2 Bitu̱rus 2:2 - Mewar Alqawarang

² Nduki khang ka mbu njiv ɗye kawar ɓaanda. Ku̱me nang ɓeeni nduki ka ndu̱m njiv zhire.

2 Bitu̱rus 2:2 Iomraidhean Croise

Matta 22:16

Ta ru̱k nu̱ mbu wor kwang ndu̱ nduki ɓu̱ Khiridus tu̱ ze nda ku za, “Maalu̱m, chem wa zu̱n za to nu̱ zhire, ta shoga kya zhire ɓu̱ ɓalar ɓu̱ Magham ɓara. Aaki wayen shoro, no da njif nggur ndu̱ zhaaji tu̱ duk njif nggur ɓa.

Matta 24:24

Ku̱me Masiye kotameku ndu̱ annabi kotameku kaɗa vi ku, tu̱ shi shipar ɗyiku ndu̱ ɗye lazhamku, ma ku̱ lamba nda nduki, ndu̱ aa nduki datkandiku mbu̱ ka shi.

Matta 7:14

Yang me vi nu̱ka ɗu̱ki ndu̱ nduk ye maa nyifi ɓorɓor, mburi njivanang bonye si. Nu̱ mburan khang ku ɓa.

Markus 12:14

Na khu̱lki ku, tu̱ qa nda ku za, “Maalu̱m, chem wa zu̱n za to nu̱ zu̱r zhire, ta da aaki wayen, ku̱me no damta ndu̱ nar yiti ɓa, ta ka shoga zhire ɓu̱ njiv ɓu̱ Magham ye nduki. Yang ɗa, wa shipa vu̱rmi zhaanggal ye Kuji Kaisar mu, yang auwo mu?

Markus 13:22

Ku̱me Masiye nu̱ kotame ku ndu̱ annabi kotame ku ka ɗa viiku, kaa wut ɗye saidu ku, ndu̱ ɗye lazham ku, ma lamba nduki, mbu̱ ka ɗu̱ma ku tu̱ga ka lamba aa nduki datkandikwang.

Yokhana 14:6

Tu̱ Yesu ze nda za, “Nga ke njivang, nga ke zhire, nga ke nyifi. Nduk a nje nu̱ke ka ɗu̱ki she Magham ɓa kope nu̱ ku̱n sha.

Tlu̱nar ɓu̱ Pudeku 13:10

tu̱ zu̱ za, “To yi ɓu̱ Sheɗan! Nu̱ zhangndi ɗyi nu̱ke toropndi! To nyeedlan ndu̱ nyiglar maari, ndu̱ mu̱na ɗyenda. Tom njig su̱bu̱r njiv toropndiku ɓu̱ Magham nu̱gha de?

Tlu̱nar ɓu̱ Pudeku 14:2

Yang tu̱ ɓeeni Yakhudeku nu̱ zhangki maitaran gha ɗu̱ tu̱ ɗa sokh nduki nu̱ke ɗya Yakhudeku ɓa tu̱ su̱bu̱r chele ɓaanda ndu̱ nu̱ mbu Yesu ku.

Tlu̱nar ɓu̱ Pudeku 16:17

Tu̱ yang ka mbu gaanje rem, chem ndu̱ Bulus a zhaano a zu̱ran za, “Nduki nang ɗya maaviku ɓu̱ Maghamndi nu̱ dukki aaki, a wutkya njiv ɗanar ye nu ku!”

Tlu̱nar ɓu̱ Pudeku 18:26

Tu̱ nggasi waazu ndu̱ du̱mbu̱r ɓaran kap mbu̱ kib tabari. Nu̱ Bu̱rsikila ndu̱ Akila tu̱kki ɓalar ɓaran tu̱ da nda nu̱ kaa ɓaanda tu̱ shaata nda ku tu̱ zu̱n njiv ɓu̱ Magham mbari.

Tlu̱nar ɓu̱ Pudeku 19:9

Yang tu̱ ɓeeni nduki zhang tu̱ktan gha nu̱ maita ku ɓa, tu̱ka shi ɓalar bamndi ye nduki nu̱ mbuki Njiv ɓu̱ Zhinkir gwaanji gume nduki. Ku̱me nang tu̱ Bulus vi ɓar mbu̱ njiv ɓaanda tu̱ ɗu̱ su̱yen ndu̱ wor nu̱ maitakyang mbu̱ ye maa shogar ɓu̱ Tiranus.

