1 Yokhana 3:8 - Mewar Alqawarang

⁸ Sheɗan ɗya nu̱ sola gumapaali, ku̱me nang kap njif nu̱ zu̱mki guma ndu̱ shir sola ɗya ɓu̱ Sheɗan. Ɗyi nu̱ saki tu̱ Yi ɓu̱ Magham a ɓa larji ma ku̱ su̱ya tlu̱nar ɓu̱ Sheɗan nu̱gha.

1 Yokhana 3:8 Iomraidhean Croise

Matta 12:28

Yang mbu̱ ngaa komba khu̱kheetiku nang ɓar ndu̱ zalale ɓu̱ Jiimbi shakhshakhndi, na wa wuɗ za kwaaɗar ɓu̱ Magham a ɓa ye nu ɗo.

Matta 13:38

Damang ɗya larji, pooni mbarkandang ɗya qusa kwaaɗarang, gululang ɗya qusonggi ɓu̱ nu̱ mu̱narang.

Matta 4:3

Tu̱ Sheɗan nu̱ buurang a ɓa she nda za, “Mbu̱ to Yi ɓu̱ Magham, ze ndogdiku nang ku̱ gaɓ ma ɗye zu̱mndi.”

Markus 1:24

fan ndu̱ fan tu̱ da su̱quran nu̱ viɗi, a zu̱ran za, “Njigterem, nu̱m baki rem ndu̱ twa? To Yesu khuzi Nazaret? Ta ɓa ma tlagha rem mu? Ngaa zu̱ndoro, to ke njif Shakhshakhndi ɓu̱ Maghamang.”

Luka 10:18

Tu̱ Yesu tlogha ye wor za, “Ngaa na Sheɗan aa nggu̱ɗ viɗi wa wuti maari.

Yokhana 12:31

Nang ke sarchi nu̱ke ka kumaki larji, ka komba nu̱ kwaaɗar larji nang.

Yokhana 16:11

Yang nu̱ shi kwaari mbarkandi ku ɗyine kuma zum ɓa, ku̱me wa woɗa dla kumar nu̱ ɗyine nu̱ kwaaɗar larji nang.”

Yokhana 8:44

Tun ɓu̱ zhinonu Sheɗan, yang tun a shim shir ɗyi nu̱ke a shiran tu̱k. Ɗya nu̱ tlaghar mu̱ɗi gumapaali yang nu̱ damta ndu̱ zhire ɓa, ku̱me zhire nje mbe nda ɓa. Mbu̱ wa kota wollo aakochi a shikya me ghai ɓaran, ku̱me ɗya nu̱ kotama, zhinkir ɓu̱ wollo.

Romeku 16:20

Magham nu̱ vu̱rti qaandi memu̱na, ɓu̱ shoɓ ɓa ka takhsha Sheɗan nu̱ mbu̱ saran. Ku̱ mu̱nkir ɓu̱ Zhinerem gwaanji Yesu khan su̱yen ndu̱ tunu.

Afiseku 2:2

Nang ke sarchi nu̱ke tun mbu ki njiv malkandiku nu̱ larji nang, tun a mbu kuji ɓu̱ nu̱ zalaleku nu̱ mu̱na viɗi, nang ke khu̱kheetiku malkandi nu̱ka sokhki nduki ku̱ zhang mbu zu̱r ɓu̱ Magham gha.

Kolosiyeku 2:15

Wa lawa ɗye dakhlar ɓu̱ nu̱ zalale ku ndu̱ nu̱ kwaaɗarku ɓara, tu̱ wuɗ kawar ye wor ye dalangi, nu̱ ku̱nshe duti wor gaanje nda mbu̱ kashar zu̱mndi loobo dakhlar ɓaran.

1 Timoti 3:16

Keele su̱ ɓa, ɗyi tukakandi nu̱ mbu̱ ghaari ghai ɓaarem gor maɗyi: Wa wut varan mbu̱ man va, Jiimbyang wa wut za chin nu̱ zhire. Tu̱ nu̱ ru̱ktiku ɓu̱ Magham na nda, tu̱ wopa nda ye nduki nu̱ larji, tu̱ nduki maita nda mbu̱ larji kap, tu̱ da nda ma yir viɗi mbu̱ zhaaji.

