1 Yokhana 3:22 - Mewar Alqawarang

²² Chem wa ka gwa ɗyi nyem khuɗki she nda kap, ku̱me chem a mbu zu̱r ɓaran, chem a shi ɗyi nu̱ke a shimndan.

1 Yokhana 3:22 Iomraidhean Croise

Matta 17:5

A mbu̱ ɓalarang, tu̱ ku̱zapti nu̱ke a wuti, a ɓa tu̱ za wor nu̱gha, tu̱ tu̱k su̱qur mbu̱ ku̱zaptang a zu̱ran za, “Nang ɗya Yi ɓanga, nu̱ke nga ndolaran, ngaa tu̱k mu̱ndi ɓaran maɗyi. Gwa ma dlu̱mndonu yenda.”

Matta 21:22

Mbu̱ tun wa maita, aa nu̱m tun khuɗki she Magham mbe barari, tun ka gwa.”

Markus 11:24

Ku̱me nang, nga zu̱ran ye nu, kap ɗyi nu̱ke tun a shimndan, mbu̱ tun wa khuɗi mbe barari, tun maita za tun wa gwa ɗyen, ku̱me tun ka gwa.

Yokhana 14:13

Ɗyi nun khuɗki kap mbu̱ dlu̱ma ngga shi, ku̱me ku̱ Zhinkirang gwa zhaaji nu̱ ku̱nshe Woyang.

Yokhana 15:10

Nga mbu zu̱r ɓu̱ Zhinkir ɓang tang khan mbu̱ ndolar ɓaran tu̱k. Wanang tu̱k mbu̱ tun wa mbu Woparku ɓang tun ka khan mbu̱ ndolar ɓanga.

Yokhana 15:7

Mbu̱ tun wa khan mbya, tu̱ ɓalar ɓang khan mbe nu, tun ka khuɗ ɗyi nu̱ke tun a shimndan kap, ka shi ye nu.

Yokhana 6:29

Tu̱ Yesu tlogha ye wor za, “Wonji ma ɗyi nu̱ke Magham a shimndanang, maita ma njif nu̱ ɗa ru̱kkyang.”

Yokhana 8:29

Njif nu̱ ɗa ru̱kki ngang a nje su̱yen ndu̱ nga, nu̱ njigti nga ɗyenda ɓa, ku̱me nga shikya ɗyi nu̱ke a shimndan aakochi.”

Yokhana 9:31

Chem wa zu̱ni Magham nu̱ka tu̱k me nu̱ sola ɓa, yang wa ka tu̱k me njif nu̱ka gharki ghai yenda, a mbu̱ zu̱r ɓaran.

Tlu̱nar ɓu̱ Pudeku 17:30

Zhu tang Magham nu̱ kuma nduki ku̱rku̱r ndu̱ zop ɓaanda ɓa, ku̱me song zu̱ndi ɓaanda. Yang leendang wa qa nduki aa fu̱n ku̱ nggoɗ ku.

Tlu̱nar ɓu̱ Pudeku 20:21

Nga wu Yakhudeku ndu̱ Gu̱rik ku ku̱ nggoɗ ku mbe solar ɓaanda, ta gaɓ nu̱ she Magham, tu̱ maita Zhinerem gwaanji Yesu.

Filipiyeku 4:18

Tun wa shi aa nu̱m ya, ɗyi nun shiki wa duk ɗyi nu̱ke nga gangndan. Mba zhiran, nu̱ke nga gwa ɗyiku nun ru̱kki su̱ ya mbu̱ khar Apafaroditus. Nang ɗya sadke nu̱ke zhiran mu̱n maɗyi, ɗya vu̱rti mbarkandi nu̱ke Magham ka dlu̱ki san tu̱ tu̱k mu̱ndan.

Kolosiyeku 1:10

Tun ka ɗu̱ma tun shi khar viti ɓaanu wa nu̱ke Zhinerem gwaanji a shimndan, tun a zu̱m guma ndu̱ shir ɗyiku nu̱ke a shimndan ve aa nyi njiva. Khar viti ɓaanu ka wut ɗye shir mbarkandiku, tun a shaata zu̱ndi Magham.

Yibraniyeku 13:21

daasa nun gha ndu̱ aa nyi tun nu̱ke mbari ma ku̱ shi nu shimndi ɓaran. A tlu̱na ɗyi nu̱ ghaɗye ɓaran daki yenda mbe nu, nu̱ ku̱nshe Yesu Masiya; zhaaji wa kha ɓaran koɗokhsi ɓa. Amin.

Yaqub 1:5

Mbu̱ ke nduk a nje chele ɓaanu nu̱ke kaɗari ve nda ɓa, ku̱ khuɗ Magham nu̱ka vu̱rki ye aaki kharan nggaran yang nu̱ka zham me nduk ɓa, ka vu̱r yenda.

Yaqub 4:3

Yang aa tun wa shi bararang nun ka gwa ɓa ku̱me tun ku̱rkya ɗyi malkandi. Tun a shim sagha ɗyi nu̱ke tun ka gwakyang ye maa tlu̱nar bamndiku ma laɓ tu̱kti mu̱ndi ye vaanu.

Yaqub 5:16

Ku̱me nang zu̱ma zop ɓaanu ye yen, tun ki barar ye yen, ma ku̱ shaana nu. Barar ɓu̱ nu̱ dambu wa ka shi tlu̱nar ndu̱ zalale maɗyi.

1 Yokhana 2:3

Mbu̱ chem wa mbu zu̱r ɓu̱ Magham, nang ka wut nu̱ ɗyine chem wa zu̱n nda.

1 Yokhana 5:14

Nang ke shokhku̱rokh memu̱nar nu̱ke a khaarem nu̱ke chem ka napaki Magham si: wa ka tu̱kterem aakochi mbu̱ chem wa khuɗ ɗyi nu̱ke ɗya shimndi ɓaran.