2 Bitu̱rus 2:3 - Mewar Alqawarang

³ Ku̱me melakh ɓaanda, maalu̱mku nang ka shim ku̱ gwa tun ku ɗyinonu nu̱ ku̱nshe ɓalar wollo nu̱ gu̱nki ku. Yang dlar kumar mu̱ti nu̱ shiki ye wor mbu̱r fara ba a nja bu wora, yang su̱yar wor nu̱ gha nu̱ laada ɓa.

2 Bitu̱rus 2:3 Iomraidhean Croise

Matta 23:14

Tun nu̱ ɗyinonu nun vi ɓa, yang tun a nggu̱tl zalale viri ye nu̱ viri ku ku̱ vi. Tun ɗye zhiyaye, Maalu̱m Taurete ku ndu̱ Pariseku, nu̱ mu̱narku! Tun wa ka zu̱m gu̱nar ɓu̱ nusuku nu̱ zhime wor mu̱tki, tun shi barar kirkandi ma ku̱ nduki na nu. Tun ka gwa kumar maɗyikandi ku̱me nang.

Luka 18:8

Nga zu̱ran ye nu, ka pasha ɗyim ghoori ɓaanda ye wor nu̱ gha waare su̱bu̱rti sarchi yang kap ndu̱ nang, mbu̱ Yi ɓu̱ Nduk a gaɓ nu̱ larji ka gwa nu̱ maito shoɗa?”

Luka 20:20

Nu̱ dle gumekwang saki yiti yenda ku, tu̱ ru̱k nduki nggur nu̱ke ka wuɗki ye Yesu wa wor nduki mbarkandi. A ɓa ku ma ku̱ shi zhamndi yenda ku ku̱me ku̱ Yesu zu̱ ɗyi galkandi nu̱ke ka saki nu̱ kwaaɗarku ɓaanda tu̱ ku̱si nda.

Luka 22:47

A mbu̱ ɓalarang tu̱ tabar nduki a ɓa. Yang Yakhuda, da chele gwaanggu̱m rapndang kya gume wora. Tu̱ Yakhuda ɗu̱ she Yesu ma khaapa nda.

Yokhana 2:16

Tu̱ ze nduki nu̱ masar mbooleku ɓara za, “Ghar ma ɗyikunang ɓar fan! Gaɓ nu ni rafti ɓu̱ Zhinkir ɓang ma goma ɓa!”

Romeku 16:18

Ku̱me pooni nduki nang a gharkya ghai ye Masiya Zhinerem gwaanji ɓa, a shiran ku ye mbu̱ wora. Wa ka lamba nduki nu̱ ku̱nshe ɓalar mu̱nkandi ku ndu̱ khamndi nduki nu̱ wollo, tu̱ ka lamba nduki nu̱ke ɗyin wor zu̱ran.

2 Korintiyeku 2:17

Ɓaarem nyem kha wa ɓeeni nduki nu̱ke a wopa Labar Mbarkandang ma gwa tun ɗyinan ɓa. Yang nu̱ke Magham ru̱kki remang, chem a zu̱kya zhire gume nda, ye khar ɓaarem nu̱ tlu̱narku ɓu̱ Masiya.

1 Tasalonikeku 2:5

Tun wa zu̱n nu ɗyine, nyem wutkya mu̱ndi ɓala ye nu ɓa, yang nyem melakh ɗyi nggur kha nu chem shim ku̱ tuka mi melakh ɓaarem gha ɓa. Magham ke saidu ɓaarem ɗyine nang.

1 Tasalonikeku 5:3

Ye sarchi nu̱ke nduki a zu̱ran za, “Chem a khar mu̱nkandi memu̱narem qaandan.” Tu̱ mu̱ti ɓu̱tl nu̱ ve wora, ba wa nu̱ke khaati khar woi ka ku̱ski nu̱ ghu̱rɓandi nu̱ke a ma kha woi, yang ɓu̱ lawa ku mbe bonyang ɓa.

1 Timoti 3:3

Ku̱ kha ma njif nu̱ke nu̱ka za ɗyema ɓa, yang nu̱ lu̱kshi ɓa nu̱ ɗu̱bar memu̱na, njif nu̱ke varan buran nu̱ka shim keele ɓa, yang nu̱ vu̱r varan ye ndolar mu̱zhin ɓa.

1 Timoti 3:8

Wanang tu̱k, wa ku̱s ku̱ nu̱ shaatar ɓu̱ dle gume ɓu̱ Tabar ɓu̱ nu̱ mbu Yesu kha ma nduki nu̱ke nduki a na zhaaji ɓaanda. Ku̱ kha ma nu̱ zhire, ku̱ kha ma nu̱ khang zar ɗyema ɓa yang nu̱ka shi batal ma gwa nji mu̱zhin ɓa.

1 Timoti 6:5

ndu̱ khang keele ndu̱ nduki nu̱ke kwaari ɓaanda wa sagha, yang zhire kha wor ɓa. Pooni nduki nang a na mburi Magham ɗya njif gwar gu̱na.

Titus 1:11

Wa ku̱s ku̱ wu wor ku̱ kha yit ku, ma nu̱ke a lakhta raftiku khang nu̱ gha mbe shogar ɗyi nu̱ke nu̱ shipa ɓa ɓara ma ku̱ gwa nda gu̱na ve njiv batal.

