1 Yokhana 3:5 - Mewar Alqawarang

⁵ Tun wa zu̱n nu̱ ɗyine Yesu a ɓa ma ku̱ da nji solarku ɓaarem ɓara, yang sola nje mbe nda ɓa.

1 Yokhana 3:5 Iomraidhean Croise

Matta 1:21

Ka kha ye khusku, yang to ka qa dlu̱man Yesu, ku̱me chin ka ɗanaki nduki ɓaran mbe solarku ɓaanda.”

Luka 23:41

Yang kumar nu̱ shiki yeremang wa shi torop, ku̱me chem a za kya ɓu̱r ɓu̱ ɗyi nyem shiki. Yang ɓu̱ njif nang nu̱ shi zop nggur aa da ɓa.”

Luka 23:47

Nu̱ gorkir ɓu̱ sojeku nu̱ke a nje, naki ɗyi nu̱ ɗatlkyang, tu̱ gor dlu̱m Magham, a zu̱ran za, “Njif nang ɗya nu̱ jeembu shwat.”

Yokhana 1:29

Vi dumaaran, tu̱ Yokhana na Yesu a ɓar she nda. Tu̱ Yokhana zu̱ za, “Nggu̱t ma! Wonji Ye gamndi ɓu̱ Magham nu̱ kya da solar ɓu̱ larji ɓara.

Yokhana 1:31

Nga ndu̱ vara nang zu̱n nda ɓa, ku̱me wuɗ nga nda ye Israila chin saki ta nga ɓa, tang anya baptisme ye nduki ndu̱ ɗyimi.”

Yokhana 14:30

Ngam shi ɓala khang ye nu leendang tu̱k ɓa, ku̱me nu̱ kwaaɗar larji nang a nje a ɓari, yang zalale nje kha nda ɗyina ɓa.

Yokhana 8:46

Nduk a nje chele ɓaanu nu̱ke ka wuɗki za nga shi zop sar da mu? Yang mbu̱ke nga zu̱kya zhire, nu̱m saki nun maita nga ɓa?

2 Korintiyeku 5:21

Masiya nu̱ shi sola sar da ɓa, yang tu̱ Magham gaɓ ndu̱ chin ma sadke sola ku̱me chemi. Nang ke ɗyi nu̱ saki chem kha ma nu̱ jeembu she Magham mbe Masiya.

1 Timoti 1:15

Ɓalar nang ɗya ndooga: nu̱ke wa ku̱s ku̱ aaki maita, Masiya Yesu a ɓa larji ma ɗana nu̱ solar ku, yang chele ɓaanda kap nga ke kuji.

1 Timoti 3:16

Keele su̱ ɓa, ɗyi tukakandi nu̱ mbu̱ ghaari ghai ɓaarem gor maɗyi: Wa wut varan mbu̱ man va, Jiimbyang wa wut za chin nu̱ zhire. Tu̱ nu̱ ru̱ktiku ɓu̱ Magham na nda, tu̱ wopa nda ye nduki nu̱ larji, tu̱ nduki maita nda mbu̱ larji kap, tu̱ da nda ma yir viɗi mbu̱ zhaaji.

Titus 2:14

Yesu vu̱rki ɗyinan ma ku̱ dli ɗyinerem chem kha ma nduki zumndi nu̱ke a kashar shir ɗyi mbarkandi ku.

Yibraniyeku 1:3

Chin ke yarang ɓu̱ zhaaji ɓu̱ Magham ndu̱ shipar ɓu̱ Magham shiku̱tku̱t. A khar da ndu̱ Magham. Chin khubki aa nu̱m nu̱ ku̱nshe ɓalar ɓaran nu̱ke zalale a si. Qu̱rse nu̱ shiɓki solarku nu̱ gha, tu̱ khan mbu̱ viɗi ɗyin bu̱n zu̱ma ɓu̱ Nu̱ Zhaaji kap.

Yibraniyeku 4:15

Jiwa chin gorkir kuru ɓaaremang ɗya njif nu̱ damtaki ndu̱ tu̱ɓti ɓaarem. Ku̱me wa gwa buuriku ve aa nyi njiv nu̱ buuki rem, yang nu̱ shi sola ɓa.

Yibraniyeku 7:26

Chem a gangkya pooni gorkir kuru nang. Chin shakhshakh, waare zop, shibtan, wa wakanda nu̱ konggol tu̱ njig nu̱ solarku, tu̱ da nda nu̱ viɗi ɗyine aa nu̱m kap.

