1 Yokhana 5:13 - Mewar Alqawarang

¹³ Tun nun maitaki dlu̱m Yi ɓu̱ Magham, nga bu̱la ɗyiku nang ye nu kap ma ku̱ zu̱n nu nu̱ ɗyine tun wa gwa nyifi nu̱ke nu̱ka shi woɗa ɓa.

1 Yokhana 5:13 Iomraidhean Croise

Yokhana 1:12

Yang koɗokh me nduki nu̱ dlu̱ki nda, tu̱ maita dlu̱man, wa vu̱r zalale ye wor ma ku̱ kha ma qusonggi ɓu̱ Magham.

Yokhana 2:23

Sarchi nu̱ke Yesu a Urshalima ma tabar peetar ɗyinang, tu̱ nduki khang na ɗye lazhamku nu̱ shiki tu̱ maita dlu̱man ku.

Yokhana 20:31

Yang bu̱la nu̱kunang ma ku̱ maita nu nu̱ ɗyine Yesu ke Masiya, Yi ɓu̱ Magham. Kom tu̱k, nu̱ ku̱n she maitar nda tun gwa nyifi mbu̱ dlu̱man.

Yokhana 21:24

Nang ke nu̱ mbu Yesu nu̱ke a saida ɗyiku nang, wa bu̱lan gha. Chem wa zu̱n saidu ɓaran ɗya zhire.

Yokhana 3:18

Aaki maitaki Yi ɓu̱ Magham ɓu̱ kuma nda ɓa, yang kap njif nu̱ zhangki maita nda gha, wa woɗa kuma nda, ku̱me nu̱ maita dlu̱m Yi ɓu̱ Magham khakandi ɗyenda ndang ɓa.

Yokhana 5:24

“Zhire nga zu̱ran ye nu, njif nu̱ka tu̱kki ɓalar ɓanga, tu̱ka maita njif nu̱ ɗa ru̱kki nga, wa gwa nyifi nu̱ke ɓu̱ shi woɗa ɓa. Ɓu̱ kuma nda ɓa, wa woɗa lawar me mu̱ti wa gwa nyifiri.

Tlu̱nar ɓu̱ Pudeku 3:16

Maitar dlu̱m Yesu nu̱ke zalale a si saki khuski nun zu̱nki nda tun a nggu̱ti nda nang tu̱ gwa du̱mbu̱r. Dlu̱m Yesu ndu̱ maita nda nyem shiki saki tu̱ khuski nang shaana nggalang. Tun wa na ndu̱ yitonu.

Tlu̱nar ɓu̱ Pudeku 4:12

“Yang gwar ɗanar a nje nu̱ ku̱nshe njif nggur zum ɓa, ku̱me nu̱ vu̱r dlu̱m nggur ye njif nggur mbu̱ larji nang za nduk ka gwa ɗana nu̱ ku̱nshe nda shwat ɓa.”

2 Korintiyeku 5:1

Jiwa chem wa zu̱n mbu̱ wa gu̱ɗa shekhɗekh nu̱ke chem kharan mban nang nu̱gha, nang ke man vaarem nu̱ke chem a boote si mbu̱ khar viti ɓaarem mbu̱ larji nang, Magham nu̱ ɗyinan ka shiki rafti yerem mbu̱ viɗi. Yang nu̱ke rafti nang ɗya nduk du̱nki ɓa, ka kha ba a nje aakochi ɓu̱ gu̱ɗa ɓa.

Galatiyeku 4:6

Nu̱ke tun qusonggi ɓaran tu̱ Magham a ru̱k nu̱ Jiimbi Yi ɓaran nu̱ mbu̱ memu̱na nu, a qa Magham za, “Aba, Zhinki.”

1 Biturus 5:12

Nga bu̱la lagarkati koɗommandi nang ye nu ndu̱ shaatar ɓu̱ Sila, nu̱ke nga da nda ɗya khachinkir maitokandi yang nga na wa khu̱l ku̱ qa nga nda nu̱ shir zhire. Nga pa du̱mbu̱r ye nu, wut nga yenu nang ke mu̱nkir ɓu̱ Magham zhirekandi. Ku̱me nang ching man mbe mu̱nkir ɓu̱ Magham nang ndu̱ du̱mbu̱r.

1 Yokhana 1:4

Yang chem a bu̱lar nang ma ku̱ kashar ɓaarem kha nyeedlan.

1 Yokhana 2:1

Qusonggi ɓang nu̱ke nga ndolaran, nga bu̱lar nang ye nu ma ku̱ shi nu sola ɓa. Mbu̱ yang njif nggur wa shi sola, nu̱ shaatar a nje khaarem nu̱ke ka chingki yerem gume Zhinkirang, chin ke, Yesu Masiya, Nu̱ Dambyang.

1 Yokhana 2:21

Nang bu̱la ye nu ku̱me nun zu̱n zhire ɓa ɓa, nga bu̱la ku̱me tun wa zu̱n zhire. Tun wa zu̱n nu̱ ɗyine zhire nu̱ka kha ma wollo ɓa.

1 Yokhana 2:25

Nang ke alqawar nu̱ Woyang shiki yerem, chin ke nyifi nu̱ke nu̱ka shi woɗa ɓa.

1 Yokhana 2:26

Nga bu̱la ɗyikunang ye nu nu̱ ɗyine nduki nu̱ke a shim lamba nu ma gal nu gha.

1 Yokhana 3:23

Nang ke ɗyi nu̱ Magham zu̱ki za shem chin ke ku̱ maita mi dlu̱m Yi ɓaran Yesu Masiya, chem ndola yen tu̱k wa nu̱ Masiya zu̱ki yerem.

1 Yokhana 4:9

Magham wut ndolar ɓaran yerem ve nang, wa ru̱k Yi ɓaran ɗyendandi tu̱ ɗa ɓa mbu̱ larji ma ku̱ gwa mi nyifiri nu̱ ku̱nshe nda.

1 Yokhana 5:10

Aaki maitaki Yi ɓu̱ Magham, saidu nu̱ ɗa viki she Magham nang a nje mbu̱ memu̱naran. Yang kap njif nu̱ke nu̱ maita Magham ɓa, wa gaɓ ndu̱ Magham ma nu̱ wollo, nu̱ke wa zhang maita saidu nu̱ Magham shiki ɗyine Yi ɓaran.

1 Yokhana 5:11

Yang nang ke saidwang: Magham wa vu̱r nyifi yerem nu̱ke nu̱ka shi woɗa ɓa, yang nyifi nang a mbe Yi ɓaran.

1 Yokhana 5:20

Chem wa zu̱n nu̱ ɗyine Yi ɓu̱ Magham a ɓa larji tu̱ vu̱r zu̱ndi yerem, ma zu̱n mi nda chin nu̱ke ɗya zhire. Yang tu̱k chem a mbe nda, chin nu̱ke ɗya zhire, kap nu̱ Yi ɓaran Yesu Masiya. Chin ke Maghamndi zhirekandi ndu̱ nyifi nu̱ke nu̱ka shi woɗa ɓa.