1 Yokhana 5:1 - Mewar Alqawarang

¹ Kap njif nu̱ maitaki za Yesu chin ke Masiya, ɗya yi ɓu̱ Magham. Ai, njif nu̱ ndolaki Zhin woyang ka ndola woyang tu̱k.

1 Yokhana 5:1 Iomraidhean Croise

Matta 16:16

Kom tu̱ Siman Biturus tlogha za, “To ke Masiya, Yi ɓu̱ Magham nu̱ nyifiri.”

Luka 7:5

ku̱me a ndola nduki ɓaarem maɗyi, wonji chin du̱nki kib tabar ɓaarem nang yerem.”

Yokhana 1:3

Shi aa nu̱m nu̱ ku̱nshe nda, tun a nje nu̱ du̱ngki mbu̱ ɗyiku nu̱ shiki kunang waare chin ɓa.

Yokhana 15:23

Njif nu̱ zhangki nga gha, wa zhan Zhinkir ɓang gha tu̱k.

Yokhana 3:3

Tu̱ Yesu tlogha yenda za, “Zhire, zhire, nga zu̱ran yoro mbu̱ nu̱ gaɓ tu̱ kha nduk nu̱ si zu̱m ɓa ɓu̱ na kwaaɗar ɓu̱ Magham ɓa.”

Yokhana 6:69

Chem wa maita, chem wa zu̱n tu̱k za to ke Shakhshakhndi ɓu̱ Magham.”

Yokhana 8:42

Tu̱ Yesu ze wor za, “Mbu̱ Magham ke zhinonu tu̱ga tun wa ndola nga, ku̱me nga vi she Magham, yang wonji nga fan. Na nga ɓa ndu̱ zalale ɓang ɓa, Magham a ru̱kki nga.

Tlu̱nar ɓu̱ Pudeku 8:36

A mbu̱ yir ku ta khu̱l ye maa nu̱ke ɗyim a nje, tu̱ khuski nu̱ke su̱ ve nda ɓa ndang zu̱ za, “No, wonji ɗyimi! Nu̱m ka nggu̱tlki shir baptisme ya?”

Tlu̱nar ɓu̱ Pudeku 8:37

[Tu̱ Filibus zu̱ za, “Mbu̱ ke ta maita nu̱ memu̱na da, ka shi yoro.” Tu̱ khuskyang tlogha za, “Nga maita Yesu Masiya ke Yi ɓu̱ Magham.”]

Yaqub 1:18

Magham shimki ku̱ kha rem ku̱nshe ɓalar ɓaran zhirekandi ma ku̱ duk mi ɗyiku nyin du̱ngki ndu̱ zhaaji.

1 Biturus 1:3

Barke wa kha Magham, Zhin Zhinerem gwaanji Yesu Masiya! Chin tu̱kki zhiyaye ɓaarem maɗyi, tu̱ vu̱r mewar nyifi yerem ndu̱ sar memu̱nar nu̱ nyifiri nu̱ ku̱nshe jiiri ɓu̱ Yesu Masiya ɓar mbe mu̱ti.

1 Yokhana 2:10

Yang kap njif nu̱ke a ndola mu̱dlen, kharan mbu̱ yarang, tun a nje nu̱ke ka jiiki saran ɓa.

1 Yokhana 2:29

Mbu̱ tun wa zu̱n nu̱ ɗyine Chin ɗya nu̱ dambi, tun ka zu̱n shwat nu̱ ɗyine njif nu̱ka shiki ɗyi nu̱ke torop ɗya yi ɓu̱ Magham.

1 Yokhana 3:14

Chem wa zu̱n nu̱ ɗyine chem wa peeta mu̱ti ma yir she nyifiri ku̱me chem a ndola nyeezerem. Njif nu̱ke nu̱ka ndola nyeezan ɓa, a mbu̱ bu̱n mu̱ti ma ɓar ye meeni.

1 Yokhana 3:17

Mbu̱ njif nu̱ke ɗyin me khar kha nda wa na mu̱dlen a mbu̱ song tu̱ yang zhang shaata nda gha, ndolar ɓu̱ Magham a nje mbe nda shoɗa?

1 Yokhana 3:9

Kap njif nu̱ke ɗya yi ɓu̱ Magham ɓu̱ zu̱m guma ndu̱ sola ɓa, ku̱me ye pooni ɓu̱ Magham a nje mbe nda. Ɓu̱ ɗu̱ma zu̱m guma ndu̱ sola ɓa ku̱me wa kha ma yi ɓu̱ Magham.

1 Yokhana 4:2

Wonji ma ɗyi nu̱ke tun ka zu̱nki Jiimbi ɓu̱ Magham nu̱ si, aa nyi jiimba nu̱ saidaki za Yesu Masiya a ɓa mbu̱ man va, a vi she Magham.

1 Yokhana 4:20

Yang mbu̱ njif nggur wa zu̱ za, “Nga ndola Magham,” yang a zhang mu̱dlen, njif nang a shikya wollo. Ku̱me kap njif nu̱ke nu̱ka ndola mu̱dlen nu̱ke a naran ɓa, ɓu̱ ɗu̱ma ndola Magham nu̱ke sar da nyin na nda ɓa nda ɓa.

1 Yokhana 4:7

Raptaku nu̱ke nga ndolaran, ndola mi yen ku̱me ndola ka vi she Magham. Kap njif nu̱ka wutki ndola ɗya yi ɓu̱ Magham, wa zu̱n Magham tu̱k.

1 Yokhana 5:18

Chem wa zu̱n kap njif nu̱ke ɗya woi ɓu̱ Magham, nu̱ka zu̱m guma ndu̱ shir sola ɓa, ku̱me Yi ɓu̱ Magham a kangga nda, ma ku̱ Sheɗan su̱ɓa nda ɓa.

1 Yokhana 5:4

jiwa aa nyi yi ɓu̱ Magham ka zu̱m loobo ɗyin larji. Maito ɓaarem mbe Masiya ke nu̱ sa rem chem ki ra wute nang.

1 Yokhana 5:5

Ki ka ɗu̱maki ra larjyang na? Kope njif nu̱ maitaki za Yesu ɗya Yi ɓu̱ Magham ɗyenda.