1 Yokhana 5:19 - Mewar Alqawarang

¹⁹ Chem wa zu̱n nu̱ ɗyine chem qusonggi ɓu̱ Magham, yang larji kap a mbu̱ khar Sheɗan.

1 Yokhana 5:19 Iomraidhean Croise

Luka 4:6

Tu̱ Sheɗan ze nda za, “Ngga vu̱r kwaaɗar nanga yoro kap ndu̱ zhaaji ni, to shi zalale ɗyinan ku̱me wa vu̱r ya, yang ngga ɗu̱ma vu̱rtan ye aaki nang shimki.

Yokhana 12:31

Nang ke sarchi nu̱ke ka kumaki larji, ka komba nu̱ kwaaɗar larji nang.

Yokhana 14:30

Ngam shi ɓala khang ye nu leendang tu̱k ɓa, ku̱me nu̱ kwaaɗar larji nang a nje a ɓari, yang zalale nje kha nda ɗyina ɓa.

Yokhana 16:11

Yang nu̱ shi kwaari mbarkandi ku ɗyine kuma zum ɓa, ku̱me wa woɗa dla kumar nu̱ ɗyine nu̱ kwaaɗar larji nang.”

Yokhana 17:15

Nang khuɗ ku̱ da na wor ɓar mbu̱ larji ɓa, nga shim ku̱ shakh na chele ɓaanda ndu̱ Nu̱ mu̱narang.

Romeku 8:16

Chin Jiimbi shakhshakhndang ndu̱ jiimbi ɓaarem a saidaran ku za shwat chem qusonggi ɓu̱ Magham.

2 Korintiyeku 1:12

Leendang nang ke wakhti ɓaarem, memu̱narem wa wuɗ yerem nu̱ ɗyine chem wa shi khar mbarkandi mbu̱ larji nang, nu̱ shi wa khar shakhshakhndi nyem shiki su̱yen ndu̱ tun ɓa, nu̱ pooni zhire na viki she Magham. Nyem shi nang nu̱ ku̱nshe kaɗari ɓu̱ nduk ɓa, kope nu̱ ku̱nshe mu̱nkir ɓu̱ Magham.

2 Korintiyeku 4:4

Nu̱ maita ku ɓa, ku̱me Sheɗan nu̱ kwaaɗar larji nang wa sa memu̱na wor tu̱ kha zhum. Wa nggu̱tl wor ku̱ na yarang nu̱ke a wuti ye wor nang, yarang nu̱ke a viri she Labar mbarkandi nu̱ zhaaji ɓu̱ Masiya, nu̱ke chin ke shipar ɓu̱ Magham.

2 Korintiyeku 5:1

Jiwa chem wa zu̱n mbu̱ wa gu̱ɗa shekhɗekh nu̱ke chem kharan mban nang nu̱gha, nang ke man vaarem nu̱ke chem a boote si mbu̱ khar viti ɓaarem mbu̱ larji nang, Magham nu̱ ɗyinan ka shiki rafti yerem mbu̱ viɗi. Yang nu̱ke rafti nang ɗya nduk du̱nki ɓa, ka kha ba a nje aakochi ɓu̱ gu̱ɗa ɓa.

Galatiyeku 1:4

Masiya Yesu vu̱rki varan ku̱me solarku ɓaarem, ma ku̱ lawa rem mbu̱ zaman malkandi nang. Yang shi nang mbe shimndi ɓu̱ Magham Zhinerem.

Afiseku 2:2

Nang ke sarchi nu̱ke tun mbu ki njiv malkandiku nu̱ larji nang, tun a mbu kuji ɓu̱ nu̱ zalaleku nu̱ mu̱na viɗi, nang ke khu̱kheetiku malkandi nu̱ka sokhki nduki ku̱ zhang mbu zu̱r ɓu̱ Magham gha.

2 Timoti 1:12

Nga za bonye ku̱men ba wa nu̱ke nga zaran leendang. Yang kap ndu̱ nang nu̱ kha ya ma ɗye kawa ɓa ku̱me nga zu̱n njif nang maitaki, nga zu̱n nu̱ ɗyine ka bu ɗyin du̱ngdi nang vu̱rki yenda kap, kope Fu̱ɗar naandang.

