1 Yokhana 5:18 - Mewar Alqawarang

¹⁸ Chem wa zu̱n kap njif nu̱ke ɗya woi ɓu̱ Magham, nu̱ka zu̱m guma ndu̱ shir sola ɓa, ku̱me Yi ɓu̱ Magham a kangga nda, ma ku̱ Sheɗan su̱ɓa nda ɓa.

1 Yokhana 5:18 Iomraidhean Croise

Matta 5:37

Buu ku̱ ‘I’ ɓaanu kha ma ‘I’ ndu̱ ‘O, O’ kha ma ‘O, O’ Kap ɗyi nu̱ peetaki nang a vi she Nu̱ mu̱narang.

Matta 6:13

Njig na rem chem nggu̱t nu̱ mbu̱ sola ɓa, yang to shakh chele ɓaarem ndu̱ Nu̱ mu̱narang.’

Yokhana 1:13

Nu̱ kha ma qusonggi ɓu̱ Magham ve njiv gwar qusonggi ɓu̱ nduk ɓa, yang nu̱ ku̱nshe gontar ɓu̱ nusu ndu̱ khusku ɓa, yang shimndi ɓu̱ nduk ɓa. Ɗya shir ɓu̱ Magham.

Yokhana 14:30

Ngam shi ɓala khang ye nu leendang tu̱k ɓa, ku̱me nu̱ kwaaɗar larji nang a nje a ɓari, yang zalale nje kha nda ɗyina ɓa.

Yokhana 15:4

Kha ma nu̱ mbya, tang khan mbe nu. Ba wa nu̱ke bu̱n qu̱far anap ɓu̱ ɗu̱ma kha woi waare man qu̱far anapang ɓa, wanang tu̱k tun ɓu̱ ɗu̱ma kharan ɓa kope tun wa khan mbya.

Yokhana 15:7

Mbu̱ tun wa khan mbya, tu̱ ɓalar ɓang khan mbe nu, tun ka khuɗ ɗyi nu̱ke tun a shimndan kap, ka shi ye nu.

Yokhana 15:9

“Ba wa nu̱ Zhinkirang ndolaki nga, nga ndola nu wanang tu̱k. Kha man mbu̱ ndolar nang wutki ye nu.

Tlu̱nar ɓu̱ Pudeku 11:23

Nu̱ ɗu̱ki, tu̱ na mu̱nkir nu̱ Magham shiki ye wora, tu̱ kasha, tu̱ pa du̱mbu̱r ye wor ku̱ ching nu̱ ɗyine maito ɓaanda mbe Zhinerem gwaanji ndu̱ memu̱nar da.

Yaqub 1:18

Magham shimki ku̱ kha rem ku̱nshe ɓalar ɓaran zhirekandi ma ku̱ duk mi ɗyiku nyin du̱ngki ndu̱ zhaaji.

Yaqub 1:27

Ghaari ghai nu̱ke wakaran nu̱ zhire she Magham Zhinki, chin ke, ku̱ nduk nggu̱t ku̱du̱wku ndu̱ maryirku mbu̱ bonye nu̱ke a zaran ku, kom ku̱ nduk waka varan ɓar mbe pooni khar viti malkandi nu̱ larji nang.

1 Biturus 1:23

Jiwa tun wa gwa mewar khari. Yang mewar nyifi ɓaanu nang tun gwa she pooni nu̱ke wa ka mu̱t ɓa, tun gwa she pooni nu̱ke nu̱ka shi mu̱t ɓa. Kha nu nu̱ ku̱nshe ɓalar ɓu̱ Magham nu̱ke nyifiri a si yang nu̱ka shi mu̱ti ɓa.

1 Yokhana 2:29

Mbu̱ tun wa zu̱n nu̱ ɗyine Chin ɗya nu̱ dambi, tun ka zu̱n shwat nu̱ ɗyine njif nu̱ka shiki ɗyi nu̱ke torop ɗya yi ɓu̱ Magham.