Yibraniyeku 2:14

Yang nu̱ke qusonggi nang ɗya dlu ndu̱ tom, tu̱ kha wa wor tu̱k nu̱ daki man var nu̱ke ɗya dlu ndu̱ tom tu̱ kha man var wor wayen. Shi wanang ma ku̱ tlagha nji njif nu̱ke zalale mu̱ɗi a mbu̱ kharan, chin ke Sheɗan, nu̱ ku̱nshe mu̱ti ɓaran nu̱ shiki.

Yibraniyeku 9:26

Mbu̱ tu̱ga ka shi wanang, ai, tu̱ga Yesu ka ki za bonye aakochi, ma nu̱ du̱ngki larji. Yang wonji a ɓa ba sar kaada mbu̱ lauɗar su̱ qaandiku nang ma ku̱ da nji solarku ɓara nu̱ vu̱rki ɗyinan ku̱men.

2 Bitu̱rus 2:4

Aa nu̱ ru̱ktiku ɓu̱ Magham, sarchi nu̱ shiki zop ku zhu, nu̱ Magham njig wor ɓa, wa mbuk wor nu̱ mbu̱ giɗim ɓai. Tu̱ gu̱n wor nu̱gha mbu̱ geeku kirkandi nu̱ke maaran zhum. A bu fu̱ɗar kumari.

1 Yokhana 1:2

Yang wa wut nyifi nang yerem, chem wa na nda. Chem a saidakya nda chem a zu̱ran ye nu nu̱ ɗyine chin ke nu̱ nyifiri nu̱ke nu̱ka shi woɗa ɓa. A nje su̱yen ndu̱ Zhinkirang mbu̱r fara, yang tu̱ wut varan yerem.

1 Yokhana 3:10

Wonji ɗyi nu̱ saki chem zu̱n qusonggi ɓu̱ Magham ndu̱ qusonggi ɓu̱ Sheɗan. Kap njif nu̱ke nu̱ka shi ɗyi nu̱ke torop ɓa, ɗya yi ɓu̱ Magham ɓa, yang njif nu̱ke nu̱ ka ndola mu̱dlen ɓa, ɗya yi ɓu̱ Magham tu̱k zum ɓa.

1 Yokhana 3:5

Tun wa zu̱n nu̱ ɗyine Yesu a ɓa ma ku̱ da nji solarku ɓaarem ɓara, yang sola nje mbe nda ɓa.

1 Yokhana 5:19

Chem wa zu̱n nu̱ ɗyine chem qusonggi ɓu̱ Magham, yang larji kap a mbu̱ khar Sheɗan.

Yakhuda 1:6

Yang nu̱ ru̱ktiku ɓu̱ Magham nu̱ke nu̱ ching nu̱ ye maa nu̱ Magham saki wor nu̱ su̱ ku ɓa, tu̱ njig ye maa khar ɓaanda, Zhinkir gwaanji wa khi wor nu̱ mbu̱ zhum maari. Tu̱ gu̱n wor gha ndu̱ yakhli koɗokhsi ɓa ma yir ye sarchi kumar ye fu̱ɗar gwaanji nu̱ke a ɓar nang.

Ɗyin mbu̱ tukari 20:10

Yang chin Nu̱ Mu̱nar nu̱ lambaki worang, tu̱ mbukti nda nu̱ mbu̱ giɗim ɓai gu̱rgu̱rndi nu̱ ɓai solfa, ye maa nu̱ mbukki dlu gaari nang nu̱ mban su̱yen ndu̱ annabi kotame nang. Ka za bonyeku fara virkir ndu̱ fu̱ɗari, aakochi koɗokhsi ɓa.

Ɗyin mbu̱ tukari 20:15

Kap njif nu̱ke dlu̱man a nje mbu̱ Lagarkati Nyifiri ɓa, wa mbukti nda nu̱ mbu̱ giɗim ɓai.