1 Yokhana 4:6 - Mewar Alqawarang

⁶ Chem a vi she Magham. Nduki nu̱ zu̱nki Magham wa ka tu̱kterem ku, yang nduki nu̱ke nu̱ zu̱n Magham ɓa, nu̱ka tu̱kterem ku ɓa. Chem ka zu̱n njif nu̱ke a su̱yen ndu̱ Jiimbi zhire ndu̱ njif nu̱ke a su̱yen ndu̱ jiimbi wollo ve nang.

1 Yokhana 4:6 Iomraidhean Croise

Luka 10:22

“Aba ɓang wa vu̱r zalale ya ɗyine aa nu̱m kap. Nduka nje zu̱nki Woyang ɓa, kope Zhinang ɗyenda, yang tu̱k nduk a nje zu̱nki Zhinang zum ɓa kope Woyang, kom ndu̱ njif nu̱ Woyang shimki wuti nda yenda.”

Yokhana 10:16

Ɓeeni ndu̱ɓangkwang nje nu̱ke a mbu̱ shapir nang ɓa. Wa ku̱s a ɓa nga ndu̱ wora. Ka tu̱k su̱qura ku, ka kha ma shapir da, ndu̱ nu̱ khutlori da tu̱k.

Yokhana 10:27

Ndu̱ɓangku ɓang wa ka mbu zu̱r ɓanga, nga zu̱n wora, wa ka mburi nga ku tu̱k.

Yokhana 10:3

Nu̱ nggu̱ti me virang ka qu̱n yenda. Ndu̱ɓangkwang wa ka tu̱k su̱qur nu̱ khutlorang. Wa ka qa ndu̱ɓangkwang ndu̱ dlu̱m wora, tu̱ ɗu̱ ndu̱ wor dam.

Yokhana 13:20

Zhire, nga zu̱ran ye nu, kap njif nu̱ dlu̱ki njif nang ru̱kki ndu̱ memu̱nar da, dlu̱kya nga. Yang njif nu̱ dlu̱ki nga ndu̱ memu̱nar da, dlu̱kya njif nu̱ ɗa ru̱kki nga.”

Yokhana 14:17

Chin ke Jiimbi nu̱ zhire, nu̱ke larji ɓu̱ ɗu̱ma dlu̱ran ɓa ku̱me ɓu̱ ɗu̱ma na nda ɓa yang nu̱ zu̱n nda ɓa. Ɓaanu yang tun wa zu̱n nda, ku̱me a nje kharan ndu̱ tunu, yang ka ɓaa khan mbu̱ memu̱na nu.

Yokhana 15:26

“Ngga sa Nu̱ shaatarang nu̱ ɗa viki she Zhinkirang tu̱ ɗa ɓa she nu. Jiimbi shakhshakhndi nu̱ zhire na viki she Maghamang chin ka saidaki nga.

Yokhana 16:13

Yang sarchi nu̱ Jiimbi nu̱ zhire a ɓa ki, ka mbu ndu̱ tun mbe aa nyi zhire, ku̱me ɓu̱ shi ɓala ku̱me ɗyinan ɓa, yang ka zu̱kya ɗyi nyin tu̱kki ɗyenda, ka zu̱ ɗyi nu̱ke a ma ɗatli ye nu.

Yokhana 18:37

Tu̱ Bilatus zu̱ za, “Alapa to kuji goma?” Tu̱ Yesu tlogha za, “To ndu̱ ɗyinoro ta zu̱ no za nga kuji. Nang ke ɗyi nu̱ saki tu̱ kha nga, nang ke ɗyi nu̱ saki tang a vi nu̱ mbu̱ larji tu̱k, ma zu̱ zhire ni. Kap nu̱ shimndi zhire wa ka tu̱k ɓalar ɓanga.”

Yokhana 20:21

Kom tu̱ Yesu gaɓ tu̱ ze wor za, “Kha ma gha ndu̱ qaandi memu̱na! Ba wa nu̱ Zhinkirang a ru̱kki nga, nga ru̱ktonu tu̱k.”

