1 Yokhana 3:2 - Mewar Alqawarang

² Raptaku nu̱ke nga ndolaran, leendang chem qusonggi ɓu̱ Magham. Nu̱ wut ɗyi nu̱ke chem ka khaki gana fan dong ɓa. Yang chem wa zu̱n nu̱ ɗyine mbu̱ Masiya a gaɓi chem ka kha wa chin, ku̱me chem ka na nda wa nu̱ke a si.

1 Yokhana 3:2 Iomraidhean Croise

Matta 5:8

Barkya ve nduki nu̱ke memu̱na wor shakhshakh, ku̱me wor ka ɓa naki Magham.

Luka 17:30

“Ka shi ba wanang fu̱ɗar gaɓti ɓu̱ Yi ɓu̱ Nduku.

Luka 20:36

Sar da ɓu̱ mu̱ɗ ku tu̱k ɓa ku̱me nang ka kha wa nu̱ ru̱ktiku ɓu̱ Magham. Ka kha ma qusonggi ɓu̱ Magham ku̱me ɗya qusa jiiri mbe mu̱ti.

Yokhana 1:12

Yang koɗokh me nduki nu̱ dlu̱ki nda, tu̱ maita dlu̱man, wa vu̱r zalale ye wor ma ku̱ kha ma qusonggi ɓu̱ Magham.

Yokhana 11:52

Yang ku̱me Yakhudeku ɗyenda ɓa, ku̱me ku̱ ɗa taba ɗyin qusonggi ɓu̱ Magham nu̱ke lakhtaran aa fu̱n tu̱ kha da ku.

Yokhana 17:24

“Aba, nga shim nduki no vu̱rki ya nang ku̱ kha su̱yen ndu̱ nga ye maa nu̱ke nga si. Nga shim ku̱ na zhaaji ɓaa no vu̱rki ya ku̱me ta ndola nga me ku̱ du̱ng larji.

Romeku 8:16

Chin Jiimbi shakhshakhndang ndu̱ jiimbi ɓaarem a saidaran ku za shwat chem qusonggi ɓu̱ Magham.

Romeku 8:18

Ai, bonye nu̱ke chem a zaran leendangang ɗya aa nu̱m ɓa mbu̱ ta gonta nda ndu̱ zhaaji nu̱ke a ma wutan yerem gana fan.

Romeku 8:19

Sarchi a nje a ɓari nu̱ke Magham ka ɓa wutki qusonggi ɓaran ye dalangi. Yang ɗyiku nu̱ du̱ngki kap a ku̱rsa sarchi nang wa nu̱m gom.

Romeku 8:29

Jiwa Magham wa zu̱n nduki nyin datki nu̱ ɗawi, wor ke nduki nu̱ Magham bu̱laki nu̱ ve wor ku̱ da shipar ɓu̱ Yi ɓaran, ma ku̱ Yi ɓaranang kha ma nu̱ gumapaali chele nyeezanku khangndi.

1 Korintiyeku 13:12

Aa nu̱ke leendang chem a na shipar ɗyikwang wa mbu̱ ɗye nar nu̱ke vu̱lu̱ng vu̱lu̱ng, yang ye fu̱ɗaran chem ka na yiti ndu̱ yiti. Leendang zu̱ndi ɓanga shel ɓa, yang ye fu̱ɗar nang ngga zu̱n maɗyi ba wa nu̱ Magham zu̱nki nga.

1 Korintiyeku 15:49

Yang ba wa nyem daki shipar ɓu̱ njif nu̱ shiki nda ndu̱ kalau nang, chem ka da shipar ɓu̱ njif nu̱ ɗa ɓa ki viɗang tu̱k.

1 Korintiyeku 2:9

Yang a nje bu̱laran ba wanang nu̱ zu̱ki za, “Ɗyi nu̱ Magham daasaki ye nduki nu̱ke a ndola nda nang, ɗya ɗyi nu̱ke nduk a nje nu̱ naki sar da ɓa, yang nduk a nje nu̱ tu̱kki ɓa. Yang nduk a nje nu̱ korki ka shi tun wanang ɓa.”

2 Korintiyeku 3:18

Chem nu̱ke mbu̱ yiterem lu̱paran ɓa, chem a wutkya yarang ɓu̱ zhaaji ɓu̱ Zhinkir gwaanji wa ɗye nari, a mbu̱mderem ma ku̱ shipa mi nda. Mbu̱mndi nu̱ke a shiran yerem nang ba a shaatar mbu̱ zhaaji na viki she Zhinkir gwaanji, nu̱ke ɗya Jiimba.

