k ndu̱ shaatarang ye nduk kudaandi nu̱ Urshalima mbu̱ khar Barnaba ndu̱ Shawulu.

Romeku 16:13

Tun shi qaandi ye Rufus datkandi mbe tlu̱nar ɓu̱ Zhinerem gwaanji, ndu̱ man nu̱ke wa kha ma mankir ɓang tu̱k.

Galatiyeku 2:14

Nang nggu̱tki, nu̱ shi ɗyi nang ku mbe zhire ɓu̱ Labar Mbarkandang ɓa, tang ze Biturus mbiyiti wor kap, nga za, “To Yakhude nduku, yang kap ndu̱ ta khar viti ɓaaro wa njif nu̱ke ɗya Yakhude nduk ɓa. Yang leendang ta ma ranna nduki nu̱ke ɗya Yakhudeku ɓa ku̱ mbu me ghai ɓu̱ Yakhudeku mu?”

Galatiyeku 2:5

yang nyem vu̱r zalale ni ye wor sar da ɓa, ma ku̱ zhire ɓu̱ Labar mbarkandi nang kha gha su̱yen ndu̱ tunu.

Galatiyeku 3:1

Tun nggu̱bu̱ng Galatiyeku, ki zu̱mki ɗyinonwa? Nga nang, nga wutki Yesu Masiya nu̱ katlki nda gha ɗyin qu̱far kaatli ye nu ye dalangi.

Galatiyeku 5:7

Tun a ɗar mbarkandi gumapaali. Yang ki zhaki nu̱ gume nu mbe mburi zhiryang na?

Kolosiyeku 1:5

Maito ndu̱ ndolar nun wutki nang tun shi ku̱me tun a sa memu̱na nu nu̱ ɗyine ɗyi mbarkandi ku nu̱ke a nje du̱ngdan gha mbu̱ viɗi ku̱me tunu. Nang ke Labar mbarkandi nu̱ zu̱ki ye nu gumapaali, chin ɓalar zhire nun tu̱kkyang.

1 Timoti 2:4

chin nu̱ke a shim ku̱ aaki gwa ɗanari, tu̱ zu̱n zhire tu̱k.

Yibraniyeku 10:26

Sadke nggur a nje nu̱ke ka shiɓki sola ɓar ɓa mbu̱ chem wa zu̱m guma ndu̱ shir solar kharki qu̱rse chem wa zu̱n zhiryang.

1 Biturus 1:2

Tun ke nduki nu̱ Magham Zhinki datki nu wa nu̱ daasaki, tu̱ gaɓ ndu̱ tun konggol nu̱ ku̱nshe wakar nu̱ Jiimbi shakhshakhndi shiki ye nu. Ɗya shimndi ɓaran ku̱ mbu nu zu̱r ɓu̱ Yesu Masiya, tun gwa boote ni nu̱ Ku̱nshe baatli tom ɓaran. Bu ku̱ Magham boosa nu ndu̱ mu̱nkir ndu̱ qaandi memu̱nari.

1 Biturus 5:1

Ma yir she ku̱mandiku nu̱ chele ɓaanu, nga khutonu ma nu̱ke nga ku̱maandi nduk wa tunu nga nang naki bonye nu̱ Masiya zaki ndu̱ yita, yang tu̱k nga gwa zhaaji nu̱ke ka ɓa ɗatlki ye dalangi.

1 Biturus 5:13

Tabar ɓu̱ nu̱ mbu Yesu ku nu̱ke a fan Babilon, wor nu̱ Magham datki ba wa nu̱ datki nu, a qaandi ye nu ku. Woi ɓang Markus, a qaandi ye nu tu̱k.

1 Yokhana 2:21

Nang bu̱la ye nu ku̱me nun zu̱n zhire ɓa ɓa, nga bu̱la ku̱me tun wa zu̱n zhire. Tun wa zu̱n nu̱ ɗyine zhire nu̱ka kha ma wollo ɓa.

1 Yokhana 3:18

Tun qusonggi ɓang nu̱ke nga ndolaran wut nu ndolar ɓaanu ve me ɗyenda ɓa, wut ma mbu̱ tlu̱nar ɓaanu ndu̱ shir zhire.

2 Yokhana 1:13

Qusonggi ɓu̱ khachinkir ɓa nusukandi nu̱ Magham datki a qaandi ye nu ku.

2 Yokhana 1:5

Yang leendang nga khutoro, nusu, ku̱ ndola mi yen kap. Nang ɗya mewar ɓala ɓa, ɗya ɓalar nu̱ zu̱ki yerem gumapaali.

3 Yokhana 1:1

Lagarkati nang a vi she ku̱maandang ma yir she Gayus rapta nu̱ke nga ndolaran maɗyi mbe zhire.