1 Yokhana 4:21 - Mewar Alqawarang

²¹ Yang Masiya wa vu̱r bibiti yerem za: Kap njif nu̱ke a ndola Magham, wa ku̱s ku̱ ndola mu̱dlen tu̱k.

1 Yokhana 4:21 Iomraidhean Croise

Matta 5:43

“Tun wa tu̱k wa zu̱ za, ‘Ndolo nu̱ bing ɓaaro, to zhang nu̱ zhangndi ɓaaro.’

Luka 10:37

Tu̱ tlogha za, “Njif nu̱ wuɗki tlu̱nar dambyang.” Tu̱ Yesu ze nda za, “Ɗu̱ ɗo, to ɗa shi wanang.”

Yokhana 15:12

Zu̱r ɓang ye nu, na ke, ndola ma yen wa nang ndolaki nu.

Galatiyeku 5:14

Ku̱me Bibitang kap a ɗyine ɓalar da, chin ke, “Ndolo nu̱ bing ɓaaro wa vaaro.”

Galatiyeku 5:6

Jiwa mbu̱ chem a mbe Masiya Yesu, aa chem wa dla sarem, aa nyem dla ɓa kap da. Ɗyi nu̱ damtaki si, chin ke maitar Masiya nu̱ka saki chem wut ndolar ye aaki.

1 Tasalonikeku 4:9

Ɗyine ɓalar ndolar yen wa khachinkirku, nu̱ ku̱s ku̱ bu̱lami ɗyen ye nu ɓa, ku̱me tun ndu̱ ɗyinonu Magham wa shoga ye nu za ku̱ ndola nu yen.

1 Biturus 3:8

Ye lauɗar san, gonta ma ɗyinonu ye maa da tu̱ kwaari ɓaanu kha da. Tun a na zhiyaye ɓu̱ yen, tun a ndola yen wa khachinkirku, tun a shaata yen gwaari ɗyin su̱ ɓa.

1 Biturus 4:8

Guma ndu̱ aa nu̱m, ndola ma yen ndu̱ memu̱na nu da. Ku̱me ndola wa ka lu̱pa ɗyin zop khangndi.

1 Yokhana 2:7

Tun raptaku nu̱ke nga ndolaran, nga bu̱lar nang ma vu̱r nga bibiti nggur ye nu ɓa. Ai, ɗya ba bibiti nu̱ zhu nu̱ vu̱rki ye nu gumapaali. Yang bibiti nu̱ zhu nang ɗya ba bibiti nun woɗaki tu̱ktan.

1 Yokhana 3:11

Nang ke ɓalar nun tu̱kki gumapaali: Wa shipa ku̱ ndola nu yen.

1 Yokhana 3:14

Chem wa zu̱n nu̱ ɗyine chem wa peeta mu̱ti ma yir she nyifiri ku̱me chem a ndola nyeezerem. Njif nu̱ke nu̱ka ndola nyeezan ɓa, a mbu̱ bu̱n mu̱ti ma ɓar ye meeni.

1 Yokhana 3:18

Tun qusonggi ɓang nu̱ke nga ndolaran wut nu ndolar ɓaanu ve me ɗyenda ɓa, wut ma mbu̱ tlu̱nar ɓaanu ndu̱ shir zhire.

1 Yokhana 3:23

Nang ke ɗyi nu̱ Magham zu̱ki za shem chin ke ku̱ maita mi dlu̱m Yi ɓaran Yesu Masiya, chem ndola yen tu̱k wa nu̱ Masiya zu̱ki yerem.

1 Yokhana 4:11

Raptaku nu̱ke nga ndolaran, nu̱ke Magham wa ndola rem wanang, wa ku̱s ndola mi yen tu̱k.