1 Yokhana 4:1 - Mewar Alqawarang

¹ Raptaku nu̱ke nga ndolaran, ku̱ maita nu aa nyi jiimba ɓa, buu ma jiimbiku dong tun na mbu̱ a vi she Magham. Jiwa annabi kotameku wa vi ku nu̱ aa fu̱n mbu̱ larji.

1 Yokhana 4:1 Iomraidhean Croise

Markus 13:21

“Ye sarchi ni mbu̱ aaki wa zu̱ za, ‘Nggu̱ɗu, wonji Masiya fan,’ aa zu̱ yor za, ‘A nje fara,’ maita nu nda ɓa.

Luka 12:57

“Kha ku̱me nu̱m nun ka kuma ɗyi mbarkandi ye va nu ɓa?

Luka 21:8

Tu̱ Yesu tlogha ye wor za, “Ku̱r ma va nu, ku̱me ku̱ nduk lamba nu ɓa. Nduki khang ka ɗa ɓa ku mbu̱ dlu̱ma a zu̱ran ku za, ‘Wor ke nga,’ yang, ‘Sarchi wa shi bing.’ Sar da mbu nu wor ɓa.

Tlu̱nar ɓu̱ Pudeku 17:11

Yang nduk Biriya wa duk nduki nu̱ Tasalonika ku, ku̱me wa dlu̱ ɓalar ɓu̱ Magham ku khar wor rap. A nggu̱t mbu̱ bu̱lar ɓalar ɓu̱ Magham aa nyi fu̱ɗa ma na nda mbu̱ ɗyi nu̱ Bulus zu̱kyang ɗya zhire.

Tlu̱nar ɓu̱ Pudeku 20:29

Nga zu̱n qu̱rse nga ɗu̱ vara yiɗi gaariku malkandi kaɗa vi nu̱ chele ɓaanu, yang ɓu̱ njig shapirang ɓa.

1 Korintiyeku 12:10

Ɓu̱ njif nggur gwakya vu̱rti nu̱ shir ɗye lazhamku, ɓu̱ njif nggur ɗya zu̱r ɓalar nu̱ Magham zu̱ki yenda ku̱ ze nduki. Yang ɓu̱ njif nggur ka zu̱nkya pooni jiimbiku zum zum, njif nggur ɓaran ɗya maghar me ghiindiku zum zum, njif nggur yang ka ɗu̱ma zu̱ mbu̱ ɗyi nu̱ke ta zu̱ran ndu̱ me ghiindikwang.

1 Korintiyeku 14:29

Annabiku rap ma yir kunung ku̱ shi ɓalarang, tu̱ ɓeenan nggu̱t mbu̱ ɗyi nu̱ zu̱ki kwang.

1 Tasalonikeku 5:20

Ku̱ ndu̱m nu zu̱r ɓu̱ Magham nu̱ ɗa ɓa ki ye nu ɓa.

1 Tasalonikeku 5:21

Buu ma aa nu̱m dong, tun khuɓ ɗyi nu̱ke mbari.

2 Tasalonikeku 2:2

ku̱ memu̱na nu shikhla ba ndolndol wanang ɓa, yang ku̱ jiimbonu shi ji za fu̱ɗar ɓu̱ Zhinerem gwaanji wa woɗa ɓar ɓa. Bai tu̱ njif nggur ze nu za chem wa zu̱ wanang sarchi nu̱ke chem a waazu gom, bai mbe zu̱r ɗyi nu̱ Magham zu̱ki yerem gom, bai tu̱k za chem bu̱lakyang lagarkati ye wor gom.

1 Timoti 4:1

Nang ɗo, Jiimbyang wa wut ye dalangi za ye lauɗar su̱ qaandi virkirku ɓeeni nduki ka njig maita ɗyi nyem maitaki, tu̱ mbu jiimbiku nu̱ lambari ndu̱ shogar ɓu̱ khu̱kheetiku.

2 Timoti 3:13

Yang nduki malkandi ndu̱ nu̱ lambar ku nu̱ tlu̱nar malkandi ku ka shaata maatli, a lamba nduki, nduki a lamba wora.

2 Bitu̱rus 2:1

Annabi kotameku a vi ku nu̱ mbu̱ nduki ɓu̱ Magham. Yang tu̱k, maalu̱mku nu̱ wollo ka ɗa vi chele ɓaanu. Ka ɗa ɓa ndu̱ shogar ku nggur mbu̱ tuka, tu̱ shi shogar wollo ye nduki ma su̱bu̱r wora. Ka zhang Zhinerem gwaanji nu̱ dliiki nyifi ɓaanda gha. Shir wanangang ka ɗa ɓa ndu̱ mu̱ti ɓaanda ɓu̱ shoɓ ɓa.

1 Yokhana 2:18

Tun qusonggi ɓanga, nang ke lauɗar su̱ qaandi virkirku. Ba wa nun tu̱kki za, nu̱ zhangndi Masiya a nje a ɓari, yang aa leendang nu̱ zhangndi Masiya ku khang a ɓa. Nang ke ɗyi nu̱ saki chem zu̱n za chem a mbu̱ lauɗar su̱ qaandiku.

1 Yokhana 2:7

Tun raptaku nu̱ke nga ndolaran, nga bu̱lar nang ma vu̱r nga bibiti nggur ye nu ɓa. Ai, ɗya ba bibiti nu̱ zhu nu̱ vu̱rki ye nu gumapaali. Yang bibiti nu̱ zhu nang ɗya ba bibiti nun woɗaki tu̱ktan.

2 Yokhana 1:7

Nu̱ lambar nduki khang a vi ku, tu̱ lakhtan aa fu̱n mbu̱ larji. Nu̱ maita ku za Yesu Masiya a ɓa mbu̱ larji mbu̱ manva ɓa. Kap nu̱ pooni shogar nang wor ke nu̱ lamba ndu̱ nu̱ zhangndi Masiya.

3 Yokhana 1:11

To rapta nu̱ke nga ndolaran, mbu na maatli khali ɓa, me ɓu̱ nang, shi tlu̱nar mbarkandi. Nu̱ shir ɗyi mbarkandi ɗya ɓu̱ Magham. Yang nu̱ shir ɗyi malkandi nu̱ zu̱n Magham sar da ɓa.

Ɗyin mbu̱ tukari 2:2

Nga zu̱n ɗye shir ɓaaro, ndu̱ khang tlu̱nar ɓaaro ndu̱ kaɗanyi mbe maito nu̱ke ta shiran mbu̱ bonyeku. Nga zu̱n no ka dlu̱ yen ndu̱ nu̱ mu̱narku ɓa. Ta buu nduki nu̱ ka qaki var wor za wor pudeku nggwa, yang wanang ku ɓa, ta gwa ɗya nu̱ wollo ku.