1 Yokhana 2:8 - Mewar Alqawarang

⁸ Yang kap ndu̱ nang nga bu̱lakyang bibiti mewakandi ye nu. Nduk ka na zhire nang nu̱ mbe nda ndu̱ tunu, ku̱me zhum maari a peetari, yarang zhirekandi wa nggaasi wuti.

1 Yokhana 2:8 Iomraidhean Croise

Matta 4:16

Nduki nu̱ke kharan ku mbu̱ zhum wa na yarang gwaanji, yarang a vi ye nduki nu̱ke kharan mbu̱ jiimbi mu̱ti.”

Luka 1:79

ma vu̱r yarang ye nduki nu̱ke kharan mbu̱ zhumi, ndu̱ jiimbi mu̱ti. Ka khutlo saarerem ku̱ mbu njiv nu̱ke qaandi memu̱nar a si.”

Yokhana 1:9

Yarang zhirekandi nu̱ke a vu̱r yarang ye aaki a ɓa mbu̱ larji.

Yokhana 12:35

Tu̱ Yesu ze wor za, “Yarangang a nje su̱yen ndu̱ tunu me sarchi koɗomma. Shi ma yir sarchi nu̱ke yarangang a nje su̱yen ndu̱ tunu, ma ku̱ zhum maari gwa nu ɓa. Nu̱ yir mbu̱ zhum maari nu̱ zu̱n ye maa nu̱ke chin a yir su̱ ɓa.

Yokhana 12:46

Nga ɓa wa yarang mbu̱ larji ku̱me ku̱ aaki nu̱ke a maita nga shi yir mbu̱ zhum ɓa.”

Yokhana 13:34

“Nga zu̱kya mewar Wopar ye nu, ba wa nang ndolaki nu, tun ndola yen tu̱k wanang.

Yokhana 8:12

Tu̱ Yesu zu̱m guma ndu̱ ɓalar ye nduki a zu̱ran za, “Nga ke yarang ɓu̱ larji. Kap njif nu̱ke a mburi nga ɓu̱ shi yir mbu̱ zhum ɓa, yang ka gwa yarang nyifiri.”

Tlu̱nar ɓu̱ Pudeku 17:30

Zhu tang Magham nu̱ kuma nduki ku̱rku̱r ndu̱ zop ɓaanda ɓa, ku̱me song zu̱ndi ɓaanda. Yang leendang wa qa nduki aa fu̱n ku̱ nggoɗ ku.

Tlu̱nar ɓu̱ Pudeku 26:18

To ka qu̱n yiti wor tu̱ vi ɓar mbu̱ zhum maari ta gaɓku nu̱ mbe yarangi, ka njig kwaaɗar ɓu̱ Sheɗan tu̱ ɗa ɓa ku she Magham. Shir wanang ka sa tu̱ yaapa solar ku ɓaanda ye wora, tu̱ gwa me shakhti ɗye mbu̱ ge su̱yen ndu̱ nduki nu̱ wakaki vaanda ku̱me wa maita ku.’

Romeku 13:12

Virkirang wa shi bing woɗari, wa njig koɗom ku̱ maarang ɗatli. Ku̱me nang bu ku̱ wos mi tlu̱nar nu̱ zhum maari gha, chem sa lukti nu̱ vi nu̱ dakhlar ɓaarem nu̱ yarangi.

2 Korintiyeku 8:9

Tun wa zu̱n mu̱nkir ɓu̱ Zhinerem gwaanji Yesu Masiya. Aa nu̱ke gu̱naran, tu̱ gaɓ ndu̱ ɗyinan ma nu̱ nugun ku̱me tunu. Ma ku̱ kha nu gu̱naran gume Magham nu̱ ku̱nshe nungndi ɓaran.

Afiseku 5:8

Nu̱ke ɗau fara tun a mbu̱ zhumi, yang leendang tun wa gwa yarang nu̱ ku̱nshe Zhinerem gwaanji. Tun shi pooni khar ɓu̱ nduki nu̱ mbu̱ yarangi,

2 Timoti 1:10

tu̱ yang wut mu̱nkirang yerem ye dalangi nu̱ ku̱nshe ɓar ɓu̱ Nu̱ Ɗanar ɓaarem Masiya Yesu. Chin su̱yaki mu̱ti nu̱ gha ta ɓa nu̱ nyifiri nu̱ke nu̱ka shi mu̱t ɓa yerem ye yarangi nu̱ ku̱nshe Labar Mbarkandang.

1 Biturus 1:21

Tun wa maita Magham nu̱ ku̱nshe nda chin nu̱ jiiki ndu̱ chin ɓar mbe mu̱ti tu̱ vu̱r zhaaji yenda. Ku̱me nang maito ɓaanu ndu̱ sar memu̱nar ɓaanu a mbe Magham.

1 Yokhana 3:23

Nang ke ɗyi nu̱ Magham zu̱ki za shem chin ke ku̱ maita mi dlu̱m Yi ɓaran Yesu Masiya, chem ndola yen tu̱k wa nu̱ Masiya zu̱ki yerem.

1 Yokhana 4:11

Raptaku nu̱ke nga ndolaran, nu̱ke Magham wa ndola rem wanang, wa ku̱s ndola mi yen tu̱k.

1 Yokhana 4:21

Yang Masiya wa vu̱r bibiti yerem za: Kap njif nu̱ke a ndola Magham, wa ku̱s ku̱ ndola mu̱dlen tu̱k.