1 Yokhana 3:7 - Mewar Alqawarang

⁷ Tun qusonggi ɓang nu̱ke nga ndolaran, ku̱ aaki lamba nu ɓa. Nu̱ shir zhire ɗya nu̱ dambi ba wa nu̱ke Masiya ɗya nu̱ dambi.

1 Yokhana 3:7 Iomraidhean Croise

Matta 5:20

Jiwa nga zu̱ran ye nu, mbu̱ nun duk Maalu̱mku ndu̱ Pariseku ndu̱ jeembu ɓa shwat tun ɓu̱ vi nu̱ mbu̱ kwaaɗar ɓu̱ Magham ɓa.

Luka 1:75

Ku̱me khami shakhshakh ndu̱ jeembu mbu̱ khar viti ɓaarem kap.

Tlu̱nar ɓu̱ Pudeku 10:35

A shimkya nu̱ sawar nda kom ndu̱ njif nu̱ka shiki ɗyi nu̱ke torop nang ke njif nu̱ke khar viti ɓaran wa kha mbar she Magham aa a vi mbu̱ aa nyi dlar ghai.

Romeku 2:13

Jiwa tu̱kti Bibitang ka saki tu̱ nduk kha ma nu̱ dambi gume Magham ɓa, tlu̱nar ɗyi nu̱ Bibitang zu̱ki ka saki tu̱ qa wor nu̱ dambi.

1 Korintiyeku 6:9

Nun zu̱n za nu̱ mu̱narku ɓu̱ vi nu̱ mbu̱ kwaaɗar ɓu̱ Magham ku ɓa goma? Ku̱ nduk lamba nu ɓa ku̱me nu̱ zawar mbu̱ khu̱rti ku a nje, ndu̱ nu̱ ghaari ghai ye mu̱lu̱mku. Kom ndu̱ nu̱ ɓu̱rti ku nu̱ke a zawarku, ndu̱ khuzuku nu̱ nduki ka qanki ndu̱ wora, ndu̱ khuzuku nu̱ka qanki ndu̱ yen kom ndu̱ nusuku nu̱ka qanki ndu̱ yen.

Afiseku 5:6

Ku̱ nduk lamba nu ndu̱ ɓalar bamndi ɓa. Ai, shokhnar ɓu̱ Magham ka ɓa nu̱ ɗyine nu̱ zhangndi tu̱kti maa ku ku̱me pooni solarku nang.

Afiseku 5:9

(ku̱me yarang ke nu̱ vu̱r boote maɗyikandi mbe tlu̱nar mbarkandi, ndu̱ khar dambi, ndu̱ ɓalar zhire)

Filipiyeku 1:11

Nga barari ku̱ khar viti ɓaanu kha nyeedlan ndu̱ tlu̱nar mbarkandi ku nu̱ ka wutki ɗye shir mbarkandi nu̱ke nduk ka gwa poonan she Yesu Masiya ɗyenda ma vu̱r zhaaji ndu̱ khamndi Magham.

Yibraniyeku 1:8

Yang ɗyine Yi ɓaranang, tu̱ zu̱ za, “Zhakhɗye kwaaɗar ɓaaro, ai Magham, a nje aakochi me tu̱ɓ su̱ ɓa, zaaɓir kwaaɗar ɓaaro ɗya nu̱ dambi.

Yibraniyeku 7:2

Tu̱ Yibram vu̱r zake ɓu̱ aa nu̱m yenda. Gumapaali, dlu̱m Melkizedekang mban za “Kuji Dambu.” Kom ndu̱ kuji Salem tu̱k, mban za, “Kuji Qaandi Memu̱na.”

Yaqub 1:22

Ku̱ lamba nu ɗyinonu za tun a tu̱k ɓalar ɓu̱ Magham ɗyenda ɓa, shi ma ɗyi nu ɓalar ɓaranang zu̱ki ye nu.

Yaqub 2:19

Ta maita no za Magham kaada. Nang mbari! Yang aa khu̱kheetiku wa maita nang, ndu̱ dlu̱rti vari.

1 Biturus 2:24

Chem shiki sola, yang chin daki solarku ɓaaremang ye ɗyinan sarchi nu̱ katlki nda gha me qu̱fari. Shi wanangang ma ku̱ shakh mi ndu̱ solarku ɓaarem nu̱ ku̱nshe mu̱ti ɓaran, shem khar ɓaarem ndu̱ dambi. Ruɓar nu̱ shiki yenda saki tun shaana.

1 Yokhana 2:1

Qusonggi ɓang nu̱ke nga ndolaran, nga bu̱lar nang ye nu ma ku̱ shi nu sola ɓa. Mbu̱ yang njif nggur wa shi sola, nu̱ shaatar a nje khaarem nu̱ke ka chingki yerem gume Zhinkirang, chin ke, Yesu Masiya, Nu̱ Dambyang.

1 Yokhana 2:26

Nga bu̱la ɗyikunang ye nu nu̱ ɗyine nduki nu̱ke a shim lamba nu ma gal nu gha.

1 Yokhana 2:29

Mbu̱ tun wa zu̱n nu̱ ɗyine Chin ɗya nu̱ dambi, tun ka zu̱n shwat nu̱ ɗyine njif nu̱ka shiki ɗyi nu̱ke torop ɗya yi ɓu̱ Magham.

1 Yokhana 3:18

Tun qusonggi ɓang nu̱ke nga ndolaran wut nu ndolar ɓaanu ve me ɗyenda ɓa, wut ma mbu̱ tlu̱nar ɓaanu ndu̱ shir zhire.

1 Yokhana 3:3

Kap njif nu̱ saki memu̱naran nu̱ ɗyine Masiya wa ka shi khar shakhshakhndi wa nu̱ke chin shakhshakh.

1 Yokhana 4:17

Nu̱ ku̱nshe nang ndola wa kha nyeedlan mbe rem ma ku̱ kha mi ndu̱ shokhku̱rokh memu̱na fu̱ɗar nu̱ke Magham a ma kuma rem. Jiwa ba wa nu̱ke Masiya si, chem wanang tu̱k mbu̱ larji nang.