1 Yokhana 3:15 - Mewar Alqawarang

¹⁵ Aa nyi nduk nu̱ zhangki mu̱dlen ɗya nu̱ tlaghar mu̱ɗi. Yang tun wa zu̱n nu̱ ɗyine nu̱ tlaghar mu̱ɗi a nje nu̱ke ka khaki ndu̱ nyifi nu̱ke nu̱ka shi woɗa ɓa mbe nda ɓa.

1 Yokhana 3:15 Iomraidhean Croise

Matta 5:28

Yang ngaa zu̱ran ye nu kap njif nu̱ nggu̱tki nusu tu̱ shim shi zawar ndu̱ chin wa woɗa qaandi ndu̱ chin mbu̱ memu̱naran.

Markus 6:19

Yang memu̱na Khirudiya wa su̱bu̱r ndu̱ Yokhana nu̱ke a shim tlagha nda nu̱ gha yang nu̱ gwa maaran ɓa.

Yokhana 4:14

yang aaki zaki ɗyim nu̱ke ngga vu̱rki yendang ɓu̱ tu̱k khuzhum gana tu̱k ɓa. Ɗyim nang vu̱rki yendang ka kha ma ɗyim nu̱ke a ɓaghar ma yir mbu̱ nyifi nu̱ke nu̱ka shi woɗa ɓa.”

Yokhana 8:44

Tun ɓu̱ zhinonu Sheɗan, yang tun a shim shir ɗyi nu̱ke a shiran tu̱k. Ɗya nu̱ tlaghar mu̱ɗi gumapaali yang nu̱ damta ndu̱ zhire ɓa, ku̱me zhire nje mbe nda ɓa. Mbu̱ wa kota wollo aakochi a shikya me ghai ɓaran, ku̱me ɗya nu̱ kotama, zhinkir ɓu̱ wollo.

Tlu̱nar ɓu̱ Pudeku 23:12

Nu̱ dumaari, tu̱ Yakhudekwang daasa ma tlagha nda Bulus. Tu̱ ku̱mnda ku za wor ɓu̱ zu̱m ɓa, yang wor ɓu̱ za aa nu̱m ɓa, kope wor wa tlagha Bulus.

Tlu̱nar ɓu̱ Pudeku 23:14

Tu̱ ɗu̱ ku she kuruku rututundi ndu̱ dlegumeku ɓu̱ ndukyang tu̱ zu̱ ku za, “Chem wa shi ku̱mndar gwaanji nyem za chem ɓu̱ zu̱m aa nu̱m ɓa yang chem ɓu̱ za aa nu̱m ɓa kope chem wa tlagha Bulus nang.

Yaqub 1:15

Mbu̱ melakh malkandi ɓaran wa shi ghu̱rɓan tu̱ ka kha solari. Mbu̱ yang solarang wa gori tu̱ kha mu̱ti.

1 Biturus 1:23

Jiwa tun wa gwa mewar khari. Yang mewar nyifi ɓaanu nang tun gwa she pooni nu̱ke wa ka mu̱t ɓa, tun gwa she pooni nu̱ke nu̱ka shi mu̱t ɓa. Kha nu nu̱ ku̱nshe ɓalar ɓu̱ Magham nu̱ke nyifiri a si yang nu̱ka shi mu̱ti ɓa.

1 Yokhana 2:11

Njif nu̱ke a zhang mu̱dlen kharan mbu̱ zhumi, yang a yir mbu̱ zhum tu̱k, nu̱ zu̱n ye maa nu̱ke chin a yir su̱ ɓa, ku̱me zhum maarang wa sa nda tu̱ kha puguman.

1 Yokhana 2:9

Njif nu̱ zu̱ki za chin a mbu̱ yarang, yang a zhang mu̱dlen, a mbu̱ zhum ma ɓar meeni.

Ɗyin mbu̱ tukari 21:8

Yang nu̱ sawarku, ndu̱ nu̱ song shir zhireku, ndu̱ nu̱ tlu̱nar ɗye zhaane ku, ndu̱ nu̱ tlaghar mu̱tiku, ndu̱ nu̱ zawarku, ndu̱ nu̱ ɓu̱tli ghaiku, ndu̱ nu̱ ghaari ghai ye mu̱lu̱mku, ndu̱ kap nu̱ wolloku. Ka gwa ɗye ɓi ɓaanda mbu̱ giɗim ɓai gu̱rgu̱rndi nu̱ ɓai solfa, nang ke mu̱ti nu̱ rap.”