1 Yokhana 3:12 - Mewar Alqawarang

¹² Ku̱ kha nu wa Kayinu nu̱ gaɓki ma ɓu̱ Sheɗan tu̱ tlagha khachinang nu̱gha ɓa. Nu̱m saki tu̱ tlagha mu̱dlenang nu̱gha? Tlagha nda ku̱me tlu̱nar ɓaran maatlin, yang ɓu̱ khachinang mbari.

1 Yokhana 3:12 Iomraidhean Croise

Matta 13:19

Mbu̱ nduk wa tu̱k ɓalar kwaaɗarang yang nu̱ da mban ɓa, Sheɗan ka ɗa ɓa tu̱ lawa ɗyi nu̱ kaɓki nu̱ mbu̱ memu̱naranang ɓara. Nang ke pooni nu̱ nggu̱ɗki nu̱ yiti njivang.

Matta 13:38

Damang ɗya larji, pooni mbarkandang ɗya qusa kwaaɗarang, gululang ɗya qusonggi ɓu̱ nu̱ mu̱narang.

Matta 23:35

Ngga ɗa ru̱k ndukiku nang ku̱me shipiti tom ɓu̱ nu̱ dambi ku nu̱ tlaghaki mbu̱ larji kap ku̱ gaɓ nu̱ ɗyinonu. Ma ji ɗyine tom ɓu̱ Khabila nu̱ dambi, ma yir ɗyine Zakariya yi ɓu̱ Berikiya, nun tlaghaki nda nu̱ gha chele ɓu̱ maa shakhshakhndang ndu̱ du̱ku̱l sadkyang.

Matta 27:23

Tu̱ Bilatus zu̱ za, “Ku̱me nu̱ma? Tlu̱na kya nu̱m nu̱ke malkandang na?” Tu̱ yang ndukyang shaata da su̱qura wor nu̱ viɗi a zu̱ran ku za, “Ku̱ kaatli nda gha!”

Matta 5:37

Buu ku̱ ‘I’ ɓaanu kha ma ‘I’ ndu̱ ‘O, O’ kha ma ‘O, O’ Kap ɗyi nu̱ peetaki nang a vi she Nu̱ mu̱narang.

Luka 11:51

Jiiri ɗyine tom ɓu̱ Khabila nu̱ mbu̱ɗki ma yir ɗyine tom ɓu̱ Zakariya nu̱ tlaghaki nda chele du̱ku̱l ndu̱ maa Shakhshakhndi mbu̱ rafti ɓu̱ Maghamang. Wanang, ngaa zu̱ran ye nu, kumara nje ɗyine nduki nu̱ qaandi virkir meeni ku̱me ɗyiku nang.

Yokhana 10:32

Tu̱ Yesu tlogha ye wor za, “Nga shi ɗyi mbarkandi ye nu khang she Zhinkirang, yang tun a ma mbukti nga ku̱me nyi chele na?”

Yokhana 8:40

Nga nu̱ zu̱r zhire ɓu̱ ɗyi nang tu̱kki she Magham, yang tun a laɓ njiv tlagha nga. Ai, Yibram nu̱ka shi tun wanang ɓa.

Yokhana 8:41

Ku̱me nang, tun a shikya ɗyi nu̱ke zhinonu a shiran.” Tu̱ yang Yakhudekwang zu̱ za, “Khaarem mbu̱ khu̱r ɓa. Magham ke Zhinerem, chin ke Zhinerem ɗyenda.”

Tlu̱nar ɓu̱ Pudeku 7:52

Annabyang nje nu̱ke zhikannu nu̱ vu̱r bonye yenda ɓa mu? Wor tlaghaki nduki nu̱ wopaki ɓar ɓu̱ nu̱ Jeembu nang, yang leendang tun vu̱rki nu̱ Jeembwang ɓar tun tlagha nda nu̱ gha.

1 Tasalonikeku 2:14

Jiwa nyeezaku, shoga ma tunu she tabar ɓu̱ nu̱ mbu Magham mbe Masiya Yesu, wor nu̱ke a mbu̱ dlar ghai Yakhudiya, nu̱ke tun wa za bonye kha nduki nu̱ mbu̱ ghai ɓaanu, ba wa nu̱ zaki ku mbu̱ khar Yakhudeku.

Yibraniyeku 11:4

Maito saki tu̱ Khabila vu̱r sadke ye Magham nu̱ dukki ɓu̱ Kayinu mbaari. Shir wanangang saki tu̱ gwa dlu̱r she Magham nu̱ ɗyine chin nu̱ dambi, nu̱ke Magham wa dlu̱ sadke ɓaranang. Aa nu̱ke Khabila wa mu̱ɗi, yang a ɓalar ma ɓar meeni ku̱me maito ɓaran.

Yibraniyeku 12:24

Tun a ɓakya she Yesu nu̱ daasaki mewar alqawar chele ɓu̱ Magham ndu̱ nduki ɓaran, kom tu̱ batl tom nu̱ka shiki ɓalar mbarkandi tu̱ duk tom ɓu̱ Khabila.

1 Biturus 4:4

Leendang yang raptonu ku nu̱ zhu a lazham gontar ɗyin nun zhangki shiran gha ndu̱ wor ma shi ɗyi malkandi ku nun ka shiki zhu ndu̱ wora, a shipiti pu̱zi ye nu ku.

1 Yokhana 3:8

Sheɗan ɗya nu̱ sola gumapaali, ku̱me nang kap njif nu̱ zu̱mki guma ndu̱ shir sola ɗya ɓu̱ Sheɗan. Ɗyi nu̱ saki tu̱ Yi ɓu̱ Magham a ɓa larji ma ku̱ su̱ya tlu̱nar ɓu̱ Sheɗan nu̱gha.

Yakhuda 1:11

Ɗya ɗye zhiyaye ku! Wa mbu ɗye shir ɓu̱ Kayinu ku. Ku̱me shimndi gwar tunu wa nggu̱ɗ ku nu̱ mbu̱ ɗyi galkandi nu̱ Balaam shiki, wa su̱ya ku tu̱k wa nu̱ shiki sarchi pooni tonggu̱rong ɓu̱ Kora.

Ɗyin mbu̱ tukari 17:6

Tang na nu̱ke nokhzi nang wa kuya ndu̱ tom ɓu̱ nduki ɓu̱ Magham ndu̱ tom ɓu̱ nduki nu̱ tlaghaki wor ku̱me saidar Yesu nu̱ shiki ku. Nang naki nda, tu̱ shi lazham ya maɗyi.