2 Korintiyeku 4:17

Jiwa bonye koɗommandi nu̱ke chem a zaran nang ɓu̱ shoɓ ɓa, yang ka vu̱r zhaaji khangndi yerem koɗokh si ɓa.

Galatiyeku 3:26

Tun kha ma qusonggi ɓu̱ Magham kap ɓaanu nu̱ ku̱nshe maitar Masiya Yesu.

Galatiyeku 4:6

Nu̱ke tun qusonggi ɓaran tu̱ Magham a ru̱k nu̱ Jiimbi Yi ɓaran nu̱ mbu̱ memu̱na nu, a qa Magham za, “Aba, Zhinki.”

Filipiyeku 3:21

Chin ke nu̱ zalale sar aa nu̱m kap nu̱ mbu̱ bu̱nan. Ka nggoɗ man vaarem ndu̱mkandi nang nu̱gha nu̱ ku̱nshe zalale ɓaranang, tu̱ gaɓ ndu̱ wor tu̱ kha wa man varan nu̱ zhaaji nang.

Kolosiyeku 3:4

Masiya ke nyifi ɓaanu zhirekandi. Mbu̱ a ɓa tu̱k, tun ka ɓa kha gha su̱yen ndu̱ chin tun gwa me ɓaanu mbe zhaaji ɓaran.

Yibraniyeku 9:28

wanang tu̱k wa vu̱r Masiya sar kaada ma ku̱ da solarku ɓu̱ nduki khang. Masiya ka ɗa ɓa nu̱ rapan, yang ka ɗa ɓakya ma da solarku ɓu̱ nduki ɓa, ka ɗa ɓakya ma ɗana nduki nu̱ke a kasha gaɓti ɓaran.

2 Bitu̱rus 1:4

Nu̱ Ku̱nshe ɗyiku nang wa vu̱r alqawarku ɓaran gwaanji ku nu̱ zhaaji, ma ku̱ gwa nu me Maghamndi ɓaran nu̱ ku̱nshe ɗyiku nang, tun lawa mbe mu̱narku nu̱ke a larji nu̱ke shimndi ɗyiku malkandi ka ɓa ki si.

1 Yokhana 2:28

Leendang, tun qusonggi ɓang nu̱ke nga ndolaran zu̱m ma guma ndu̱ khar mbe Masiya, ku̱me fu̱ɗa ɓar ɓaran chem ɓu̱ tu̱k kawa ɓa chem ka kha ndu̱ shokhku̱rokh memu̱na gume nda.

1 Yokhana 2:7

Tun raptaku nu̱ke nga ndolaran, nga bu̱lar nang ma vu̱r nga bibiti nggur ye nu ɓa. Ai, ɗya ba bibiti nu̱ zhu nu̱ vu̱rki ye nu gumapaali. Yang bibiti nu̱ zhu nang ɗya ba bibiti nun woɗaki tu̱ktan.

1 Yokhana 3:1

Nggu̱t ma pooni ndolar maɗyikandi nu̱ Zhinkirang wutki yerem nu̱ka qaki rem za chem qusonggi ɓu̱ Magham, yang chem wanang shwat. Nduki nu̱ larji nu̱ zu̱nderem ku ɓa ku̱me nu̱ zu̱n nda ku ɓa.

1 Yokhana 3:10

Wonji ɗyi nu̱ saki chem zu̱n qusonggi ɓu̱ Magham ndu̱ qusonggi ɓu̱ Sheɗan. Kap njif nu̱ke nu̱ka shi ɗyi nu̱ke torop ɓa, ɗya yi ɓu̱ Magham ɓa, yang njif nu̱ke nu̱ ka ndola mu̱dlen ɓa, ɗya yi ɓu̱ Magham tu̱k zum ɓa.

1 Yokhana 3:21

Raptaku nu̱ke nga ndolaran, mbu̱ memu̱narem nu̱ wut yerem za chem zopan ɓa, chem ka kha ndu̱ shokhku̱rokh memu̱na gume Magham.

1 Yokhana 5:1

Kap njif nu̱ maitaki za Yesu chin ke Masiya, ɗya yi ɓu̱ Magham. Ai, njif nu̱ ndolaki Zhin woyang ka ndola woyang tu̱k.

Ɗyin mbu̱ tukari 2:28

Ngga vu̱r pazar ɗatli maari yenda tu̱k.

Ɗyin mbu̱ tukari 22:4

Ka na mbu̱ yitan ku, yang dlu̱man a nje bu̱laran me guma wora.