1 Yokhana 3:12

Ku̱ kha nu wa Kayinu nu̱ gaɓki ma ɓu̱ Sheɗan tu̱ tlagha khachinang nu̱gha ɓa. Nu̱m saki tu̱ tlagha mu̱dlenang nu̱gha? Tlagha nda ku̱me tlu̱nar ɓaran maatlin, yang ɓu̱ khachinang mbari.

1 Yokhana 3:3

Kap njif nu̱ saki memu̱naran nu̱ ɗyine Masiya wa ka shi khar shakhshakhndi wa nu̱ke chin shakhshakh.

1 Yokhana 3:9

Kap njif nu̱ke ɗya yi ɓu̱ Magham ɓu̱ zu̱m guma ndu̱ sola ɓa, ku̱me ye pooni ɓu̱ Magham a nje mbe nda. Ɓu̱ ɗu̱ma zu̱m guma ndu̱ sola ɓa ku̱me wa kha ma yi ɓu̱ Magham.

1 Yokhana 4:6

Chem a vi she Magham. Nduki nu̱ zu̱nki Magham wa ka tu̱kterem ku, yang nduki nu̱ke nu̱ zu̱n Magham ɓa, nu̱ka tu̱kterem ku ɓa. Chem ka zu̱n njif nu̱ke a su̱yen ndu̱ Jiimbi zhire ndu̱ njif nu̱ke a su̱yen ndu̱ jiimbi wollo ve nang.

1 Yokhana 5:1

Kap njif nu̱ maitaki za Yesu chin ke Masiya, ɗya yi ɓu̱ Magham. Ai, njif nu̱ ndolaki Zhin woyang ka ndola woyang tu̱k.

1 Yokhana 5:15

Yang nu̱ke chem wa zu̱n za wa ka tu̱kterem aakochi mbu̱ chem wa khuɗ tun kha nda, chem wa zu̱n za chem ka gwa ɗyi nyem khuɗkyang.

1 Yokhana 5:19

Chem wa zu̱n nu̱ ɗyine chem qusonggi ɓu̱ Magham, yang larji kap a mbu̱ khar Sheɗan.

1 Yokhana 5:20

Chem wa zu̱n nu̱ ɗyine Yi ɓu̱ Magham a ɓa larji tu̱ vu̱r zu̱ndi yerem, ma zu̱n mi nda chin nu̱ke ɗya zhire. Yang tu̱k chem a mbe nda, chin nu̱ke ɗya zhire, kap nu̱ Yi ɓaran Yesu Masiya. Chin ke Maghamndi zhirekandi ndu̱ nyifi nu̱ke nu̱ka shi woɗa ɓa.

1 Yokhana 5:21

Tun qusonggi ɓang nu̱ke nga ndolaran, nga zu̱ran ye nu tun shakh ɗyinonu ndu̱ mu̱lu̱mku.

1 Yokhana 5:4

jiwa aa nyi yi ɓu̱ Magham ka zu̱m loobo ɗyin larji. Maito ɓaarem mbe Masiya ke nu̱ sa rem chem ki ra wute nang.

Yakhuda 1:21

Ku̱ kha man mbe ndolar ɓu̱ Magham, tun a bu ɓar ɓu̱ Zhinerem gwaanji Yesu Masiya nu̱ke mbu̱ ɗaanar ɓaran ka ɗu̱ ndu̱ tun mbu̱ nyifi nu̱ke nu̱ka shi woɗa ɓa.

Yakhuda 1:24

Makhtar wa kha chin nu̱ zalale kanggar nu ku̱ nggu̱ɗ nu shwat ɓa, tu̱ wuto nu waare beeko gume zhaaji ɓaran ndu̱ kashar maɗyikandi.

Ɗyin mbu̱ tukari 2:13

Nga zu̱n to kharan ye maa nu̱ke Sheɗan a kwaaɗar ɓaran. Yang kap ndu̱ nang ta ching gha ɗyin dlu̱ma nu̱ zhire, sar da no gaɓ nu̱ gana mbe maitar nga ɓa. Aa mbu̱ qaandi virkir ɓu̱ Antipas, nu̱ saidaki nga nu̱ zhire. Chin nu̱ tlaghaki nda ku mbu̱ ghai ɓaanu maa khar ɓu̱ Sheɗan.