Titus 1:7

Ma nu̱ke dle gume ɓu̱ tabar nu̱ mbu Yesu ɗya nu̱ tlu̱nar ɓu̱ Magham, wa ku̱s ku̱ kha waare zop gume aaki. Ku̱ kha ma njif kaku̱ɗakhndi ɓa yang nu̱ wakho shokhna ɓa, ku̱ kha ma nu̱ zar ɗyema ɓa, yang nu̱ gangndi dakhla ɓa, ku̱ kha ma nu̱ bu̱rtar gu̱na ve njiv batal ɓa.

1 Biturus 2:8

Yang a nje bu̱laran tu̱k za, “Ɗya ndogdi ji sar, ɗya ndogdi nu̱ka ɓa ki ndu̱ nggu̱di ɓu̱ nduk tu̱k!” Nduki ji saari worang ku̱me wa zhang mbu ɓalar ɓu̱ Magham gha. Yang daasa ye wor ma wanang.

1 Biturus 5:2

Khutlo ma shapir ɓu̱ Magham nu̱ vu̱rki nggu̱tan ye nu tun a tlu̱nar wa dlegumeku. Na nu wa a shikya ranna nu ɓa, ku̱ memu̱na nu da ye nu tun shi ba wa nu̱ke Magham a shimndan. Shi nu tlu̱nar nang ku̱me mu̱zhin ɓa, shi ma ku̱me memu̱na nu wa da ye nu ku̱ shi nu tlu̱narang.

2 Bitu̱rus 1:16

Ai, sarchi nyem zu̱ki labar wuti zalale ndu̱ ɓar ɓu̱ Zhinerem gwaanji Yesu Masiya ye nu chem a zu̱kya shinjiku ye nu nu̱ nduki dlaki mbu̱ ghu̱rti ɓaanda ɓa. Chem wa na zhaaji ɓaran ndu̱ yiterem.

2 Bitu̱rus 2:1

Annabi kotameku a vi ku nu̱ mbu̱ nduki ɓu̱ Magham. Yang tu̱k, maalu̱mku nu̱ wollo ka ɗa vi chele ɓaanu. Ka ɗa ɓa ndu̱ shogar ku nggur mbu̱ tuka, tu̱ shi shogar wollo ye nduki ma su̱bu̱r wora. Ka zhang Zhinerem gwaanji nu̱ dliiki nyifi ɓaanda gha. Shir wanangang ka ɗa ɓa ndu̱ mu̱ti ɓaanda ɓu̱ shoɓ ɓa.

2 Bitu̱rus 2:9

Mbu̱ yang ɗyiku nang wanang Magham wa zu̱n ɗyi nu̱ke chin ka shiki ma ɗana nu̱ sawar nda ku mbe buuriku ɓaanda. Magham wa zu̱n ɗyi nu̱ke chin ka shiki chin njig nu̱ mu̱narku mbu̱ bonye ɓaanda kope sarchi kumari.

Yakhuda 1:11

Ɗya ɗye zhiyaye ku! Wa mbu ɗye shir ɓu̱ Kayinu ku. Ku̱me shimndi gwar tunu wa nggu̱ɗ ku nu̱ mbu̱ ɗyi galkandi nu̱ Balaam shiki, wa su̱ya ku tu̱k wa nu̱ shiki sarchi pooni tonggu̱rong ɓu̱ Kora.

Yakhuda 1:15

ka kuma aa nyi nduk da ka dla kumar ye nu̱ song mburi Magham. Kom ndu̱ kap tlu̱nar song mburi Magham nu̱ tlu̱naki ku ɗyin njiv song mburi Magham. Yang tu̱k ka kuma kap maatli ɓalarku nu̱ke nu̱ solar song mburi Magham ku zu̱ki nu̱ ɗyine nda.”

Yakhuda 1:16

Nduki nang ɗya nu̱ ruru ku, a na zop ɓu̱ nduki aakochi. Shimndi ɗyi malkandi ke kwaari ɓaanda. Nyeedlan ku ndu̱ ɓalar bamndi nu̱ makhtar ɗyin vaanda. A lamba nduki nu̱ maghar ɓalari ma ku̱ gwa nda ɗyiku ye var wora.

Yakhuda 1:4

Nga zu̱ nang ku̱me nduki nu̱ viki nu̱ chele ɓaanu mbu̱ tuka, Ɗye shir mbarkandi ɓu̱ Magham a nje mbu̱ khar viti ɓaanda ɓa. Wa gaɓ ndu̱ mu̱nkir ɓu̱ Magham ku ma njiv tlu̱nar su̱bu̱rti. Wa keela Yesu Masiya nu̱ke chin ɗyenda ke Kuji ɓaarem ndu̱ Zhinerem gwaanji. Ai, ɓalar ɓu̱ Magham a ɓa zhu tang nu̱ zu̱ki za wa kuma wora.

Yakhuda 1:7

Shi wanang tu̱k ye Sodom ndu̱ Gomora, kom ndu̱ ghaiku nu̱ke a nje kararan ndu̱ wora. Wor tu̱k yang wa vu̱r var wor ye su̱bu̱rti ndu̱ shimndi ɗyi ɓu̱ manva. Wa kha ku ma ɗye buuri ye nduki nu̱ zaki bonye kumar ɓai nu̱ke lauɗa su̱ ɓa.