Yibraniyeku 9:26

Mbu̱ tu̱ga ka shi wanang, ai, tu̱ga Yesu ka ki za bonye aakochi, ma nu̱ du̱ngki larji. Yang wonji a ɓa ba sar kaada mbu̱ lauɗar su̱ qaandiku nang ma ku̱ da nji solarku ɓara nu̱ vu̱rki ɗyinan ku̱men.

Yibraniyeku 9:28

wanang tu̱k wa vu̱r Masiya sar kaada ma ku̱ da solarku ɓu̱ nduki khang. Masiya ka ɗa ɓa nu̱ rapan, yang ka ɗa ɓakya ma da solarku ɓu̱ nduki ɓa, ka ɗa ɓakya ma ɗana nduki nu̱ke a kasha gaɓti ɓaran.

1 Biturus 1:18

Jiwa tun wa zu̱n nu̱ ɗyine wa dli ɗyinonu mbe me ghaiku bamndi nu̱ zhikannu njigki ye nu. Nu̱ dli ɗyinonu ndu̱ ɗyiku nu̱ka su̱bu̱rki wa ghuri ndu̱ ginarwe ɓa.

1 Biturus 1:20

Magham datkya chin me ku̱ du̱ng larji, yang wuti nda ye dalangi ye lauɗar su̱ qaandi virkirku nang ku̱me tunu.

1 Biturus 2:22

“Sar da nu̱ shi zop ɓa, nu̱ shi wollo sar da ɓa.”

1 Biturus 2:24

Chem shiki sola, yang chin daki solarku ɓaaremang ye ɗyinan sarchi nu̱ katlki nda gha me qu̱fari. Shi wanangang ma ku̱ shakh mi ndu̱ solarku ɓaarem nu̱ ku̱nshe mu̱ti ɓaran, shem khar ɓaarem ndu̱ dambi. Ruɓar nu̱ shiki yenda saki tun shaana.

1 Biturus 3:18

Jiwa Masiya mu̱t ku̱me solar ku sar kaada ye kharki, nu̱ dambi ku̱me nu̱ song dambi, ma ku̱ ɗu̱ ndu̱ tun she Magham. Wa tlagha nda nu̱ gha mbu̱ man va, yang wa vu̱r nyifi yenda mbu̱ jiimba,

1 Yokhana 1:2

Yang wa wut nyifi nang yerem, chem wa na nda. Chem a saidakya nda chem a zu̱ran ye nu nu̱ ɗyine chin ke nu̱ nyifiri nu̱ke nu̱ka shi woɗa ɓa. A nje su̱yen ndu̱ Zhinkirang mbu̱r fara, yang tu̱ wut varan yerem.

1 Yokhana 1:7

Yang mbu chem a yir ɓaarem mbu̱ yarang ba wa nu̱ke Magham a mbu̱ yarang, chem a khar ndu̱ yen ɗo. Tom ɓu̱ Yesu Yi ɓaran a shibterem nu̱gha mbe aa nyi sola.

1 Yokhana 2:1

Qusonggi ɓang nu̱ke nga ndolaran, nga bu̱lar nang ye nu ma ku̱ shi nu sola ɓa. Mbu̱ yang njif nggur wa shi sola, nu̱ shaatar a nje khaarem nu̱ke ka chingki yerem gume Zhinkirang, chin ke, Yesu Masiya, Nu̱ Dambyang.

1 Yokhana 2:2

Chin ke sadke yaapar solar ɓaarem yerem, yang ɓaarem ɗyenda ɓa, ndu̱ solarku ɓu̱ larji gumada.

1 Yokhana 2:29

Mbu̱ tun wa zu̱n nu̱ ɗyine Chin ɗya nu̱ dambi, tun ka zu̱n shwat nu̱ ɗyine njif nu̱ka shiki ɗyi nu̱ke torop ɗya yi ɓu̱ Magham.

1 Yokhana 3:8

Sheɗan ɗya nu̱ sola gumapaali, ku̱me nang kap njif nu̱ zu̱mki guma ndu̱ shir sola ɗya ɓu̱ Sheɗan. Ɗyi nu̱ saki tu̱ Yi ɓu̱ Magham a ɓa larji ma ku̱ su̱ya tlu̱nar ɓu̱ Sheɗan nu̱gha.

Ɗyin mbu̱ tukari 1:5

ndu̱ she Yesu Masiya, chin nu̱ke ɗya nu̱ saidu zhire. Chin nu̱ke ɗya Ye gomir nu̱ gumapaali nu̱ jiiki ɓar mbe mu̱ti, a kwaaɗar ɗyine kujiku nu̱ larji tu̱k. Chin nu̱ ndolaki rem, tu̱ lawa rem mbe solarku ɓaarem nu̱ ku̱nshe mbu̱ti tom ɓaran.