Tlu̱nar ɓu̱ Pudeku 22:4

Yang nga vu̱r bonye ye nduki nu̱ke a mbu Njiv nang. Nga tlagha ɓeena wor nu̱gha, tang gu̱n ɓeena nduki nusu ndu̱ khusku, nga ka khi wor gha zhaaru̱m.

Tlu̱nar ɓu̱ Pudeku 24:14

Nga tlogha tun da mbu̱ ɗyi nu̱ zu̱ki ku nang ke nga ghar ghai ye Maghamndi ɓu̱ zhikanerem ku mbe Njivang, nu̱ke a zu̱ran ku za zhire ɓa. Nga maita kap ɗyi nu̱ke a nje bu̱laran mbu̱ Taurete ndu̱ lagarkati ɓu̱ annabikwang.

Romeku 2:24

Ai, a nje bu̱laran za, “Nduki nu̱ke ɗya Yakhudeku ɓa a ɓalar ndu̱mndi ve dlu̱m Magham ku̱me tun Yakhudeku.”

1 Timoti 5:14

Nga shim tu̱ga ku̱ ku̱du̱w nusuku nu̱ke a mbu̱ du̱mbu̱r ɓaanda shi ɓu̱rti ku, tu̱ kha qusonggi, tu̱ nggu̱t rafti ɓaanda, ma ku̱ nu̱ zhangndi ɓaaremang gwa ɓalar malkandi nu̱ke ka shiki ɗyine rem ɓa.

Titus 2:5

Tu̱ ku̱s ɗyin vaanda, ndu̱ khar viti shakhshakhndi, ku̱ kha ma nu̱ tlu̱narku mbu̱ rafti ɓaanda, nu̱ shir mbarki, nu̱ mburi zu̱r ɓu̱ zhime nda, ma ku̱ aaki pu̱z ɓalar ɓu̱ Magham ɓa.

Titus 2:8

ndu̱ ɓalar nu̱ke ye mbu si ku̱ nduk gwa ɗye pu̱z mban ɓa. Shir wanang ka sa to vu̱r kawar ye nu̱ kare ku ndu̱ to ku ku̱me ɓu̱ gwa ɗyi malkandi nu̱ke ka pu̱zki rem su̱ ɓa.

1 Biturus 2:12

Tun kha ndu̱ ɗye shir mbarkandi chele nduki nu̱ke nu̱ zu̱n Magham ku ɓa. Shir wanang ka sa tu̱ ɓa vu̱r zhaaji ye Magham ye sarchi ɓar ɓaran, ku̱me tlu̱nar ɓaanu mbarkandi, aa nu̱ke wa ka da zhaano ku ɓaanu.

2 Bitu̱rus 2:12

Yang nduki nang, a ɓalar ndu̱mndi ku ve Magham ɗyine ɗyiku nu̱ke nu̱ zu̱n ku ɓa. A nje ku wa dlu gaariku nu̱ke khangkal ve wor ɓa, a mbukya ɗyi nu̱ke man var wor a shimndan ɗyenda. Kha wor ma ku̱ ku̱s wor tu̱ tlagha nu̱ gha. Ai, ka mu̱t ku ba wa no za ɗya dlu̱ gaari ku.

2 Bitu̱rus 2:15

Wa njig njiv zhire ku, a mbu njiv ɓu̱ Balaam yi ɓu̱ Beyo. Njif nu̱ka ndolaki tlu̱nar malkandi ma gwa nji ɗye ɓiiran.

2 Bitu̱rus 2:18

Nduki nang wa ka shi ɓalar bamndiku nu̱ gwaari ɗyin a boote nu̱ shimndi ɓu̱ man va, tu̱ ka dut nduki nu̱ke nu̱ shoɓ ndu̱ lawar chele nduki galkandi nang ɓa.

