1 Yokhana 3:3 - Mewar Alqawarang

³ Kap njif nu̱ saki memu̱naran nu̱ ɗyine Masiya wa ka shi khar shakhshakhndi wa nu̱ke chin shakhshakh.

1 Yokhana 3:3 Iomraidhean Croise

Matta 5:48

Ku̱me wanang, tun kha nyeedlan wa nu̱ke Zhinonu nu̱ke a mbu̱ viɗi nyeedlan.

Luka 6:36

Tun kha ma nu̱ tu̱kti zhiyaye ba wa nu̱ke zhinonu nu̱ viɗi ɗya nu̱ nar zhiyaye.

Yokhana 17:19

Nga kha wakaran ku̱me wora, nga shim ku̱ gwa wakar zhirekandi ku.”

Tlu̱nar ɓu̱ Pudeku 15:9

Nu̱ shakh chele ɓaarem ndu̱ wor ɓa, ku̱me wa sa memu̱na wor tu̱ kha shakhshakh nu̱ ku̱nshe maitar Yesu nu̱ shiki ku.

Romeku 15:12

Yishaya tu̱k wa zu̱ za, “Njif nggur mbu̱ pooni ɓu̱ Jesse ka ɓa ji, Ka ji tu̱ shi kwaaɗar ɗyine dlar maa ɓu̱ nduki, nduki nu̱ke ɗya Yakhudeku ɓa ka gwa sar memu̱nar mbe nda.”

2 Korintiyeku 7:1

Nu̱ke wa shi alqawar ɗyiku nang yerem kap, nyeezaku, ku̱ shakh mi ɗyinerem ndu̱ ɗyiku nu̱ke ka saki tu̱ man vaarem ndu̱ memu̱na rem kha zopan. Bu ku̱ khar viti ɓaarem kha shakhshakh nyeedlan nu̱ sawar Magham.

Kolosiyeku 1:5

Maito ndu̱ ndolar nun wutki nang tun shi ku̱me tun a sa memu̱na nu nu̱ ɗyine ɗyi mbarkandi ku nu̱ke a nje du̱ngdan gha mbu̱ viɗi ku̱me tunu. Nang ke Labar mbarkandi nu̱ zu̱ki ye nu gumapaali, chin ɓalar zhire nun tu̱kkyang.

2 Tasalonikeku 2:16

Bu ku̱ Zhinerem gwaanji Yesu Masiya ndu̱ ɗyinan, ndu̱ Magham Zhinkir ɓaarem, nu̱ke a ndolarem, vu̱r shokhku̱rokh me bu̱n yerem nu̱ke nu̱ka shi woɗa ɓa, ndu̱ sar memu̱nar mbarkandi nu̱ ku̱nshe mu̱nkir ɓaran.

Titus 3:7

Shi wanangang ma ku̱ gwa mi khar waare zop gume Magham nu̱ ku̱nshe mu̱nkir ɓaran, chem zu̱m ɗye mbu̱ ge nyifiri nu̱ke nu̱ka shi woɗa ɓa nu̱ke memu̱na rem saran ɗyinan.

Yibraniyeku 12:14

Shi ma ɗyi nu̱ke tun ka ɗu̱maki ma ku̱ kha nu mu̱n ndu̱ aaki, tun kha shakhshakh, ku̱me nduk a nje nu̱ke ka naki Magham waare khar shakhshakhndi ɓa.

Yibraniyeku 6:18

Yang ɗo, ɗyiku a nje rap nu̱ke nu̱ka shi paata ɓa, yang ɓu̱ shi tu̱ Magham shi song zhire ɗyinan ɓa. Nu̱ke ɗyinang ɗya ɗye par du̱mbu̱r ye memu̱narem maɗyi, chem nyem ɗaki ku̱me gwami chem khuɓ maitwang, chem ka gwa par du̱mbu̱r maɗyi.

Yibraniyeku 7:26

Chem a gangkya pooni gorkir kuru nang. Chin shakhshakh, waare zop, shibtan, wa wakanda nu̱ konggol tu̱ njig nu̱ solarku, tu̱ da nda nu̱ viɗi ɗyine aa nu̱m kap.

Yaqub 4:8

Kha ma bing ndu̱ Magham, Magham ka shi bing ndu̱ tunu. Tun nu̱ solar ku, tun kwaɗa ɗye shir ɓaanu tun kha wakaran. Tun nu̱ke memu̱nanu rap rap yang, shiɓ ma memu̱na nun gha

1 Biturus 1:15

Yang nu̱ke Magham nu̱ qaki nu shakhshakh, tun kha shakhshakh tu̱k mbe ɗye shir ɓaanu kap.

1 Biturus 1:3

Barke wa kha Magham, Zhin Zhinerem gwaanji Yesu Masiya! Chin tu̱kki zhiyaye ɓaarem maɗyi, tu̱ vu̱r mewar nyifi yerem ndu̱ sar memu̱nar nu̱ nyifiri nu̱ ku̱nshe jiiri ɓu̱ Yesu Masiya ɓar mbe mu̱ti.

2 Bitu̱rus 1:4

Nu̱ Ku̱nshe ɗyiku nang wa vu̱r alqawarku ɓaran gwaanji ku nu̱ zhaaji, ma ku̱ gwa nu me Maghamndi ɓaran nu̱ ku̱nshe ɗyiku nang, tun lawa mbe mu̱narku nu̱ke a larji nu̱ke shimndi ɗyiku malkandi ka ɓa ki si.

2 Bitu̱rus 3:14

Ku̱me nang, raptaku nu̱ke nga ndolaran, nu̱ke tun a bu ɓar ɓu̱ fu̱ɗarang, tun shi ɗyi nu̱ke tun ka ɗu̱maki shiran kap tun shi khar ɓaanu gume Magham waare chiɓi ndu̱ beeko zop ngguri. Tun shi khar ɓaanu gume nda mbu̱ qaandi memu̱na.

1 Yokhana 2:6

Kap njif nu̱ zu̱ki za chin a khar mbe Magham, wa ku̱s ku̱ shi yir wa nu̱ Masiya Yesu shiki.

1 Yokhana 4:17

Nu̱ ku̱nshe nang ndola wa kha nyeedlan mbe rem ma ku̱ kha mi ndu̱ shokhku̱rokh memu̱na fu̱ɗar nu̱ke Magham a ma kuma rem. Jiwa ba wa nu̱ke Masiya si, chem wanang tu̱k mbu̱ larji nang.