1 Yokhana 2:7 - Mewar Alqawarang

⁷ Tun raptaku nu̱ke nga ndolaran, nga bu̱lar nang ma vu̱r nga bibiti nggur ye nu ɓa. Ai, ɗya ba bibiti nu̱ zhu nu̱ vu̱rki ye nu gumapaali. Yang bibiti nu̱ zhu nang ɗya ba bibiti nun woɗaki tu̱ktan.

1 Yokhana 2:7 Iomraidhean Croise

Matta 5:43

“Tun wa tu̱k wa zu̱ za, ‘Ndolo nu̱ bing ɓaaro, to zhang nu̱ zhangndi ɓaaro.’

Yokhana 13:34

“Nga zu̱kya mewar Wopar ye nu, ba wa nang ndolaki nu, tun ndola yen tu̱k wanang.

Tlu̱nar ɓu̱ Pudeku 17:19

Ku̱me nang, tu̱ ɗu̱ ndu̱ chin ku Ariyopagus mbu̱ tabar ɓaanda tu̱ zham nda ku za, “To ka ɗu̱ma zu̱ su̱ mewar shogar nu̱ke ta shiran nang yerem mu?

Yibraniyeku 6:9

Raptaku, aa nu̱ke chem a pooni ɓalar nang, chem wa maita nu̱ ɗyine ɓaanu tun wa dlu̱ barke nu̱ dukki mbaari qu̱rse ɗanar ɓaanu.

1 Yokhana 2:24

Zu̱m ma guma ndu̱ mbu shogar nun tu̱kki ji vu̱ nggarsan. Mbu̱ shogar nun dlu̱ki gumapaali a nje memu̱na nu, tun ka khan mbe Woyang ndu̱ Zhinkirang tu̱k.

1 Yokhana 3:11

Nang ke ɓalar nun tu̱kki gumapaali: Wa shipa ku̱ ndola nu yen.

1 Yokhana 3:2

Raptaku nu̱ke nga ndolaran, leendang chem qusonggi ɓu̱ Magham. Nu̱ wut ɗyi nu̱ke chem ka khaki gana fan dong ɓa. Yang chem wa zu̱n nu̱ ɗyine mbu̱ Masiya a gaɓi chem ka kha wa chin, ku̱me chem ka na nda wa nu̱ke a si.

1 Yokhana 3:21

Raptaku nu̱ke nga ndolaran, mbu̱ memu̱narem nu̱ wut yerem za chem zopan ɓa, chem ka kha ndu̱ shokhku̱rokh memu̱na gume Magham.

1 Yokhana 3:23

Nang ke ɗyi nu̱ Magham zu̱ki za shem chin ke ku̱ maita mi dlu̱m Yi ɓaran Yesu Masiya, chem ndola yen tu̱k wa nu̱ Masiya zu̱ki yerem.

1 Yokhana 4:1

Raptaku nu̱ke nga ndolaran, ku̱ maita nu aa nyi jiimba ɓa, buu ma jiimbiku dong tun na mbu̱ a vi she Magham. Jiwa annabi kotameku wa vi ku nu̱ aa fu̱n mbu̱ larji.

1 Yokhana 4:11

Raptaku nu̱ke nga ndolaran, nu̱ke Magham wa ndola rem wanang, wa ku̱s ndola mi yen tu̱k.

1 Yokhana 4:21

Yang Masiya wa vu̱r bibiti yerem za: Kap njif nu̱ke a ndola Magham, wa ku̱s ku̱ ndola mu̱dlen tu̱k.

1 Yokhana 4:7

Raptaku nu̱ke nga ndolaran, ndola mi yen ku̱me ndola ka vi she Magham. Kap njif nu̱ka wutki ndola ɗya yi ɓu̱ Magham, wa zu̱n Magham tu̱k.