2 Bitu̱rus 2:21

Tu̱ga pooni nduki nang nu̱ zu̱n njiv dambi ku sar da mbu̱ khar viti ɓaanda ɓa, ka duk ye wora. Yang wonji, qu̱rse wa zu̱n njivang ku, tu̱ yang gaɓ nu̱ gana ku tu̱ njig mburi zu̱r shakhshakhndi nu̱ vu̱rki ye wor nang.

2 Bitu̱rus 2:7

Mbu̱ yang wa ɗana Lot tu̱k, chin nu̱ke ɗya nu̱ dambi, nu̱ke wa damta maɗyi ɗyine pooni ɗye shir malkandi ɓu̱ nduki nu̱ Sodom nu̱ke nu̱ka mbu wopa ku ɓa.

Yakhuda 1:10

Yang nduki nang wa ka shi maatli ɓalar ɗyine kap ɗyi nu̱ke nu̱ da mban ku ɓa. A shikya ba ɗyi nu̱ tu̱kki mbu̱ man vaanda. Ba wa dlu gaariku nu̱ ɗye nggarku nu̱ke nu̱ka shi konyi ɓa. Nang ke ba ɗyiku nu̱ su̱yaki wora.

Yakhuda 1:15

ka kuma aa nyi nduk da ka dla kumar ye nu̱ song mburi Magham. Kom ndu̱ kap tlu̱nar song mburi Magham nu̱ tlu̱naki ku ɗyin njiv song mburi Magham. Yang tu̱k ka kuma kap maatli ɓalarku nu̱ke nu̱ solar song mburi Magham ku zu̱ki nu̱ ɗyine nda.”

Yakhuda 1:4

Nga zu̱ nang ku̱me nduki nu̱ viki nu̱ chele ɓaanu mbu̱ tuka, Ɗye shir mbarkandi ɓu̱ Magham a nje mbu̱ khar viti ɓaanda ɓa. Wa gaɓ ndu̱ mu̱nkir ɓu̱ Magham ku ma njiv tlu̱nar su̱bu̱rti. Wa keela Yesu Masiya nu̱ke chin ɗyenda ke Kuji ɓaarem ndu̱ Zhinerem gwaanji. Ai, ɓalar ɓu̱ Magham a ɓa zhu tang nu̱ zu̱ki za wa kuma wora.

Yakhuda 1:7

Shi wanang tu̱k ye Sodom ndu̱ Gomora, kom ndu̱ ghaiku nu̱ke a nje kararan ndu̱ wora. Wor tu̱k yang wa vu̱r var wor ye su̱bu̱rti ndu̱ shimndi ɗyi ɓu̱ manva. Wa kha ku ma ɗye buuri ye nduki nu̱ zaki bonye kumar ɓai nu̱ke lauɗa su̱ ɓa.

Ɗyin mbu̱ tukari 12:9

Tu̱ ɗa chiura mbukti ndu̱ Su̱ti gwaanjang nu̱ yaghai, chin ke, geema su̱ti nu̱ zhu, nu̱ ka qaki nda za Nu̱ mu̱na, ko Sheɗan, chin lambaki larji kap. Tu̱ ɗa chiura nda nu̱ yaghai mbu̱ larji su̱yen ndu̱ nu̱ ru̱ktiku ɓaran.

Ɗyin mbu̱ tukari 13:14

Tu̱ lamba nduki nu̱ke a nje kharan mbu̱ larji kap ndu̱ ɗye lazham nu̱ vu̱rki zalale ni yenda ku̱ shi me ɓu̱ dlu gaari nu̱ gumapaali nang. Tu̱ dlu gaari nu̱ rapang ze wor za ku̱ du̱ng shipar nggur ma vu̱r zhaaji ye dlu gaari nu̱ ruɓaki nda ndu̱ kaskar tu̱ yang shaanang.

Ɗyin mbu̱ tukari 13:8

Nduki nu̱ke kharan mbu̱ larji kap ka ghar ghai ye dlu gaari nang, nang ke kap nduki nu̱ke nu̱ bu̱la dlu̱m wor nu̱ mbu̱ Lagarkati Nyifiri ɓu̱ Ye gamndi nu̱ dlaki nu̱ ghang ma ji sarchi du̱ngndi larjyang ɓa.