Titus 3:3

Jiwa ɗau far chem nggu̱bu̱ngan, nu̱ zhangndi tu̱kti maa ku, chem sagharan. Chem maavi ɓu̱ shimndi ɗyiku zum zum ndu̱ melakh ɗyiku zum zum, chem kharan mbe mu̱na ndu̱ zhiri, nduki a zhangnderem chem a zhang yen.

Yaqub 4:4

Tun nu̱ song shir zhire! Alapa nun zu̱n nu̱ ɗyine bar raptikir ndu̱ larji ɗya kare ndu̱ Magham ɓa goma? Ku̱me aaki ndolaki larji, a gaɓkya ndu̱ ɗyinan ma nu̱ kare ndu̱ Magham.

1 Yokhana 3:14

Chem wa zu̱n nu̱ ɗyine chem wa peeta mu̱ti ma yir she nyifiri ku̱me chem a ndola nyeezerem. Njif nu̱ke nu̱ka ndola nyeezan ɓa, a mbu̱ bu̱n mu̱ti ma ɓar ye meeni.

1 Yokhana 3:24

Kap nu̱ mbu zu̱r ɓaranku kharan mbe nda, chin kharan mbe wor tu̱k. Wonji ɗyi nu̱ saki chem zu̱n za shwat a nje kharan mbe rem, chem zu̱n nu̱ ku̱nshe Jiimbi nu̱ vu̱rki yerem.

1 Yokhana 5:10

Aaki maitaki Yi ɓu̱ Magham, saidu nu̱ ɗa viki she Magham nang a nje mbu̱ memu̱naran. Yang kap njif nu̱ke nu̱ maita Magham ɓa, wa gaɓ ndu̱ Magham ma nu̱ wollo, nu̱ke wa zhang maita saidu nu̱ Magham shiki ɗyine Yi ɓaran.

1 Yokhana 5:13

Tun nun maitaki dlu̱m Yi ɓu̱ Magham, nga bu̱la ɗyiku nang ye nu kap ma ku̱ zu̱n nu nu̱ ɗyine tun wa gwa nyifi nu̱ke nu̱ka shi woɗa ɓa.

1 Yokhana 5:15

Yang nu̱ke chem wa zu̱n za wa ka tu̱kterem aakochi mbu̱ chem wa khuɗ tun kha nda, chem wa zu̱n za chem ka gwa ɗyi nyem khuɗkyang.

1 Yokhana 5:18

Chem wa zu̱n kap njif nu̱ke ɗya woi ɓu̱ Magham, nu̱ka zu̱m guma ndu̱ shir sola ɓa, ku̱me Yi ɓu̱ Magham a kangga nda, ma ku̱ Sheɗan su̱ɓa nda ɓa.

1 Yokhana 5:20

Chem wa zu̱n nu̱ ɗyine Yi ɓu̱ Magham a ɓa larji tu̱ vu̱r zu̱ndi yerem, ma zu̱n mi nda chin nu̱ke ɗya zhire. Yang tu̱k chem a mbe nda, chin nu̱ke ɗya zhire, kap nu̱ Yi ɓaran Yesu Masiya. Chin ke Maghamndi zhirekandi ndu̱ nyifi nu̱ke nu̱ka shi woɗa ɓa.

Ɗyin mbu̱ tukari 12:9

Tu̱ ɗa chiura mbukti ndu̱ Su̱ti gwaanjang nu̱ yaghai, chin ke, geema su̱ti nu̱ zhu, nu̱ ka qaki nda za Nu̱ mu̱na, ko Sheɗan, chin lambaki larji kap. Tu̱ ɗa chiura nda nu̱ yaghai mbu̱ larji su̱yen ndu̱ nu̱ ru̱ktiku ɓaran.

Ɗyin mbu̱ tukari 20:3

Tu̱ mbukti nda nu̱ mbu̱ ge gargha mboɓongndi nu̱ke tu̱ɓ si ɓaandang. Tu̱ za menang nu̱gha, tu̱ khi nu̱ gha tu̱ dlu̱rɗa nu̱ gha, ma ku̱ lamba dlar maa ku tu̱k ɓa, kope gaanje sonyi du̱pu (1,000) nang wa peeta. Qu̱rse nang ka ngga nda gha me sarchi koɗomma.