Yokhana 8:19

Tu̱ zham nda ku za, “A fu̱n ke zhwa na?” Tu̱ Yesu tlogha ye wor za, “Nun zu̱ndi nga ɓa yang nun zu̱n Zhinkir ɓang ɓa. Mbu̱ tun wa zu̱ndi nga, tu̱ga tun wa zu̱n Zhinkir ɓanga.”

Yokhana 8:23

Tu̱ yang Yesu zu̱m guma ndu̱ zu̱ran za, “Tun a vi vu̱ghai, yang ɓang nga vi viɗi. Tun ɓu̱ larji, yang nga ɓu̱ larji ɓa.

Romeku 1:1

Lagarkati nang a vi she Bulus, maavi ɓu̱ Masiya Yesu, nu̱ qaki nda ma ku̱ kha ma pude ɓu̱ Yesu, tu̱ waka nda nu̱ gha ma ku̱ wopa Labar mbarkandi ɓu̱ Magham.

Romeku 11:8

Ba wa nu̱ke a nje bu̱laran za, “Magham wa gaɓ ndu̱ wor ma nu̱ song dar mbu̱ tunu ɗau. Tu̱ vu̱r yiti ye wor nu̱ke nu̱ka na maa ɓa, ndu̱ dlu̱mdi nu̱ke nu̱ka tu̱k maa zum ɓa, ma ɓar ye meeni.”

1 Korintiyeku 14:37

Mbu̱ njif nggur a nje nu̱ tamanki za chin annabi, aa taman za vu̱rti ɓu̱ Jiimbi nggur a nje kha nda, ku̱ zu̱n nu̱ ɗyine, ɗyi nang bu̱laki ye nu nang ɗya ɗyi nu̱ Zhinerem gwaanji zu̱ki ya.

2 Korintiyeku 10:7

Nggu̱t ma ɗyi nu̱ke a nje ye dalang ɓa! Mbu̱ nduk a nje nu̱ tamanki za chin ɓu̱ Masiya, ku̱ njif nang kor tu̱k nu̱ ɗyine chem ɓu̱ Masiya tu̱k.

2 Tasalonikeku 1:8

Ma vu̱r bonye ye nduki nu̱ zhangki zu̱ndi Magham, kom ndu̱ nduki nu̱ zhangki mbu Labar mbarkandi ɓu̱ Zhinerem gwaanji Yesu gha.

1 Timoti 4:1

Nang ɗo, Jiimbyang wa wut ye dalangi za ye lauɗar su̱ qaandi virkirku ɓeeni nduki ka njig maita ɗyi nyem maitaki, tu̱ mbu jiimbiku nu̱ lambari ndu̱ shogar ɓu̱ khu̱kheetiku.

2 Bitu̱rus 3:2

Nga shim ku̱ kor nu ɗyiku nu̱ke annabiku shakhshakhndi nu̱ zhu zu̱ki, kom ndu̱ ɓalar nu̱ Zhinerem gwaanji ndu̱ nu̱ ɗana rem zu̱ki mbu̱ me pudeku nu̱ ɗa ru̱kki nu̱ she nu.

1 Yokhana 4:1

Raptaku nu̱ke nga ndolaran, ku̱ maita nu aa nyi jiimba ɓa, buu ma jiimbiku dong tun na mbu̱ a vi she Magham. Jiwa annabi kotameku wa vi ku nu̱ aa fu̱n mbu̱ larji.

1 Yokhana 4:4

Tun qusonggi ɓang nu̱ke nga ndolaran, tun a vi she Magham, tun wa ra annabi nu̱ lambar ku nang, ku̱me Jiimbi ɓu̱ Magham nu̱ke a mbe nu wa duk jiimbi nu̱ke a mbe nduki nu̱ke a mbu̱ larji nang.

1 Yokhana 4:8

Kap njif nu̱ke nu̱ka wut ndola ɓa, nu̱ zu̱n Magham sar da ɓa, ku̱me Magham ɗya ndola.

1 Yokhana 5:19

Chem wa zu̱n nu̱ ɗyine chem qusonggi ɓu̱ Magham, yang larji kap a mbu̱ khar Sheɗan.

Yakhuda 1:17

Yang raptaku nu̱ke nga ndolaran, kor ma ndu̱ ɗyi nu̱ pudeku ɓu̱ Zhinerem gwaanji Yesu Masiya zu̱ki za ka ɓa shi.