1 Yokhana 3:6 - Mewar Alqawarang

⁶ Ku̱me nang kap njif nu̱ke a khar mbe Masiya ɓu̱ zu̱m guma ndu̱ sola ɓa. Kap njif nu̱ zu̱mki guma ndu̱ sola, nu̱ na Yesu sar da ɓa, yang nu̱ zu̱n nda tu̱k sar da ɓa.

1 Yokhana 3:6 Iomraidhean Croise

2 Korintiyeku 3:18

Chem nu̱ke mbu̱ yiterem lu̱paran ɓa, chem a wutkya yarang ɓu̱ zhaaji ɓu̱ Zhinkir gwaanji wa ɗye nari, a mbu̱mderem ma ku̱ shipa mi nda. Mbu̱mndi nu̱ke a shiran yerem nang ba a shaatar mbu̱ zhaaji na viki she Zhinkir gwaanji, nu̱ke ɗya Jiimba.

2 Korintiyeku 4:6

Jiwa Magham nu̱ zu̱ki za, “Ku̱ yarang shi mbu̱ zhum maari,” chin saki yarang ɓaran ku̱ shi mbu̱ memu̱narem, ma ku̱ shi yarang ye nduki ku̱ zu̱n ku za nduk ka na zhaaji ɓu̱ Magham nu̱ ku̱nshe Masiya.

1 Yokhana 2:28

Leendang, tun qusonggi ɓang nu̱ke nga ndolaran zu̱m ma guma ndu̱ khar mbe Masiya, ku̱me fu̱ɗa ɓar ɓaran chem ɓu̱ tu̱k kawa ɓa chem ka kha ndu̱ shokhku̱rokh memu̱na gume nda.

1 Yokhana 2:3

Mbu̱ chem wa mbu zu̱r ɓu̱ Magham, nang ka wut nu̱ ɗyine chem wa zu̱n nda.

1 Yokhana 2:4

Kap njif nu̱ zu̱ki za, “Nga zu̱n Magham,” yang nu̱ka mbu zu̱r ɓu̱ Magham ɓa, njif nang ɗya nu̱ wollo, yang zhire nje mbe nda ɓa.

1 Yokhana 3:2

Raptaku nu̱ke nga ndolaran, leendang chem qusonggi ɓu̱ Magham. Nu̱ wut ɗyi nu̱ke chem ka khaki gana fan dong ɓa. Yang chem wa zu̱n nu̱ ɗyine mbu̱ Masiya a gaɓi chem ka kha wa chin, ku̱me chem ka na nda wa nu̱ke a si.

1 Yokhana 3:9

Kap njif nu̱ke ɗya yi ɓu̱ Magham ɓu̱ zu̱m guma ndu̱ sola ɓa, ku̱me ye pooni ɓu̱ Magham a nje mbe nda. Ɓu̱ ɗu̱ma zu̱m guma ndu̱ sola ɓa ku̱me wa kha ma yi ɓu̱ Magham.

1 Yokhana 4:8

Kap njif nu̱ke nu̱ka wut ndola ɓa, nu̱ zu̱n Magham sar da ɓa, ku̱me Magham ɗya ndola.

1 Yokhana 5:18

Chem wa zu̱n kap njif nu̱ke ɗya woi ɓu̱ Magham, nu̱ka zu̱m guma ndu̱ shir sola ɓa, ku̱me Yi ɓu̱ Magham a kangga nda, ma ku̱ Sheɗan su̱ɓa nda ɓa.

3 Yokhana 1:11

To rapta nu̱ke nga ndolaran, mbu na maatli khali ɓa, me ɓu̱ nang, shi tlu̱nar mbarkandi. Nu̱ shir ɗyi mbarkandi ɗya ɓu̱ Magham. Yang nu̱ shir ɗyi malkandi nu̱ zu̱n Magham sar da ɓa.